Neemia 2:19 - Ritonõpo Omiry: A Bíblia Sagrada na língua Aparai do Brasil

¹⁹ Yrome zuaro toehse Sãparate ahtao, Topia maro, arape Jesẽ roropa yna erohtoh poko, toexianase toto. Yna tounohse roropa eya xine. Ynara tykase toto: — Oty riry se hmatou? Tuisa konõto epetõkarame exĩko matou? tykase toto.

Neemia 2:19 ပူးပေါင်းရင်းမြစ်များ

Neemia 13:28

Joiata, Eriaxipe mũkurume nexiase, Oturukety imehxo exikety. Yrome Joiata mũkuru toiro typytase Sãparate ẽxiry maro, Pete-Horõ pono. Morara exiryke Joiata aropoase Jerusarẽ poe.

Neemia 2:10

Yrome Sãparate, Pete-Horõ pono te, Topia maro, Amõ nonory esẽ tohne toehse zuaro toehse ahtao ahno oepyry poko Izyraeu tõ akorehmase.

Neemia 4:1

Morarame pata apuru riry poko juteu tomo a, zuaro toehse Sãparate ahtao, tyenonohse ynororo, yna typoihtopitose eya.

Neemia 6:6

Moro pape totapuruhmakase nexiase. Ynara tymerose: “Ynara juruno Jesẽ: Ahno emero oturũko mã toto opoko xine. Tuisa konõto omipona pyra exĩko juteu tõ mana. Morara exiryke pata apuru rĩko mã toto. Ynara nase roropa ynororo opoko: Toto tuisary konõtome oexiry se mase,

Neemia 6:9

Enaromỹke yna riry se toh nexiase yna erohtoh poko pyra yna ehtohme. “Seromaroro, Ritonõpo, jamihmehxo yna tyriko!”

Jo 30:1

“Yrome seromaroro ahno poetomehxo exiketõ jeunohnõko mã toto. Jũkõ toerokurukõ waro pyra toh nexiase. Akĩme exiketyme toh nexiase. Toto anaropopyra jexihpyryme kaikuxi tõ maro jeky tõ kaneru tõ pynanohtohme.

Saumu 123:4

Ynahtomãko mã mokaro tymõkomoke exiketomo, kokoro rokẽ epyrypaketõ roropa yna poihtõko mã toto.

Saumu 79:4

Imehnõ nonory põkõ, ynakatonomory, yna poihtõko, exianãko mã toto, yna eunohnõko mã toto.

Saumu 80:6

Imeimehnõ nonory põkõ yna zomye exiketõ osetapãko mã toto yna nonory poko. Yna epetõkara yna eunohnõko mã toto.

Saumu 80:7

Yna enehko ropa, Ritonõpo Jamihmehxo Exikety! Yna onuãnohpyra exiko, mame typynanohsẽme exĩko ropa ynanase.

Izaja 36:5

Omi yna motye ekarõko mah? Torẽnase yna imehnõ poremãkapory poko, yna soutatu tõ orẽpyra mã toto. Onoky ekarõko mah ãkorehmanekõme, orẽpyra oehtohkõme, Axiria tuisary poetoryme pyra oehtohkõme?

Jeremia 20:8

Tahxime jotururuhtao kohtanohpõko mase ya, “Oryhmatorỹko! Oenahkatorỹko!” Ritonõpo, ypoihtõko mã toto, jeunohkehpyra mã toto õmiry ekaroryke ya.

Jeremia 41:10

Mame Iximaeu toytose Amõ nonory pona, typoetoryme tuisa ẽxihpyry tõ tarose eya imehnõ ahno Mixipa põkõ akoĩpyry maro. Mokaro nexiase tuisa Nepuzaratã nynomotyamo Ketaria maro toto pynanohtohme.

Mateu 9:24

Mame ynara tykase Jezu eya xine: — Otũtatoko taroino emero porehme. Mose orihpyra mana, nyhnõko rokene, tykase. Yrome typoihtopitose eya xine.

Maku 5:40

Morarame tounohse eya xine. Mame emero Jezu a tutũtanohpose ropa toto tapyi tae. Jũ maro rokẽ tomõse toto, jumy, jeny, typoetory tõ oseruao. Enara toh tomõse aorikyhpyry enese.

Ruka 23:2

Mame Jezu tyhxirose eya xine. Ynara tykase toto: — Mose yna ekyry enekunohnõko mana. Azahkuru toto amorepãko mana. Ynara nase: “Tineru onekaropyra ehtoko sero pata tamuru esemy a, Ĩperatu a,” nase mose ro, tykase toto ajohpe rokene. “Ritonõpo nymenekahpyryme ase, oesẽkõme ase,” nase roropa ynororo, tykase toto Pirato a.

João 19:12

Morara kary etaryke tyya Jezu tũtanohpory se ropa toehse ynororo ipunaka. Yrome juteu tõ sekere tykase opore: — Mokyro tũtanohpory ropa ahtao oya Ĩperatu epeme pyra mase exĩko. “Tuisame ase,” kahpõ mã Ĩperatu epeme pyra mana, tykase toto Jezu poko.

Atos 24:5

Mose Pauru ajoajohpano. Imehnõ pata tõ poro ytoytokety mose ro. Tyoro amorepatõ mose ro, kowenu omipona pyra juteu tõ ehtohme. Nazare põ poetory esẽ mose ro.

Epereu 11:36

Imehnõ tounohse imehnomo a. Typoihtose toto te. Tũpore exikety ke typitypipohse toto ĩpatarãnaka xine jetuhxo ehtohme. Imehnõ tymyhse roropa zehnotokomo a keti ke, ãpuruhpyry taka tõmase toto.