Neemia 12:46 - Ritonõpo Omiry: A Bíblia Sagrada na língua Aparai do Brasil

⁴⁶ Tuisa Tawi ehtopõpyry poe, eremiakety Asape poe roropa pake, ahno takorehmase eremiaketomo a, eremiatoh poko Ritonõpo eahmaryme te, “Kure mase Ritonõpo,” kary poko, eremiaryme, enara.

Neemia 12:46 ပူးပေါင်းရင်းမြစ်များ

1 Koronika 9:33

Imehnõ rewita tõ tyrohmanohpose eremiatoh poko Ritonõpo Tapyĩ tao. Mokaro tamuximãkõ tosake toehse Ritonõpo Tapyĩ tao. Moro poko rokẽ toh kynexine saereme koko, enara.

2 Koronika 29:30

Mame rewita tõ turuse tuisa a tamuximãkõ maro: — Oeremiatoko Ritonõpo eahmaryme, Tawi nymerohpyry ae ro, urutõ Asape nymerohpyry ae ro roropa. Toremiase toto tãkye rokẽ rahkene. Moromeĩpo tosekumurukõ po typorohse toto Ritonõpo eahmatohme.

Neemia 11:17

Matania, Mika mũkuru, Zapiti pary, Asape ekyryme nexiase. Ritonõpo Tapyĩ tao eremiaketõ tuisaryme nexiase, toto eremiary poko, “Kure mase, Ritonõpo,” kary poko eya xine Ritonõpo eahmaryme; Pakepukia, Matania akorehmaneme nexiase. Apata, Samua mũkuru, Karau pary. Jetutũ ekyryme nexiase ynororo.

Saumu 137:4

Yrome imehnõ nonory po yna ahtao otãto eremiãko yna nae Kuesẽkõ eahmaryme?

Saumu 73:1

Ajohpe pyra, kure Ritonõpo mana Izyraeu tomo a, kure mana kure ehtoh poko exiketomo a ikurohtao xine.

Saumu 83:1

Ritonõpo, mynyhme pyra exiko! Tehme pyra exiko, oturuko ynanetaryme!