Neemia 1:10 - Ritonõpo Omiry: A Bíblia Sagrada na língua Aparai do Brasil

¹⁰ — Ritonõpo, opoetoryme moxiã mã toto, onymenekatyamo. Typynanohse toto oya imehnõ winoino ajamitunuru ke orẽpyra oexiryke.

Neemia 1:10 ပူးပေါင်းရင်းမြစ်များ

Saumu 136:12

Tarose toto tomary jamihmã ke, tapory jamitunuru ke roropa; kypyno xine exikehpyra mana.

Saumu 74:2

Wenikehpyra exiko opoetory tõ poko, tymenekase toto oya pake opoetoryme toto ehtohme. Typynanohse toto oya imehnõ namotome toto ahtao, amaro toto ehtohme. Wenikehpyra exiko ypy Xião poko, oesahpyry.

Saumu 89:14

Tuisamehxo mase emero Esẽme roropa; ajohpe pyra mase, zae ehtoh poko rokẽ roropa, yna pyno mase, anamonohpyra roropa mase emero poko awahtao.

Exutu 13:14

Imeĩpo opoenõkõ oturuporyhtao oya xine: “Oty kary morohne?” toto ezuhnõko matose: “Tyjamitunuru ke Ritonõpo a tarose yna Ejitu poe. Moroto imehnõ namotome ynanexiase.

Exutu 13:16

Morara tyrĩko ynanase wenikehpyra ehtohme, enetupuhtoh mykyry sã yna emary poko te, yna pery poko roropa; wenikehpyra ynanase yna arotopõpyry poko Ritonõpo a Ejitu poe, tyjamitunuru ke.”

Exutu 13:3

Ynara tykase Moeze Izyraeu tomo a: — Wenikehpyra ehtoko sero ẽmepyry poko. Seroae Ejitu turumekase oya xine. Moroto imehnõ namotome mexiatose. Sero ẽmepyry ae amarokõ tonehse Ritonõpo a tyjamitunuru ke. Wyi porutatoh maro onenahpyra ehtoko.

Exutu 13:9

Sero otuhtoh konõto enetupuhpotohme exĩko oya xine imykyhpyry samo oemary poko te, opery poko roropa. Ãkorehmatorỹko mana wenikehpyra oehtohkõme, Ritonõpo omihpyry otururu poko, atamorepary poko, enara. Tyjamitunuru ke Izyraeu tõ tarose Ejitu poe.

Exutu 15:13

Yna pyno oexiryke, opoetory tõ arõko mase typynanohse toto oya, ajamitunuru ke tarose toto oya ononory kurã pona, Ritonõpo.

Exutu 32:11

Yrome tõturuse Moeze Ritonõpo a. Ynara tykase ynororo: — Ritonõpo, yna Esemy, oty katohme opoetory tõ zehno mexino ajamitunuru ke toto enehxĩpo Ejitu poe?

Exutu 6:1

Mame ynara tykase Ritonõpo Moeze a: — Seromaroro ynyriry Ejitu tuisary a enẽko mase. Ynara tyripõko ase eya: ypoetory tõ akorehmãko mana aytorykõ poko. Ỹ, tãtaryporyke toto aropõko mana tynonory rumekatohme eya xine.

Exutu 6:6

Naeroro ynara kahtoko Izyraeu tomo a: “Ywy ase Oesẽkomo. Opynanohtorỹko ase otuarimatohkõ wino Ejitu po. Yjamitunuru ke Ejitu põkõ wãnohnõko ase yronymyryme. Opynanohtorỹko ase.

Exutu 6:7

Oritorỹko ase ypoetory tõme. Ywy Oesẽkõme exĩko ase. Tuaro exĩko matose Ritonõpome jexiry poko, Oesẽkõme, opynanopyrykohtao ya otuarimatohkõ wino Ejitu po.

Izaja 64:9

naeroro yna zehno exikehko, yna rypyry poko owenikehko. Wenikehpyra exiko opoetoryme yna ehtoh poko.

Teuteronomiu 15:15

Wenikehpyra exiko namotome oehtopõpyry poko Ejitu po, moro poe oenehtopõpyry poko roropa Ritonõpo Kuesẽkomo a. Morara exiryke moro ripõko ase oya xine seroae.

Teuteronomiu 9:29

Yrome opoetoryme mã toto, onymenekatyamo opoetoryme toto ehtohme, typynanohse toh nexiase oya Ejitu poe ajamitunuru ke orẽpyra oexiryke.”