Naum 3:7 - Ritonõpo Omiry: A Bíblia Sagrada na língua Aparai do Brasil

⁷ Oeneryke epãko mã toto emero, ynara ãko mã toto: ‘Niniwe tonahkase mana!’ Onoky ipyno exĩko nae? Onoky mokyro emuhkehkapõko nae?”

Naum 3:7 ပူးပေါင်းရင်းမြစ်များ

Izaja 51:19

Popyra ehtoh asakoro toehse oya xine: ononorykõ tonahkase oepetõkara a etonatoh ke te, apatary põkõ emitapãnõko, orihnõko mã toto. Yrome opyno exikety pyra mana, oemuhkehkane pyra.

Jeremia 15:5

Ynara tykase Ritonõpo: “Onoky opyno xine exĩko nae Jerusarẽ põkomo? Onoky torẽtyke exĩko nae opoko xine? Onoky etypohnõko nae ekaropotohme oya xine: ‘Otãto pãna mã repe?’

Jeremia 50:18

Morara exiryke ywy Ritonõpo, Jamihmehxo Exikety, Izyraeu tõ Esemy tuisa Napukotonozo wãnohnõko ase ipoetory tõ maro, axirio tõ esẽ wãnohtopõpyry sã ya.

Jeremia 51:9

Imeimehnõ nonory poe aepyhpyã morotona osesarise ynara tykase: “Papironia põkõ akorehmary se ynanexiase repe, yrome tonahkase toto exiryke anakorehmasaromepyra ynanexiase. Ehmaropa emero kynonorykõ pona ropa. Papironia tuãnohse Ritonõpo a tyjamitunuru ke. Tonahkase mana ipunaka.”

Ramẽtasão 2:13

Pata Jerusarẽ põkomo, nupunato aexihpyry, otara ãko ha ãkorehmatohme? Otãto oemuhkehkapõko hano, Xião põkomo? Imehnõ etuarimapitopyra nexiase asamo. Oporemãkatopõpyry itamurume mana tuna konõto zumohxo ehtoh samo. Opynanohsaromepyra imehnõ mana.

Naum 1:1

Sero mã Ritonõpo omihpyry Niniwe tõ poko, enepotoh tokarose ahtao Naum a, pata Euko pono a.

Sowonia 2:13

Tyjamitunuru ke Axiria enahkapõko Ritonõpo mana, inikahpozakoxi. Pata Niniwe enahkapõko mana, patãpome inomõko mana, ona tonorẽ samo exĩko, tuna pyra exikety samo.

Numeru 16:34

Mokaro kui kui kary etaryke tyya xine tururume toytose Izyraeu tomo, moroto aexityamo. Kui ãko roropa toh nexiase, ynara tykase toto: — Epatoko! Kuenahkatorỹko nono mana!

Apokaripxi 18:10

Amekeino rokẽ enẽko mã toto, mokaro etuarimatoh zuno toexirykõke. — Myhene! Myhene! ãko mã toto. — Pata imehxo nexiase repe. Orẽpyra Papironia põkõ nexiase repe. Yrome axĩ tonahse myhene, ãko mã toto.