Naum 3:4 - Ritonõpo Omiry: A Bíblia Sagrada na língua Aparai do Brasil

⁴ Pata Niniwe, imeimehnõ poko exikety sã, tuãnohsẽme exĩko mana! Enekure exiketyme, enekunohto roropa. Pyaxime toehtoh ke tõmiry omipona imehnõ nonory põkõ tyripose eya, osepeme toto maro ehxĩpo, tymyhpose toto eya.

Naum 3:4 ပူးပေါင်းရင်းမြစ်များ

Izaja 47:8

Etako pahne, zae pyra ehtoh poko penetakety, torẽtyke pyra mase, popyra ehtoh oepyry zuno pyra roropa mase. Okurohtao ynara ãko mase: ‘Ywy ase tuisame; imepỹ ypanõ pyra mana. Pytỹpome exipyra ase, ypoenõ orihpyra mã toto,’ ãko mase repe.

Izaja 47:9

“Yrome seromaroro jomiry etako pahne: axiny, toiro saereme ahtao morohne asakoro exĩko oya, onio orihnõko mana opoenõ roropa, oneponãmarykõ poko awahtao ro, pyaxi tõ poko roropa awahtao ro.

Ezekieu 16:35

Morara exiryke, seromaroro etako pahne, imehnõ orutua kõ poko exikety, Ritonõpo omiry oya mana.

Apokaripxi 18:23

Nãparina saerehkara exĩko mana. Niotaketõ omiry pytaketõ omiry roropa osetara moroto exĩko mana. Mõkomo ekamonanõ imehnõ motye orẽpyra toh nexiase repe. Pyaxime toehtohkõke imehnõ tonekunohse eya xine, emero pata tõ põkõ, nase.

Apokaripxi 18:9

Morarame sero põkõ tuisary tõ ipoko xine aehtyã xitãko mana. Imaro xine tãkye aexityã pata zatyry eneryke tyya xine xitãko mã toto. Apoto erexĩtory eneryke tyya xine xitãko mã toto.