Naum 3:2 - Ritonõpo Omiry: A Bíblia Sagrada na língua Aparai do Brasil

² Etatoko ke: kawaru tõ pipohnõko mã toto axihxo toto ytotohme, panaikato kahu tõ pupuru tomo! Kawaru tõ tururume oehnõko, kahu tõ maro etonatoh kyryryme oehnõko mã toto.

Naum 3:2 ပူးပေါင်းရင်းမြစ်များ

Izaja 9:5

Mokaro soutatu sapatũ tomo, zuponỹpyry xikuromã maro munuhpe apoto htaka tomasẽme exĩko mã kehko jahkatohme.

Jeremia 47:3

Kawaru tõ pupuru etãko mã toto, kahu tõ panaikato, ipupuru tõ panaikato. Typoenoke exiketõ eramara ropa mã toto typoenõ zupitohme, emary tõ jamihme pyra toehse exiryke, tapotũkehse toto.

Joeu 2:4

Kawaru tõ sã mã toto, kawaru tõ osetapaketõ sã tururume ytõko mã toto.

Joeu 2:5

Pyhsekyhsekyh ãko mã toto ypy tõ emory po, panaikato mã toto kahu tõ ao osetapaketõ samo, apoto po amoriry tõ tonore exiketõ sã roropa. Soutatu tõ ikuhpỹme exiketõ sã mã toto, atakenaka, etonatohme.

Juize 5:22

Mame kawaru tõ tooehse, tururume. Tururume ytõko, nono tũtũmãko, tupupurukõ ke.