Naum 3:18 - Ritonõpo Omiry: A Bíblia Sagrada na língua Aparai do Brasil

¹⁸ Axiria tuisary, otuisary tõ toorihse mã toto, kowenatu tõ maro, soutatu tõ tuisary tõ roropa toorihse toto. Opoetory tõ sapararahme mã toto ypy tõ po, toto pyno exikety pyra mana, toto oximõme enehpotohme ropa.

Naum 3:18 ပူးပေါင်းရင်းမြစ်များ

1 Tuisa 22:17

Mame ynara tykase Mikaia eya: — Izyraeu tõ soutatu tõ enẽko ase sapararahme ypy tõ poro kaneru tõ samo tosẽke pyra. Mame ynara tykase Ritonõpo Kuesẽkomo: “Moxiã tosẽke pyra mã toto; ah nytõ toto tosaka xine ropa, osetapara ehtohme,” tykase.

Exutu 15:16

Enaromỹke toehse toto, ouno mã toto ipunaka. Ajamitunuru eneryke tyya xine totypohse mã toto, topume anyhtahpyry sã toexirykõke, opoetory tõ ytoytory eneryke tyya xine, opoetory tõ typynanohse oya Ejitu põkõ namotome toto ahtao.

Izaja 13:14

“Imeimehnõ nonory põkõ moroto Papironia po epãko mã toto tynonorykõ pona ropa, kapau epary sã urakanaketomo a torehse ahtao, kaneru tõ sã roropa ipyno exikety pyra ahtao.

Izaja 47:1

Ynara ãko Ritonõpo mana: “Papironia põkomo, oyhtoko tuisa apõ poe, nono pona oporohko. Pake oryximã sã mexiase, orutua poko exipitopyra exikety samo, pata onyporemãkapỹme mexiase; yrome oryximã sã pyra mase toehse, opihpyry amiamime pyra toehse. Imehnõ namotome toehse mase!

Jeremia 50:18

Morara exiryke ywy Ritonõpo, Jamihmehxo Exikety, Izyraeu tõ Esemy tuisa Napukotonozo wãnohnõko ase ipoetory tõ maro, axirio tõ esẽ wãnohtopõpyry sã ya.

Jeremia 51:39

Tyamene se rokẽ toh nae? Otuhtoh konõto ekarõko ase eya xine. Toetỹse toto ripõko ase tãkye roropa. Mame nyhnõko mã toto jũme pakara ropa ehtohme.

Jeremia 51:57

Ituisary tõ toetỹse tyripõko ase, tuaro exiketomo te, tuisa tomo, soutatu tomo, enara. Nyhnõko mã toto jũme owõpyra ropa ehtohme. Ywy Tuisa oturuno. Ywy ase Ritonõpo, Jamihmehxo Exikety.

Apokaripxi 6:15

Mame sero põkõ tuisary tõ toepase toto otonẽtohme, pata tõ esẽ tõ roropa, soutatu tõ esã roropa, tymõkomoke exiketomo, orẽpyra exiketomo, emero porehme toepase toto, tosẽke exiketomo, tosẽke pyra exiketõ roropa. Tõtonẽtohkõme toepase toto eutary aka, topu zopikoxi roropa ypy tõ po.