Naum 3:16 - Ritonõpo Omiry: A Bíblia Sagrada na língua Aparai do Brasil

¹⁶ Amaro xine mõkomo ekamonanõ tuhke toehse, ikuhpỹme xirikuato sã kapu ao. Yrome seromaroro toytose toto, taparara tõ samo: taporihke pohpoh ãko mã toto, esyryhmãko mã toto.

Naum 3:16 ပူးပေါင်းရင်းမြစ်များ

Jenexi 15:5

Mame itapyĩ tae Aparã tarose Ritonõpo a jarãnaka, ynara tykase eya: — Kapu eneko xirikuato ikuhko tuhke exiry waro oehtohme. Moro sã apakomotyã tuhke emãnõko mana, ekuhpỹme exĩko mã toto.

Jenexi 22:17

Apakomotyã tuhke emãnõko mã toto ypoe, ikuhpỹme toto ehtohme xirikuato ikuhpỹme ehtoh samo kapu ao te, isawã ikuhpỹme ehtoh sã roropa tuna konõto ehpio. Topetõkara poremãkapõko mã toto.

Neemia 9:23

Oya ipoenõ tomãkapose, tuhke ikuhpỹme, xirikuato sã kapu ao. Mame tonehse toto oya sero nono pona, õmihpyry ae ro, itamuru tomo a.

Saumu 105:34

Taparara tõ tonehpose roropa Ritonõpo a, mame taparara tõ tooehse, tuhke miujão motye, ikuhpỹme.

Izaja 23:8

Tiro pata imehxo exiketyme nexiase; moro põkõ osepekahketõ tuisame sã toh nexiase. Omõkomory poko erohketõ omiry imehnõ zamaro nexiase emero pata tõ po. Onoky tõsenetupuhse serara ehtoh poko, pata Tiro enahkatohme?

Jeremia 33:22

Ypoetory Tawi pakomotyã emãkapõko ase, oturuketõ Rewi pakomotyã roropa emãkapõko ase, tuhke toto ehtoh onukuhsaromepyra exĩko mã toto, xirikuato tõ kuhsaromepyra ehtoh samo, isawã kuhsaromepyra ehtoh sã roropa tuna ehpio.

Joeu 1:4

Akurũ sã tooehse, itamurume akurũme sã tooehse taparara tõ rokene, ahno narykatyã emero otyro tonahse eya xine. Taparara tõ osemazuhme aehtyã nynomohpyry tonahse okomino aehtyamo a.