Naum 3:13 - Ritonõpo Omiry: A Bíblia Sagrada na língua Aparai do Brasil

¹³ Osoutatu tõ jamihme pyra mã toto, nohpo tõ samo, pata omõtoh tonõ totapuruhmakase mã kehko. Omõnõko oepetõkara mana, ise tahtao xine, omõtoh ikiritihmatoh tonõ tyahkase exiryke apoto ke.

Naum 3:13 ပူးပေါင်းရင်းမြစ်များ

Saumu 107:16

Omõtoh apuru tõ tahkãko mana metau risemy, ikyryry kurimene risẽ kararahnõko roropa mana.

Saumu 147:13

Jamihme apatary omõtoh rĩko mana. Kure rokẽ apatary põkõ rĩko roropa mana.

Izaja 19:16

Mame moro ẽmepyry toehse ahtao Ejitu põkõ nohpo sã exĩko mã toto: Ritonõpo Jamihmehxo Exikety zuno exĩko mã toto emary tanỹse ahtao toto wãnohtohme.

Jeremia 50:36

Ah norihno toto ipyaxiãkõ, ajohpe exiketomo, putuhtome exiketomo! Ah norihno toto soutatu tomo, tõserehse exiketomo.

Jeremia 50:37

Ah tonahkase kawaru tõ nexĩ toto, kahu tõ maro etonatoh kyryry! Ah norihno toto soutatu tomo torẽse exiketomo, topehmase exiketomo etonatohme! Imõkomory kurã enahkapotoko! Itinerũ apoitoko arotohme amaro xine!

Jeremia 51:30

Papironio tõ soutatu tõ tãtatapoikehse toh mana. Tehme rokẽ mã toto tytapyĩkõ jamihme exiketõ tao. Torẽse toehse mã toto, otupĩko rokẽ mã toto. Pata omõtoh apuru tõ tytahkase toto, tapyi tõ tyahkase mã kehko.

Opatia 1:9

Soutatu tõ Temã po tykytyky ãko mã toto enaromỹke toexirykõke; etonaketõ Etõ po orihnõko mã toto.”

Naum 2:6

Apurutoh tonõ tuna kuao totapuruhmakase, tuisa tapyĩ konõto tao oserehnõko emero mã toto.

Naum 2:7

Tuisa neponãmary tapoise, tarose epetõkara a; ipoko exiketõ pusuh ãko, xitãko utukuimo samo, tupuropurukõ etapãko mã toto ihnamoryme.

Naum 3:15

Moro riryhtao ro oya xine orihnõko matose apoto ke, apoto ke pyra ahtao osetapanohtao orihnõko matose; oenahkatorỹko oepekõkara mana, tykyrysã enahkary sã taparara tomo a. Emãtoko taparara tõ samo, emãtoko wexixi tõ samo!