Naum 3:1 - Ritonõpo Omiry: A Bíblia Sagrada na língua Aparai do Brasil

¹ Awãnohtoh oehnõko oya xine, Niniwe põkomo, myhene! Imehnõ ryhmahpõkõme matose, apatarykõ ajohpe ehtoh ke pehme mana, imeimehnõ etapananõ ke roropa, imehnõ onyryhmakehpyra matose.

Naum 3:1 ပူးပေါင်းရင်းမြစ်များ

Saumu 62:10

Imehnõ onyryhmara ehtoko, imõkomorykõ onematonanohpyra ehtoko. Omõkomory itamurume toehse ahtao, oyamene se xine pyra ehtoko.

Izaja 17:14

Tykohmãse ahtao erehnõko mã toto, yrome tõmehse ropa ahtao pake tonahse toto. Morara exĩko Izyraeu tõ nonory poremãkary se exiketomo a, kymõkomorykõ kurã arory se exiketomo a roropa emero porehme.

Izaja 24:9

Uwa eukuru jehnahpyry onẽpyra mã toto oseahmatoh tao, eukuru nae ahtao itũ mana.

Izaja 42:24

Onoky a Izyraeu tõ tokarose epetõkara a? Onoky omi poe tomatonanohse toh nexiase? Ritonõpo poe nexiase, ineneryme yna rypyry poko toehse ynanexiase. Zae ehtoh poko se pyra sexiatose, aomiry omipona se pyra sexiatose tamorepase kuahtao xine eya.

Ozeja 4:2

Tõmirykõ etapõko mã toto ajohpe rokene, onekunohto mã toto, otapato, omatonanohto, imeimehnõ poko mã toto. Popyra toto ehtoh itamurumehxo exĩko te, imehnõ tuhkehxo etapãko roropa mã toto.

Naum 2:12

Okyno tosekase reão a, ipũ tapiakase eya tynohpory zohme ipoenõ zohme roropa; tosary pehme toehse ikarimory ke.

Naum 2:13

Ynara tykase Ritonõpo, Jamihmehxo Exikety Niniwe põkomo a: — Ywy oepekõkara ase. Okyryrykõ kahu etonatoh zahkapõko ase. Osoutatu tõ orihnõko mã toto õsetaparykohtao. Omõkomohpyry emero tomatonanohse oya xine imehnõ wino, arõko ase mya. Mame jũme typoetory tõ anaropopyra ropa otuisary exĩko mana imehnõ nonory tõ pona.

Apakuke 2:12

Popyra ehtoh oehnõko oya xine, myhene! Apatarykõ tyrise oya xine imehnõ ryhmatoh ke, zae pyra oehtohkõke, imehnõ etaparyke oya xine.