Naum 2:8 - Ritonõpo Omiry: A Bíblia Sagrada na língua Aparai do Brasil

⁸ Tuna tũtary samo, tuna apuru tytahkase ahtao, moro sã tururume epãko mã toto pata Niniwe poe! “Oetypohko! Oetypohko!” kohtãko imehnõ mã repe, yrome eramara mã toto emero porehme.

Naum 2:8 ပူးပေါင်းရင်းမြစ်များ

Jenexi 10:11

Moro nono poe toytose Ninirote, Axiria nonory pona. Pata tõ tyrise eya moroto: Niniwe te, Reopote-Ia, Kara te,

Izaja 13:14

“Imeimehnõ nonory põkõ moroto Papironia po epãko mã toto tynonorykõ pona ropa, kapau epary sã urakanaketomo a torehse ahtao, kaneru tõ sã roropa ipyno exikety pyra ahtao.

Izaja 38:14

Jetũ jexiryke pusuh tykase ywy jamihme pyra samo, parapi omiry samo; pusuh ãko exiase utuku omiry samo. Kakoxi josenuhmary poko jenuru totaehse, kapu enery poko. Ritonõpo, etuarimãko ase! Kypynanohko!

Izaja 47:13

Tyjamitunuru ke pyra mase ipunaka, imehnõ tuaro exiketõ omiry etaryhtao ro oya epasaromepyra mase. Ah mokaro xirikuato poko atamorepaketõ noehno toto opynanohtohme! Kapu poko atamorepãko mã toto, xirikuato tõ onenekehpyra mana, ekarotohme emero nuno punero: otara exĩko oya.

Izaja 48:20

Ytotoko Papironia poe, epatoko moro poe! Okohtatoko tãkye oehtohkõke omi kurã ekãtotoko emero pata tõ poro: “Typoetory tõ Izyraeu typynanohse Ritonõpo a!”

Izaja 59:11

Aryryãko sã sytatose uuso tõ samo torehse ahtao, pusuh ãko sytatose utuku tõ samo; kypynanopyrykõ eraximãko sytatose, yrome okynahxo oehpyra mana; Ritonõpo a kuakorehmarykõ se sytatose repe, yrome kypoko xine pyra mana.

Jeremia 46:5

“Yrome oty enẽko ywy?” ãko, ekaropõko Ritonõpo mana. “Ejitu põkõ soutatu tõ epãko mã toto, enaromỹke toexirykõke. Torehse toto, tururume ytõko toto axiny, tỹkakoxi xine osenuhmara mã toto. ‘Emero rokẽ po omye xine erehtoh nae, etapatopo, enahkatopo, orihmapotopo!’ ãko Ritonõpo mana.

Jeremia 47:3

Kawaru tõ pupuru etãko mã toto, kahu tõ panaikato, ipupuru tõ panaikato. Typoenoke exiketõ eramara ropa mã toto typoenõ zupitohme, emary tõ jamihme pyra toehse exiryke, tapotũkehse toto.

Jeremia 50:16

Otyro puhturu anarykapopyra ehtoko moro nono po, tykyrysã anapoipopyra ehtoko roropa Papironia po. Katonõ emero imeimehnõ nonory poe aepyhpyã morotona enaromỹke exĩko topetõkara soutatu tõ poko. Ytõko ropa mã toto tynonorykõ pona ropa.

Jeremia 51:13

Tuna tõ tuhke nae Papironia nonory po, mõkomo kurã typyne exikety nae roropa mana. Yrome aenatyry toehse mana, aorihmapotoh toehse.

Jeremia 51:30

Papironio tõ soutatu tõ tãtatapoikehse toh mana. Tehme rokẽ mã toto tytapyĩkõ jamihme exiketõ tao. Torẽse toehse mã toto, otupĩko rokẽ mã toto. Pata omõtoh apuru tõ tytahkase toto, tapyi tõ tyahkase mã kehko.

Naum 1:1

Sero mã Ritonõpo omihpyry Niniwe tõ poko, enepotoh tokarose ahtao Naum a, pata Euko pono a.

Naum 3:17

Otuisarykõ, kowenu poko erohketõ roropa taparara sã etypohnõko mã toto apuru tõ pokona kuenime toehse ahtao; yrome xixi tõnuhse ahtao taporihke ytõko mã toto aza rokẽ, zuaro pyra matose.

Apokaripxi 17:1

Mame Ritonõpo nenyokyhpyry toiro tooehse ya, 7mãkõ maro nexiase. Tykasanake kynexine ynororo. Ynara kynako ya: — Ymaro eropa, musurehpã wãnopyry enekose. Mokyro musurehpã wãnopyry enepõko ase oya. Ritonõpo omipona pyra exiketõ enetupuhtoh mokyro. Pata konõto põkõ mokaro. Tuna tõ pũto typatarykõ tyrise eya xine.

Apokaripxi 17:15

Mame ynara nase Ritonõpo nenyokyhpyry ya: — Moro tuna onenehpyry pona typorohse nohpo kahpyry, moro tuna ahnome mana. Imoihme mã toto. Pata tamuru põkõ mokaro. Tyotyorõkõ omiry ae exiketõ mokaro.