Naum 2:3 - Ritonõpo Omiry: A Bíblia Sagrada na língua Aparai do Brasil

³ Osewomatoh tahpire exiketõ arõko epetõkara soutatu tõ mana, zupõkõ kamirarame roropa mana. Typyreke mã toto pata Niniwe põkõ maro etonatohme. Ikyryry tõ, kahu tõ etonatoh zemime mã kehko, apoto samo, jeky tõ kawaru tõ penekehnõko mã toto tehme toehtohkõ poko.

Naum 2:3 ပူးပေါင်းရင်းမြစ်များ

Jo 39:23

Epozakuroko xine etakinakety sã pyrou ytõko mã kehko, warata tõkehko zemime mã kehko xixi ao.

Saumu 80:13

Pakira tõ poinoko roropa itũtũmãko mã toto, iiryhmãko mã toto, imehnõ onokyro tõ roropa morohne enahnõko mã toto.

Izaja 14:8

Wewe tõ konõto roropa xipirexite tomo te, apupari tõ maro Ripano po atãkyemãko mã toto Papironia tuisary enatyry poko. Ynara ãko mã toto: “Papironia esẽ toepukase, naeroro kymarokõ akohse oehpyra mã toto!”

Ezekieu 23:24

Inikahpoino oehnõko mã toto etonase, tuhke soutatu tõ oehnõko tykahuke etonatoh maro, kaheta tõ maro tonahsẽke pehme. Typyreke te, tõsewomatohke te, tupuhpyrykõ ewomatoh nae mana, ãpurũko mã toto. Oekarõko ase eya xine, ãpiakãko mã toto tynyripohpyry ae ro.

Ezekieu 26:7

Ynara ãko Ritonõpo Kuesẽkõ mana: — Papironia poe tuisa Napukotonozo enehnõko ase, imehnõ tuisa tõ emero motye jamihmehxo exikety, etonatohme Tiro põkõ maro. Inikahpoino oehnõko mana tuhkãkõ soutatu tõ maro, kawaru tõ maro, kahu tõ etonatoh maro, kawaru po ytoketõ maro.

Naum 3:2

Etatoko ke: kawaru tõ pipohnõko mã toto axihxo toto ytotohme, panaikato kahu tõ pupuru tomo! Kawaru tõ tururume oehnõko, kahu tõ maro etonatoh kyryryme oehnõko mã toto.

Zakaria 1:8

Koko nexiase enepotoh tonepose ahtao ya: Ritonõpo nenyokyhpyry enease tõtyrise kawaru kamiraramã po. Totypohse nexiase jakanahmã po wewe tõ rãnao. Mokyro mykae imehnõ nenyohtyã nexiase kawaru tõ po, kamiraramãkomo, imehnõ pitahpitahmãkomo, imehnõ karimutume exiketomo.

Zakaria 11:2

Oxitatoko, pinieiro tomo, toepukase apupari tõ exiryke! Wewe tõ enekure exiketõ tonahkase toh nexiase! Oxitatoko, karawario tomo Pasã po, itu akohpitopỹ takohse exiryke!

Zakaria 6:2

Kahu osemazupu tytywyhmase kawaru kamirarame exiketomo a. Moro mykapo kahu tytywyhmase kawaru tõ xinukutumãkomo a.

Apokaripxi 12:3

Mame imepỹ enetupuhpotoh toeporehkase morotona kapu ao. Zakareimo konõto panõ nexiase, kamiraramano. Tupuhpyke ynororo 7me nexiase. Tyretyke roropa nexiase 10me. Zupuhpyry tõ po parimã panõ nexiase emero.

Apokaripxi 6:4

Imepỹ kawaru nutũtase, kamiraramano. Mame mokyro kawaru po ytokety tyjamihtanohpose, oxiehno sero põkõ ritohme, etonatohme, osenahkatohme, enara. Mame tapema konõto tokarose eya.