Naum 2:10 - Ritonõpo Omiry: A Bíblia Sagrada na língua Aparai do Brasil

¹⁰ Pata Niniwe tonahkase, turumekase, patãpome toehse! Ikurohtao xine enaromỹke, esekumurukõ tykytyky ãko, tyjamihkehse mã toto. Ẽmytykõ karimutume mã toto.

Naum 2:10 ပူးပေါင်းရင်းမြစ်များ

Jenexi 1:2

Sero sã pyra, typõke pyra sero nono kynexine, onokyro pyra, otyro pyra, tuna rokene. Xinukutume rokẽ kynexine tuna konõto po, Ritonõpo Zuzenu toytose tuna epozakuroko.

Saumu 22:14

Yjamitunuru tonahse; ywy ase tuna tukuãse aexihpyry samo nono pona. Yzehpyry tõ toesyryhmase tosae xine; jeano moronapu sã nase toetunamase ahtao.

Izaja 14:23

Mame pata Papironia rĩko ase nono tahxikure, ikurepato esary samo, purapuramãme. Moroto suhsuku esaryme exĩko mana. Sapi ke sã pata Papironia itumehnõko ase, pata enahkatohme. Ywy, Ritonõpo Jamihmehxo Exikety, morara oturuno.

Izaja 21:3

Moro enepohpyry pokoino enaromỹke toehse ywy, juakuru jetũ toehse, sam ãko exiase nohpo enururu jetũ ehtoh samo. Ypanary otatõkara sã toehse sam karyke ya; jenuru onetõkara sã toehse jamihme pyra toehse jexiryke.

Izaja 24:1

Etatoko ke! Sero nono typõke pyra exĩko mana, tonore ona ripõko Ritonõpo mana; popyra sero nono ripõko mana, sapararahme pata tõ põkõ ripõko mana.

Jeremia 30:6

Apoaporo, osenetupuhtoko! Orutua poeto enurũko nae? Nary! Naeroro oty katohme mokaro orutua kõ enẽko ywy emero tuakurukõ apoĩko, nohpo, poetoẽme exikety samo, enurusasaka ahtao? Oty katohme ẽmytykõ tytyorõtase nae?

Jeremia 49:23

Ynara tykase Ritonõpo Kuesẽkõ pata Tamaxiku poko: — Pata Hamate põkõ, pata Arapate põkõ roropa torẽtyke mã toto, enaromỹke mã toto, popyra ehtoh oepyry poko turuse toto exiryke. Enaromỹke toto ehtoh pohkane konõto sã tuna konõto kuao oehnõko mana toto pona, toto nerymatoh samo. Oseremara mã toto.

Jeremia 51:62

Imeĩpo oturuko Ritonõpo a ynara samo: “Ritonõpo, yna Esemy, õmiryme sero nono emero enahkapõko mase, ahno maro okyno tomo, onokyro tõ roropa. Patãpome exĩko sero pata mana jũme rahkene.”

Jeremia 8:21

Ukurohtao jeano tapurose mana wekyry tõ tapurose exiryke. Xitãko ase, tapotũkehse ywy ipunaka.

Ezekieu 21:7

Mame, oty katohme pusuh ãko mah? karyhtao eya xine toto zuruko: popyra ehtoh oehnõko mana. Morara exiryke emynyhmãko ase. Orẽnõko matose porehme, enaromỹke exĩko matose okurohtao xine, oemarykõ jamihme pyra exĩko, oesekumurukõ tykytyky ãko mana. Morara ehtoh toehse mana; taro mana. Ywy, Ritonõpo Oesẽkõ, oturuno.

Ezekieu 31:15

Ynara ãko Ritonõpo Kuesẽkõ mana: — Moro wewe tyhtose ahtao aorihtyã esaka, tuna ke nono zopino moro wewe nerymapõko ase, ihnamoryme. Tuna tõ etypohkapõko ase iporiry tõ roropa tuhkãkõ etypohkapõko ase. Toorihse moro wewe exiryke ikohmãkapõko ase ypy tõ Ripano po. Wewe tõ itu htao emero aremãnõko mã kehko.

Tanieu 5:6

tõsenuruhkase ynororo; tõserehse ynororo, tykytyky tykase zupuhpyry poe ipupuru pona.

Joeu 2:6

Mokaro oepyryhtao, tykytyky ãko imehnõ mana emero porehme, ẽmytykõ roropa enaromỹke exĩko mana.

Naum 2:2

Izyraeu tõ imehxo ehtoh enehpõko ropa Ritonõpo mana, Kuesẽkomo. Imehxo toehtopõpyry sã exĩko ropa mana, tymõkomory kurã emero anaropyra ro epetõkara ahtao, sero nono onynomopyra ro ahtao wewe amorihkahpyry exikety samo.

Naum 3:7

Oeneryke epãko mã toto emero, ynara ãko mã toto: ‘Niniwe tonahkase mana!’ Onoky ipyno exĩko nae? Onoky mokyro emuhkehkapõko nae?”

Sowonia 3:6

Ritonõpo ynara ãko mana: — Ahno tõ tonahkase ya, pata tõ tykararahse, nono pona toto typahse ya, tapyi tõ kaetokohxo exiketõ, erase tõ esary, osema tõ roropa. Pata tõ patãpome toehse mã kehko, tytaõke pyra ipunaka.

Jozue 2:11

Morohne waro toehse yna ahtao, typoremãse ynanase, enaromỹke toehse yna opoko xine. Ritonõpo Oesẽkõ kapu esẽme mana. Sero nono esẽme roropa mana.

Jozue 7:5

Tokahmase eya xine pata omõtoh poe topu ahkahpyry pona, 36mãkõ totapase eya xine toto yhtoryhtao. Izyraeu tõ typoremãse, enaromỹke toehse.