Naum 2:1 - Ritonõpo Omiry: A Bíblia Sagrada na língua Aparai do Brasil

¹ Niniwe põkomo, oepetõkara toeporehkase, oryhmane toehse osetapase amaro xine. Erase tõ tyritoko tapyi kaetokohxo exiketõ taka; osema tõ enetoko roropa! Soutatu tõ enehpotoko typyrekõ apoitohme etonatohme.

Naum 2:1 ပူးပေါင်းရင်းမြစ်များ

2 Koronika 25:8

Otarame mokaro maro jamihmehxo osekarõko mase repe. Yrome Ritonõpo poe oporemãkapõko oepetõkara mana. Ritonõpo jamitunuru ke orẽpyra kyritorỹko mana ise tahtao te, kyporemãkapotorỹko mana ise tahtao.

Saumu 50:14

Ah, ‘Kure mase,’ katoh, onekarorykõme nexĩ ya. Õmihpyrykõ omipona oehtohkõ roropa: ‘Ynara ekarõko ase oya,’ karyhtao ya, moro ekaroko onekarorykõ kurãme Ritonõpo Imehxo Exikety a.

Saumu 65:2

Yna otururu etaneme oexiryke, oya ahno emero nono põkõ oehnõko mana oeahmase

Izaja 14:6

zehno toexirykõke tyrohmanohpose toto eya xine, imeimehnõ nonory põkõ onyryhmakehpyra toh nexiase typoremãkase toto ahtao eya xine.

Izaja 29:7

Mame epetõkara emero, Ritonõpo wahtory apõ patary põkõ maro osetapaketomo, soutatu tõ emero pata apuruhpõkomo, opyi tõ maro, emero osenepyra exĩko osenehtoh samo, osenehtopõpyry sã roropa.

Izaja 29:8

Mokaro imeimehnõ nonory põkõ emero ypy Xião maro osetapaketõ ahno aemitapãtyã sã exĩko, tõsenety ae otuhnõko sã mana, yrome typakase tahtao omise ro mana. Tutunase zehnase exikety sã exĩko roropa mã toto, tõsenety ae tuna ẽnõko sã mã repe, yrome typakase tahtao tuna sero mana.

Izaja 52:7

Kure kuhse mã omi enehne tururume aepyry eneryhtao ypy tõ kuroko, omi enepyry etonara ehtoh poko, omi kurã kypynanopyrykõ poko! Ynara ãko mana Jerusarẽ põkomo a: “Ritonõpo Oesẽkõ Tuisame mana!” ãko.

Jeremia 25:9

“Ahno tõ enehpõko ase emero inikahpoe ypoetory, tuisa Napukotonozo maro Papironia poe. Mokaro enehnõko ase etonatohme sero põkõ, Juta tõ maro, imehnõ nonory põkõ maro, ononorykõ zomye exiketõ maro. Mokaro enahkapõko ase ipunaka; nono pona jũme tomasẽme exĩko mã toto. Morohne eneryke osenuruhkãko imehnõ mana, enaromỹke exĩko mã toto. Ywy, Ritonõpo, oturũko ase.

Jeremia 50:23

Maheta ke sã sero nono põkõ tytahkase Papironia a, seromaroro moro maheta tytahkase sã rahkene! Imehnõ nonory põkõ emero tõsenuruhkase toto Papironia poremãkatoh eneryke tyya xine.