Naum 1:7 - Ritonõpo Omiry: A Bíblia Sagrada na língua Aparai do Brasil

⁷ Kure Ritonõpo Kuesẽkõ mana. Popyra ehtoh toehse ahtao, typoetory tõ pynanohnõko mana. Mokaro pyno exĩko mana tupise ahtao eya xine osewomapotohme.

Naum 1:7 ပူးပေါင်းရင်းမြစ်များ

1 Koronika 16:34

“Kure mase” kahtoko Ritonõpo a kure aexiryke, kypyno xine exikehpyra mana.

1 Koronika 5:20

Tõturuse toto Ritonõpo a takorehmatohkõme. Tonetupuhse tosẽkõme eya xine. Naeroro orẽpyra toehse toto Ritonõpo poe, hakarita tõ typoremãkase eya xine epe tõ maro.

2 Koronika 13:18

Morara kynexine, Izyraeu tõ soutatu tõ typoremãkase. Orẽpyra Juta tõ soutatu tõ toehse Ritonõpo enetuputyryke eya xine, tytamurukõ Esemy.

2 Koronika 32:11

Ezekia ynara ãko: “Ritonõpo Oesẽkõ, opynanohtorỹko mana opoko xine pyra axirio tõ ehtohme,” ãko ynororo repe. Ezekia oenekunohtorỹko mana. Orihnõko matose tuna peneryke, omise oexirykõke, enara.

2 Koronika 32:21

Mame tynenyokyhpyry tonyohse Ritonõpo a, soutatu tõ emero totapase eya, axirio tõ tuisary tõ maro. Naeroro tuisa Senakeripe toeramase ropa toehxirose toexiryke, tynonory pona ropa. Moromeĩpo tyneponãmary eahmatoh tao ahtao, imũkuru tomo a totapase ynororo tapema ke.

2 Koronika 32:8

Mokaro mã ahno tuhke repe, yrome kymaro xine Ritonõpo Kuesẽkõ mana. Kuakorehmatorỹko mana, etonãko kymaro xine mana, tykase ynororo. Mame tutuisarykõ omiry etaryke tyya xine tyjamihtase toto.

Extara 3:11

Ritonõpo eahmatohme toremiase toto. Imehnomo a tozuhse. Ynara tykase toto: “Kure Ritonõpo mana, Kypyno xine aexiry, Izyraeu tõ pyno aexiry enahpỹme mana!” Tykohtase toto opore Ritonõpo eahmatohme, Ritonõpo Tapyĩ tyripitose exiryke.

Saumu 1:6

Ynara exiryke, tõmipona exiketõ pynanohnõko Ritonõpo mana, yrome popyra exiketõ wãnohnõko mana.

Saumu 100:5

Kure Ritonõpo exiryke, kypyno xine aexiry jũme mana, kypyno xine aehtoh amonohkara, zae rokẽ exikehpyra roropa mana.

Saumu 20:1

Tuisa, oxitaryhtao Ritonõpo netaryme, õmiry etary se ynanase eya, oezukuru se ynanase eya! Oewomary se ynanase Ritonõpo a, Jako Esemy!

Saumu 25:8

Zae Ritonõpo mana, kure roropa, naeroro iirypyryme exiketõ amorepãko mana zae ehtoh poko toto ehtohme.

Saumu 27:5

Mame popyra ehtoh toehse ahtao jewomãko mana tytapyĩ tao. Jukurãkãko mana Tytapyĩ kurã tao, jewomãko mana kaetoko exikety ao, topu konõto po.

Saumu 37:39

Zae ehtoh poko exiketõ pynanohnõko Kuesẽkõ mana, toto ewomãko mana popyra ehtoh toehse ahtao.

Saumu 37:40

Toto akorehmãko mana, toto pynanohnõko roropa mana; tõsewomaporykõke roropa eya xine Ritonõpo a toto ewomãko mana zehnotokõ poe.

Saumu 46:2

Morara exiryke enaromyra exĩko sytatose, sero nono tykytyky karyhtao ro, ypy tõ epukaryhtao roropa zue aka, tuna konõto kuaka;

Saumu 50:15

Kykohmako popyra ehtoh toehse ahtao, opynanohnõko ase, mame jeahmãko mase.”

Saumu 59:16

Yrome eremiãko ase ajamitunuru poko. Tõmehse ahtao eremiãko ase ypyno oehtoh poko. Jewomaneme toehse mase, jesaryme jamihmã mase popyra ehtoh toehse ahtao.

Saumu 71:3

Ritonõpo, jesary jamihme exiko, topuimo samo, tapyi topu risẽ samo, josewomatohme! Jesary jamihme mase, topuimo; ytapyiny topu risẽme.

Saumu 86:7

Popyra ehtoh toehse ahtao ya okohmãko ase, jezukuruke oya.

Saumu 9:10

Ritonõpo yna Esemy, awaro exiketõ oenetupuhnõko mã toto Tosẽkõme, oya ytoketõ atakorehmapotohme, jũme mokaro onurumekara mase.

Saumu 91:15

Ykohmaryhtao eya xine ezuhnõko ase, aetuarimarykohtao imaro xine exĩko ase. Toto pynanohnõko ase, imehxo toto rĩko ase.

Porowepio 18:10

Tapyi jamihmã sã Kuesẽkõ mana, moro taka zae ehtoh poko exiketõ ytõko mã toto tõsewomatohkõme.

Izaja 25:4

Tymõkomokãkara akorehmaneme mexiase, omise exiketõ ewomaneme, tapyime mexiase tyryrykane jamihmã maro konopo toehse ahtao, jerutume mexiase xixi axitũ toehse ahtao. Popyra exiketõ imehnõ zehno ehtoh tyryrykane jamihmã sã mana, kuenime toehse ahtao,

Izaja 32:2

Ahno ewomãko mã toto tapyi samo konopome ahtao tyryrykane maro; iporiry tõ sã roropa exĩko mã toto nono tonorẽ po, jerutume sã exĩko mã toto topu konõto myhto ona tonorẽ po.

Izaja 50:10

Etatoko pahne, Ritonõpo Imehxo Exikety enetupuhnanomo, ipoetory omiry omipona exiketomo: oesemarykõ tykohmãse ahtao xinukutumã samo, saerehkatoh pyra ahtao ipunaka, Ritonõpo enetupuhtoko, Oesẽkomo a ãkorehmarykõ eraximatoko.

Jeremia 16:19

Ynara tykase ywy: — Ritonõpo Jesemy, Jewomaneme mase, yjamitunuru ekarõko mase ya; jakorehmãko mase popyra ehtoh toehse ahtao ya. Sero nono etyhpyry tõ poe imehnõ ahno oehnõko oya ynara kase: “Yna tamuru tõ tyneponãmarykõ ajohpe rokẽ nae nexiase; tyneponãmarykõ typahsẽme rokẽ nae toh nexiase.

Jeremia 17:17

Jerehpyra exiko; jesary kurã jewomatohme mase, popyra ehtoh toehse ahtao.

Jeremia 24:5

— Ywy, Ritonõpo Izyraeu tõ Esẽ ourũko ase, mokaro Izyraeu tõ tarose aexityã Papironia pona moro fiku epery kurã sã mã toto, kure rokẽ mokaro rĩko ase.

Jeremia 33:11

kui katoh tonõ tãkye exiketõ omiry, atãkyemaketõ panaikato roropa otuhtoh riry poko, pytary poko roropa. Ahno eremiaketõ etãko roropa matose, tynekarorykõ enehnõko Ytapyĩ taka, “Kure mase,” katohme ya. Ynara ãko mã toto eremiãko: “ ‘Kure mase,’ kahtoko Ritonõpo Jamihmehxo Exikety a, kure aexiryke, kypyno xine exikehpyra mana, jũme.” Sero nono po tymõkomoke toto ripõko ase, osemazuhme toto ehtopõpyry samo. Ywy Ritonõpo oturuno.

Ramẽtasão 3:25

Kure Ritonõpo mana Tosẽkõme enetupuhnanomo a emero.

Tanieu 3:28

Opore ynara tykase Napukotonozo: — Kure rukukuh na Satarake tõ Esemy, Mesake maro te, Apete-Neko maro. Mokyro eahmatoko! Inenyokyhpyry tonyohse eya moxiã pynanohtohme, tonetuputyryke eya xine. Jomihpyry omipona pyra toehse toh nexiase; toorikyrykõ zuno pyra toehse toto, tosekumurukõ po porohpyra toehse, Ritonõpo tosẽkõ omipona rokẽ toehse toto.

Tanieu 6:23

Tãkye kuhse toehse ropa tuisa. Typoetory tõ tonyohse eya Tanieu outohme ropa reão tõ ẽ ae. Naeroro Tanieu tanỹse ropa reão tõ ẽ ae. Iwyhwyhnatoh pyra nexiase mõtohxo kara, tosẽme Ritonõpo tonetupuhse exiryke eya.

Joeu 3:16

Ypy Xião poe opore Ritonõpo oturũko mana, aomiry konomeru sã mana Jerusarẽ poe; nono tykytyky ãko, kapu roropa! Yrome typoetory Izyraeu tõ ewomãko mana.

Sowonia 3:12

Ahno nomõko ase Jerusarẽ po, imehnõ pyno exiketomo, zae ehtoh poko se exiketõ roropa, Tosẽkõme jenetupuhnanomo.

Mateu 27:43

Tosẽme Ritonõpo tonetupuhse eya. Ritonõpo mũkurume tõsekarose roropa ynororo. Naeroro seraximatone. Otarãme Ritonõpo ipynanopyry se exĩko mana, nary rokene, tykase toto.

Mateu 7:23

Mame ynara ãko ase eya xine: “Awaro xine pyra ase ipunaka. Ytotoko taroino. Oorypyrykõ poko rokẽ matose,” ãko ase eya xine.

João 10:14

Yrome ypoetory tõ esẽ ase kaneru esẽ kurã samo. Papa waro ase. Juaro roropa Papa mana. Moro saaro ypoetory tõ waro ase. Juaro roropa toh mana, Papa waro jehtoh sã ya. Jorikyry se pyra ase repe, yrome ypoetory tõ pynuke jorikyry se ase toto ewome, orihpyra toto ehtohme.

João 10:27

Ypoetory tõ rokẽ waro ase. Jomiry etãko mã toto. Jomipona roropa mã toto.

Romanos 11:22

Moro poko Ritonõpo kure ehtoh enetupuhnõko sytatose. Yrome kyyrypyrykõ zehno exiry poko enetupuhnõko roropa sytatose. Tõmipona pyra exiketõ zehno mana. Yrome opyno xine mana ipyno exikehpyra awahtao xine onenetupuhkehpyra roropa awahtao xine. Naeroro tomeseke ehtoko. Turumekase oya xine ahtao, amoriry sahkary sã awãnohtorỹko roropa Ritonõpo mana.

Karaxia 4:9

Seromaroro Ritonõpo waro toehse matose. Awaro xine roropa Ritonõpo mana. Oty katoh irumekary se ropa matou? Oty katoh imepỹ ritõ tõ xihpyry eahmary se matohu? Oty katoh toto namotome oexirykõ se ropa matohu?

2 Timoteu 2:19

Yrome Ritonõpo nukurãkatyã onyryhmara mana. Ynara tymerose exiryke Ritonõpo omiryme: “Kuesẽkõ typoetory tõ waro mana,” me tymerose. Ynara roropa tymerose: “Kuesẽkõ poetoryme kuahtao xine kyyrypyrykõ rumekãko sytatose,” me tymerose roropa.