Naum 1:4 - Ritonõpo Omiry: A Bíblia Sagrada na língua Aparai do Brasil

⁴ Tuna konõto mynyhpãkapõko Ritonõpo mana, anorỹko mana. Tuna tõ apaikapõko Ritonõpo mana. Onahpoty ona Pasã po te, ypy Karameru po roropa orihnõko mana, ekuru tõ ypy Ripano po aremãnõko kehko.

Naum 1:4 ပူးပေါင်းရင်းမြစ်များ

Jenexi 8:1

Mame wenikehpyra Noe poko Ritonõpo kynexine, Noe maro exiketõ poko roropa, onokyro tõ poko te, okyno tõ poko kanawa aõkõ poko wenikehpyra kynexine. Tyryrykane tonyohse Ritonõpo a sero nono pona, mame tãpaipitose ropa tuna.

2 Samueu 22:16

Mame topetõkara tupokase ahtao Ritonõpo a, tãtaekymase, konomeru konõto tonehpose toto pona, tuna esemary tonese tuna konõto zopino, sero nono apõ tõsenepose.

Jo 38:11

Ynara tykase ywy eya: ‘Oehnõko mase tarona rokene, mya ytopyra mase. Pohkane tõ kaetokohxo exiketõ mã etypohnõko kehko taro.’

Saumu 104:7

Yrome tuna tõ tupokase ahtao oya, toepase toh nexiase; õmiry etaryke tyya xine, tykohtase ahtao oya, tururume toytose toto.

Saumu 106:9

Ritonõpo a tyripose ahtao tuna konõto Tahpiremã tãpaikapose; typoetory tõ tarose eya nono tonorẽ poro.

Saumu 114:3

Tuna konõto Tahpiremã moro eneryke tyya toepase; tuna Joatão totypohse, ytopyra toehse.

Saumu 114:5

Otara toehse oya, tuna konõto, mepase oty katohme? Omoro roropa tuna Joatão, oty katohme metypotyahse?

Saumu 18:16

Kaino Ritonõpo a tomary ke tapoise ywy; tanỹse ywy eya zue konõto kuae.

Saumu 74:15

Tuna enatyry tõ tyrise oya iporiry tõ roropa, tuna inunõ tonore tyripose oya.

Izaja 33:9

Tupito tõ poko pyra mã toto, turumekase eya xine; itu tõ ypy Ripano tõ po tonore toehse kehko. Jakanahmã Sarõ oname tonorẽ toehse. Pasã po, ypy Karameru po roropa wewe ary ohpahnõko rokẽ mana.

Izaja 42:15

Emorymãkõ tohtohkãko ase toto enahkãko ase ypy tõ maro, jomi poe otyro emero anorỹko mã kehko wewe tõ maro. Tuna tõ maro jakanahmã tõ rĩko ase ona tonorẽme, tuna pẽkamã tõ emero tonore tyripõko ase.

Izaja 44:27

Jomiry ke rokẽ tyripose ahtao ya tuna konõto anorỹko mana, tuna tõ roropa apaĩko emero.

Izaja 51:10

Oya tuna konõto tonore tyripose, tuna tõ zueme aexityamo. Osema tyrise oya tuna konõto rãnakuroko, opoetory tõ, typynanohse exiketõ akuohtohme.

Ezekieu 30:12

Tuna Niro apaikapõko ase; toto tuisaryme popyra exiketõ ripõko ase. Ejitu tõ nonory emero enahkapõko imeimehnõ nonory põkõ mana. Ywy, Ritonõpo, oturuno.

Ezekieu 38:20

Kana tõ emero, torõ tõ roropa te, onokyro tõ okyno tõ roropa inunomo te, zumo pyra exiketõ maro te, ahno tõ emero, sero nono po tykytyky ãko mã toto juno toehtohkõke. Ypy tõ epukãko mã kehko, topu tõ tytohkasẽme exĩko, apuru tõ emero epukãko mã kehko.

Amoxi 1:2

Ynara tykase Amoxi: “Ypy Xião poe, Jerusarẽ po, opore oturũko Ritonõpo mana, aomiry konomeru sã mana. Onahpoty orihnõko mana, tonore toehse ypy Karameru po porehme.”

Amoxi 5:8

Xirikuato tõ tyrise Ritonõpo a, Kuesẽkomo, Puripurikane tomo, Oseruao Maria tõ roropa. Koko ehtoh ẽmehkapõko mana, saereme ehtoh kohmãkapõko roropa mana. Tuna konõto zumyhkãko mana aekuãtohme nono pona. Mokyro esety Ritonõpome mana.

Mateu 8:26

— Oty katoh oserehnõko matou? Jenetupuhpyra ro hmatou? tykase eya xine Jezu. Mame towõse ynororo. Ynara tykase tyryrykane a, pohkane a roropa: — Omynyhpãko, tyryry kara exiko, tykase. Mame axĩ tyryry kara toehse. Pohkara roropa toehse. Mynytyme konõto rokẽ toehse.

Jozue 3:16

tuna totypohse rahkene. Kaetokohxo toehse inikahpozakoxi, pata Atã pona, Saratã pũtokoxi. Tuna tãpaise mõtohxo kara, ikurenaka tuna konõto Aorikyhpyry pona. Mame takuohse eya xine. Jeriko myhtokoxi toeporehkase toto.