Mikeja 7:14 - Ritonõpo Omiry: A Bíblia Sagrada na língua Aparai do Brasil

¹⁴ Ritonõpo yna Esemy, yna pyno exiko kaneru pyno exikety samo, oekyme sã, kaneru tõ sã yna exiryke. Toiroro sã ynanase itu htao tapuruse samo nono kurã ke, otyro zamaro exikety ke. Onyrihpyry sã pake, yna aroko seromaroro onahpoty kurã pona Pasã po, Kireate po roropa.

Mikeja 7:14 ပူးပေါင်းရင်းမြစ်များ

Saumu 100:3

Wenikehpyra ehtoko Kuesẽkõ Ritonõpo mana. Inyrihpyryme sytatose, ipoenõme roropa; ipoetoryme sytatose, ekyme roropa.

Saumu 143:5

Pake ehtopõpyry poko wenikehpyra ase, onyrityã poko osenetupuhnõko ase; wenikehpyra ase onyrityã poko emero.

Saumu 28:9

Opoetory tõ ipynanohko, Ritonõpo, kure rokẽ toto tyriko opoetoryme aexirykõke! Kaneru pyno exikety sã opoetory tõ pyno exiko, jũme toto pyno exiko.

Saumu 95:7

Kuesẽkõme mana; ipoetoryme sytatose, eky tõme sã sytatose kaneru tomo onahpoty po, inyrihpyry po, kypynanohnekõme mana. Seroae etatoko ke Ritonõpo omiry kyya xine:

Exutu 33:16

Otãto yna pyno oehtoh poko, azamaro yna ehtoh poko roropa waro exĩko imehnõ nae yna maro pyra awahtao? Yna maro oexiry eneryke tyya xine imehnõ ahno sã pyra yna ehtoh enetupuhnõko mã toto.

Kãtiku 4:1

Enekure mase, kuku, jenuru zamaro mase! Oryxime mase ipunaka! Oenuru tõ zemime mã kehko ypyno oehtoh ke kamisa mykae! Oũsety mirimirime potu mana, poti tõ imoihmãkõ samo, toto yhtoryhtao ypy tõ poe Kireate po.

Izaja 27:13

Mame moro ẽmepyry toehse ahtao rue konõto osetõko mana, mame Izyraeu tõ itahtyã Axiria nonory po te, mokaro roropa arotyã Ejitu tõ namotome oehnõko ropa mã toto tynonorykõ pona. Mame Ritonõpo Tosẽkõ eahmãko mã toto ypy kurã po, Jerusarẽ po.

Izaja 35:2

Otyro ekuru tõ ke pehme, ona tonorẽ eremiãko mana tãtãkyemaryke. Kure potu moro ona rĩko Ritonõpo mana ypy tõ Ripano samo, otyro zamaro moro nono rĩko roropa mana ypy Karameru samo, jakanahmã Sarõ sã roropa. Emero saeremehxo Ritonõpo ehtoh enẽko mã toto, tuisamehxo Kuesẽkõ enẽko roropa mã toto.

Izaja 37:24

Opoetory tõ tonehpose oya oepyrypatohme orẽpyra oehtoh poko; okyryry tuhke kahu tõ ke ypy tõ kaehxo exiketõ Ripano po typoremãkase oya. Moroto wewe konõto takohse oya, apupari tõkehko kaetokohxo exiketomo, xipirexite tõ kurã roropa, mya wewe htaka oytotopõpyry poko toepyrypase omoro.

Izaja 40:11

Kaneru tõ pyno exikety sã, typoetory tõ pyno Kuesẽkõ mana; kaneru poenõ pisarara oximõme tyripõko mana, tonao toto arõko mana, taporykõ po tomeseke sã jẽkõ suhsu ẽnanõ arõko mana.

Izaja 49:10

Emitapãpyra, tuna zehnara exĩko mã toto. Toto onyryhmara xixi exĩko mana tyryrykane axitunety roropa nono tonorẽ poe, toto pyno jexiryke, zae toto arõko ase tuna enatyry tõ pona.

Izaja 65:10

Mame jomihpyry omipona se ypoetory tõ ahtao toto eky, kaneru tõ onahpoty enahnõko mã toto ona Sarõ po te, jakanahmã Ehxirotoh po toto eky tõ, pui tõkehko onahpoty enahnõko mana.

Jeremia 49:31

“Ehmaropa! Mokaro syporemãkatatose, orẽpyra osekarõko mã toto, towomase! Ipatary tõ ameke mã toto imehnõ wino. Omõtoh apuru pyra mã toto isorotohto pyra roropa.” Ywy Ritonõpo oturuno.

Ramẽtasão 1:7

Seromaroro tãkye pyra oseanahtõko, Jerusarẽ põkõ mana, etuarimãko. Wenikehpyra mã toto tymõkomohpyrykõ kurã poko pake ahtao. Tapoise ahtao epetõkara a takorehmaneke pyra nexiase, tounohse rokẽ ynororo epetõkara a.

Ramẽtasão 5:21

Yna iramapoko ropa oya, Ritonõpo. Ajohpame sã yna iramapoko ropa! Yna tyriko osemazuhme yna ehtopõpyry sã yna ehtohme ropa.

Ezekieu 36:11

Amarokõ emãkapõko ase oeky tõ roropa pui tõkehko emãkapõko ase. Tuhkehxo exĩko matose pake oehtopõpyrykõ motye, tuhke oemũkuãko matose. Moroto oesarykõ po kure rokẽ oripotorỹko ase pake oehtopõpyrykõ samo, itamurumehxo tymõkomoke exĩko matose. Mame zuaro exĩko matose ywy ase Ritonõpo.

Rewitiku 27:32

Mame 10me okyno tõ toehse ahtao toiro Ritonõpo ekyme mana. Toky tõ rĩko mana atakenaka tuhke exiry waro toehtohme. Pui tomo, kaneru tomo, poti tomo roropa 10me ahtao, toiro Ritonõpo ekyme mana,

Amoxi 9:11

Ynara ãko Ritonõpo mana: — Moro ẽmepyry toehse ahtao tuisame Tawi ehtopõpyry kurãkãko ropa ase, tapyĩpo aepukahpyry sã toehse exiryke. Irakatopõpyry apuru tõ apuhnõko ropa ase, ikurãkãko ropa ase, tyrĩko ropa ase. Kure exĩko ropa mana osemazuhme aehtopõpyry samo.

Opatia 1:19

Izyraeu tõ, Juta tõ nonory po ikurenaẽkomo Etõ tõ poremãkãko mã toto. Emorymã põkomo pirixteu tõ nonory apoĩko mã toto tosarykõme. Eparaĩ nonory Samaria roropa apoĩko Izyraeu tõ mana, Kireate apoĩko Pẽjamĩ tõ mana.

Mikeja 5:4

Mokyro tuisa oehnõko mana typoetory tõ pynanohtohme, kaneru pynanohne samo, Ritonõpo jamitunuru ke. Imehxo exĩko mana Ritonõpo Izyraeu tõ Esẽ omi poe. Ipoetory tõ towomasẽme exĩko mana, tuisa jamihme exiryke mya nono etyhpyry pona.

Sowonia 3:13

Mame mokaro Izyraeu tõ akoĩpyry jũme popyra ehtoh poko pyra exĩko mã toto, ajohpe pyra exĩko mã toto. Imehnõ enekunopyry se pyra exĩko mã toto. Inapyrykõ ipune exĩko mana, towomaneke exĩko mã toto, imehnõ zuno pyra exĩko mã toto.

Zakaria 10:10

Ejitu poe toto enehpõko ropa ase, Axiria poe roropa. Toto arõko ase Kireate nonory pona, Ripano pona roropa. Tuhkehxo exĩko mã toto, osa mokaro emero pune pyra exĩko mana.

Zakaria 11:7

Morarame toerohpitose ywy kaneru tõ epekahnanõ poetoryme, kaneru tõ orihketõ pyno ehtoh poko. Mara tõ asakoro apoiase tosehke exiketomo: “Kure ehtopo” te, zakorony: “Oximõme ehtopo”. Mame kaneru tõ pyno ehtoh poko erokuase.

Marakia 3:4

Morarame Juta tõ nekarory, Jerusarẽ põkõ nekarory roropa Ritonõpo zamaro exĩko mã toto, pake ehtopõpyry samo.

Numeru 23:9

Topuimo emory poe, ypy emory poe Izyraeu tõ enẽko ase. Oxiekyryme mã toto toiroro samo. Imehnõ ahno motye kure ehtoh tokarose Ritonõpo a, eya xine. Moro waro mã toto.

Numeru 32:1

Mame Rupẽ ekyry tõ Kate ekyry tõ roropa tokyke tuhke nae toh nexiase, pui tõkehko. Moro nono, Jazea nonory te, Kireate nonory roropa tonese ahtao eya xine, nono kure pui tõ nahpatohme,

Mateu 2:6

“Perẽ-Epyrata, pata pitiko mase Juta patary tõ rãnao, yrome owino Izyraeu tõ tuisary enehpõko ase, moino ro exiketyme mã ynororo, apitorymã poe. Izyraeu tõ esẽme exĩko mana,” ãko Ritonõpo poe urutõ nymerohpyry, tykase toto Erote a.

João 17:16

Jenetupuhpynõ sã pyra ase. Morararo mã jenetuputyhpõkomo, jenetupuhpynõ sã pyra mã toto.

Teuteronomiu 33:28

Mame Izyraeu tõ towomasẽme exĩko mã toto tosarykõ po. Osepeme exĩko mã toto tynonorykõ po. Moroto tiriiku ahtãko, uwa eukuru exĩko, axitaku nono ehxikãko mana.