Mikeja 7:10 - Ritonõpo Omiry: A Bíblia Sagrada na língua Aparai do Brasil

¹⁰ Moro eneryhtao kuepetõkara a, ehxirõko mã toto, ynara tykase toto exiryke: “Otoko hnae Ritonõpo Oesẽkomo?” Seromaroro toto poremãkatoh enẽko sytatose, tytũtũmase toto ahtao ikurepato samo osema tao.

Mikeja 7:10 ပူးပေါင်းရင်းမြစ်များ

2 Samueu 22:43

Toto akurihmõko ase, putoh katoh sã exĩko mã toto; toto tũtũmãko ase osema ae purapuramã samo.

Saumu 109:29

Ah jepetõkara typoremãkasẽme nexĩ toto, aehxirotohkõme, upo amururu sã imehnõ emero neneryme, ah nehxirõ toto.

Saumu 115:2

Oty katohme imehnõ nonory põkõ ynara ekaropõko yna a: “Otoko hnae Ritonõpo Oesẽkomo?”

Saumu 18:42

Toto enahkãko ase, putoh katoh sã exĩko mã toto, tyryrykane a putoh kane arory samo. Toto tũtũmãko ase ikurepato samo osema tao.

Saumu 35:26

Mokaro, atãkyemaketõ jetuarimary poko, iporemãkapory se ase oya, toto ehxirotohme ipunaka! Mokaro ehxirory se ase, ymotye kure tõsekarose ynaroro exiryke.

Saumu 42:10

Yzehpyry jetunu, yyryhmatopo yzehnotokomo a. Onekaropokehpyra mã toto: “Otoko hnae Ritonõpo, oesemy?” ãko mã toto ya.

Saumu 42:3

Saereme ahtao yxitary poko kohmãnõko ase, koko ahtao moro poko ẽmehnõko ase, yxitary rokẽ ynapyryme mana. Jepetõkara ynara ekaropõko: Otoko hnae Ritonõpo Oesemy? kakehpyra mã toto.

Saumu 58:10

Tãkye exĩko zae ehtoh poko exiketõ mana popyra exiketõ wãnopyry eneryhtao tyya xine; tupupurukõ kurikãko zae exiketõ mana imunurukõ ke.

Saumu 79:10

Otyme kure imehnõ nonory põkõ ynara ekaropory opoko: “Otoko hnae Oesẽkomo?” Ritonõpo, ajohpame sã mokaro wãnopyry enery se ynanase opoetory tõ etapahpõkomo.

Saumu 92:12

Zae ehtoh poko exiketõ kure exĩko, airiki tõ samo; orẽpyra exĩko mã toto zae ehtoh poko, apupari ahtary samo ypy Ripano po.

Izaja 26:11

Ritonõpo, oemary tanỹse mana ozehnotokõ wãnohtohme, yrome onenepyra mã toto. Mãpyra opoetory tõ pyno yronymyryme oexiry eneryhtao eya xine ehxirõko mã toto. Ah netuarimã toto, zuãnohko toto, popyra exiketõ wãnohtoh ke. Opoetory tõ pyno yronymyryme oehtoh enepoko eya xine.

Izaja 41:25

“Ya orutua tymenekase, xixi tũtatoh wino nono pono. Jenetupuhne mokyro, enehpõko ase inikahpoe etonatohme topetõkara maro. Ikurepato pona sã tuisa tõ pona itũtũmãko mana, oripo apuhne sã orino tũtũmary sã tupupurukõ ke.

Jeremia 49:15

Etõ tomo, jamihme pyra ononorykõ põkõ rĩko Ritonõpo mana. Ouno xine pyra exĩko imehnõ mana, emero.

Jeremia 51:24

Ritonõpo Kuesẽkõ ynara ãko: — Papironia põkõ wãnopyry ya enẽko matose, toto epehpyryme Jerusarẽ ryhmatopõpyry emetakame.

Jeremia 51:51

Ynara ãko matose: “Ehxirõko ynanase tounohse yna exiryke. Toehxirose ynanase imehnõ ahno tomõse exiryke osa kurã taka Ritonõpo Tapyĩ taka.”

Ezekieu 7:18

Upo amurũko mã toto topuxiximã kamisa risemy toemynyhmaryme, enaromỹke tykytyky ãko mã toto pyrou zoko exipỹ samo. Zũsetykõ isahkahpyry sã exĩko mana, ehxirõko roropa mã toto emero porehme.

Tanieu 3:15

Seromaroro etatoko pahne: rueimo tõkehko osetopitoryhtao oesekumurukõ po typorohse awahtao xine ynyripohpyry uuru risẽ eahmatohme, kure. Mãpyra porohpyra awahtao xine, axĩ tomasẽme exĩko matose apoto htaka, zemĩmã htaka. Morara ahtao onoky ritõ opynanohtorỹko nae? tykase tuisa eya xine.

Joeu 2:17

Amarokõ roropa, oturuketomo Ritonõpo Tapyĩ zara po erohketomo, oxitatoko, ynara kahtoko Ritonõpo a: “Opoetory tõ onuãnohpyra exiko, Ritonõpo! Yna onyporemãkapopyra exiko imehnõ ahno neneryme, yna oneunohpyra imehnõ nonory põkõ ehtohme, ynara kara toto ehtohme: ‘Otoko hnae mokyro, Ritonõpo Oesẽkomo?’ ”

Opatia 1:10

Ynara ãko Ritonõpo mana Etõ tomo a: “Ãkorõkõ tyyryhmase oya xine, totapase toto roropa oya xine, Jako pakomotyamo. Naeroro tonahkasẽme exĩko matose, jũme typoremãkasẽme exĩko matose.

Opatia 1:12

“Yrome zae pyra mexiatose ya, tãkye awahtao xine ãkorõkõ Juta tõ poremãkapory eneryhtao ro oya xine. Zae pyra mexiatose ãtãkyemarykõ poko awahtao xine mokaro enahkary eneryke oya xine. Popyra mexiatose ya eunopyryhtao oya xine, mokaro etuarimaryhtao.

Mikeja 4:11

Tuhkãkõ, imeimehnõ nonory põkõ tõximõse mã toto etonatohme amaro xine, Jerusarẽ põkomo. Ynara ãko mã toto: “Kure exiry Jerusarẽ tonahkase ahtao, nuriame tyripose ahtao roropa.”

Mikeja 7:8

Epetõkara, yna oneunohpyra ehtoko! Ajohpe pyra, toepukase ynanexiase, yrome owõnõko ropa ynanase. Seromaroro tykohmãse yna zomye, yrome ezurume Ritonõpo saereh kamexipõko ropa mana yna pona.

Sowonia 3:15

Awãnohtohkõ totypohkapose Ritonõpo Oesẽkomo a. Oepetõkara tonyohse eya typoetory tõ winoino. Ritonõpo Oesẽkõ, Izyraeu tõ Tuisary, amaro xine mana. Popyra ehtoh oepyry zuno pyra exĩko matose.

Zakaria 10:5

Oximõme orẽpyra exĩko mã toto soutatu tõ samo topetõkara tũtũmãko, ikurepato htaka, osema tao. Osetapãko mã toto, ywy Ritonõpo, imaro xine jexiryke, topetõkara poremãkãko mã toto kawaru po toto ahtao ro.

Marakia 1:5

Moro ehtoh enẽko Izyraeu tõ mana. Mame ynara ãko mã toto: — Orẽpyra Ritonõpo mana. Ijamitunuru enẽko imehnõ mana mya Izyraeu tõ nonory moinakoxi.

Marakia 4:3

Moro ẽmepyry ynyriry toehse ahtao popyra exiketõ tũtũmãko matose oruno ehtoh samo opupurukõ zopino.

Mateu 27:43

Tosẽme Ritonõpo tonetupuhse eya. Ritonõpo mũkurume tõsekarose roropa ynororo. Naeroro seraximatone. Otarãme Ritonõpo ipynanopyry se exĩko mana, nary rokene, tykase toto.

Jozue 7:9

Sero poko mã kananeu tõ tuaro exĩko, emero sero nonory põkõ maro. Yna zomyehmãko mã toto yna etapatohme. Moro sã toehse ahtao otara ãko mah oesety imehxo ritohme yna a, okerekeremara imehnõ ehtohme?

Apokaripxi 18:20

Atãkyematoko kapuaõkomo, mokaro enatyry poko. Atãkyematoko Ritonõpo poetory tomo, inymenekatyã roropa imehnõ amorepananõme. Ritonõpo poe urutõ kõ roropa atãkyematoko. Mokaro tuãnohse eya oryhmatamitukõme.