Mikeja 6:2 - Ritonõpo Omiry: A Bíblia Sagrada na língua Aparai do Brasil

² Etatoko ke, ypy tomo, sero nono apõ tõ jamihmãkomo, Izyraeu tõ hxirotoh Ritonõpo a. Typoetory tõ, Izyraeu tõ hxirotoh ekarõko mana; ekaropõko mana zae ehtoh waro ehtohme.

Mikeja 6:2 ပူးပေါင်းရင်းမြစ်များ

2 Samueu 22:16

Mame topetõkara tupokase ahtao Ritonõpo a, tãtaekymase, konomeru konõto tonehpose toto pona, tuna esemary tonese tuna konõto zopino, sero nono apõ tõsenepose.

2 Samueu 22:8

Morarame nono tykytyky tykase, kywyh tykase roropa; ypy ãtykyry kywyh tykase, tykytyky tykase roropa tãtaekymase Ritonõpo exiryke.

Saumu 104:5

Sero nono tyrise oya apõ tõ po, tũpore samo, tosary winoino jũme esyryhmara exĩko mana.

Porowepio 8:29

tuna taunuhmapokehse ahtao eya, esary ehpio onymotyẽkara ehtohme. Moroto exine sero nono apõ tyrise ahtao eya.

Izaja 1:18

Ynara ãko Ritonõpo Kuesẽkõ mana: “Osehtoko xiaro, soturutone sero poko. Oorypyrykõ ke tonohse sã matose tahpireme, xinukutumehme sã xikuxikumã samo. Yrome okurikatorỹko ase, karimutume exĩko ropa matose mauru samo, karimutume kaneru hpoty samo.

Izaja 3:13

Ritonõpo Kuesẽkõ zae ehtoh ekarosasaka mana; typoetory tõ apiakãko mana.

Izaja 43:26

Ypoetory tomo, yhxirotoh nae awahtao xine, ehmaropa Apiakane ẽpataka; yhxirotoh enepotoko! Tuaro ehtoh enehtoko zae oexirykõ waro kuehtohkõme!

Izaja 5:3

Seromaroro Jerusarẽ põkomo, Juta põkõ maro, apiakatoko; kaxiko ya, onoky zae pyra hnae: ywy? ynarykahpyry uwa zoko?

Jeremia 2:9

Ynara ãko Ritonõpo mana: “Naeroro ohxirotorỹko ropa ase, ypoetory tomo, opoenomo, apakõ roropa. Ywy, Ritonõpo, oturũko ase.

Jeremia 25:31

Moro panaikato totasẽme exĩko sero nono etyhpyry po, ahno tõ hxirory se Ritonõpo exiryke. Ahno emero apiakãko mana, popyra exiketõ etapãko mana. Ritonõpo Oesẽkõ, noturuno.”

Jeremia 31:37

Zuaro toehse ahno ahtao, kapu zumo ehtoh kukuru waro toehse ahno ahtao, nono apõ enery waro toehse toto ahtao, morara ahtao rokẽ Izyraeu tõ rumekãko Ritonõpo mana, popyra inyrityã pokoino. Ritonõpo Oesẽkõ oturũko mana.

Ozeja 12:2

Juta tõ hxirõko Ritonõpo mana, Izyraeu tõ wãnohnõko roropa mana iirypyryme toehse toto exiryke.

Ozeja 12:3

Toto tamuru, Jako, toetoepurohmase turui Ezau maro, kamarame exikety, tysekõ wakuru ao ro toto ahtao. Tuãtase tahtao toekuhse Jako Ritonõpo maro;

Ozeja 4:1

Sero nono põkõ hxirotoh nae Ritonõpo Kuesẽkõ mana. Etatoko ke Izyraeu tomo, Ritonõpo nekarory: — Ajohpe rokẽ mã toto emero, imehnõ pyno nymyry pyra, Ritonõpo ehtoh poko etary se pyra sero nono põkõ mana ipunaka.

Mikeja 6:1

Etatoko ke Izyraeu tõ hxirotoh Ritonõpo a! Owõko, Ritonõpo, mokaro hxirotohme; ypy tomo te, somohmãkõ roropa õmiry etãko mã kehko.

Teuteronomiu 32:22

Tohne jehtoh apoto zukãko sã mana, senohne emero enahkapõko mana sero nono po; ypy tõ apõ zahkãko roropa mana, ijahkapõko mana aorihtyã esary pona.

Teuteronomiu 4:26

Kapuaõkõ kohmãko ase, nono põkõ roropa eneneme toto ehtohme: tyorõ neponãmarykõ eahmaryhtao oya xine osenahkãko matose moro nono po, oesarykõ po tuna Joatão mõpozakoxi. Axĩtao rokẽ moro nono po exĩko matose. Okynã pyra tonahkasẽme exĩko matose ipunaka.