Mateu 8:22 - Ritonõpo Omiry: A Bíblia Sagrada na língua Aparai do Brasil

²² Yrome ynara tykase Jezu eya: — Toipe orihnõko exino mana. Mame toorihse ahtao imehnõ zonẽnõko mana epẽpyry tomo. Yrome omoro rokẽ eropa ymaro, tykase Jezu eya.

Mateu 8:22 ပူးပေါင်းရင်းမြစ်များ

1 Tuisa 19:20

Mame axĩ toky tõ turumekase Eriseu a, tururume toytotohme Eria a: — Ytoxi aporo osekazumase papa tomo a, aja a roropa, toto pohse roropa, moromeĩpo amaro jytotohme, tykase Eriseu. — Kure, ytoko. Ytopyra exiko, kara ase oya, tykase.

Mateu 8:21

Imepỹ Jezu maro atamorepakety kynexine. Ynara tykase ynororo Jezu a: — Ajohpãme sã ytoxi aporo papa tapyĩ taka. Tamuhpõme toehse mã ynororo. Mame toorihse ynororo ahtao oehnõko ropa ase, tonẽse ahtao roropa amaro jytotohme, tykase ynororo Jezu a.

Mateu 9:9

Morotoino Jezu toytose ropa. Mame toytose tahtao Mateu tonese eya. Kohrame ynororo kowenu tineru apoitoh tao. Erohkety kynexine kowenu poetoryme. Tineru apoine kynexine imehnõ wino, ekarotohme kowenu a, kowenu tinerũme. — Ymaro eropa, tykase Jezu eya. Mame axĩ towõse Mateu. Jezu maro toytose.

Maku 2:14

Morarame mõpozakoxi toytose tahtao Mateu tonese eya, Aupeu mũkuru. Kohrame ynororo kynexine kowenu tinerũ apoitoh tao. — Ymaro eropa, ypoetoryme, tykase Jezu eya. Mame toytose ynororo imaro.

Ruka 15:24

“Ynara exiryke, umũkuru aorikyhpyry sã monexiano. Mame aẽsemamyhpyry sã toehse ropa nase. Itatyhpyry sã roropa monexiano. Mame seromaroro aosenepohpyry ropa sã nase,” tykase jumy. Morara exiryke tãkye toehse ropa toto. Tõtuhse toto. Tãtãkyemase toto.

Ruka 15:32

Yrome ãkorony aorikyhpyry sã monexiano amerehme. Mame aẽsemamyhpyry ropa sã noehno ropa. Itatyhpyry sã roropa monexiano. Mame seromaroro aosenepohpyry ropa sã nase. Naeroro otuhtoh konõto yripono tãkye kuehtohkõme,” tykase jumy eya. Morara tykase Jezu eya xine.

Ruka 9:59

Mame imepyny a ynara tykase Jezu: — Ymaro eropa ypoetoryme, tykase ynororo eya. Yrome ynara tykase ynororo: — Ajohpãme sã ytoxi aporo papa tapyĩ taka. Tamuhpõme toehse papa mana. Mame toorihse ahtao zonẽnõko ase. Moromeĩpo oehnõko ropa ase amaro jytotohme, tykase ynororo Jezu a. Mame ynara tykase Jezu eya:

Ruka 9:60

— Ah imehnõ omy ekepyry zonẽno toto. Eropa hkoty ymaro imehnõ amorepatohme kuesẽkõme Ritonõpo ehtoh poko, tykase Jezu eya.

João 1:43

Yrokokoro Jezu toytose Karirea pona. Piripe toporyse ahtao tarose eya toytotozome. — Eropa, tykase ynororo eya.

João 21:19

Moro poko Peturu turuse Jezu a aorikyry poko, kure Ritonõpo ehtoh enepory poko roropa imehnomo a. Mame ynara tykase ropa Jezu eya: — Ymaro eropa. Jomiry ekarokose imehnomo a, tykase eya.

João 21:22

Ynara tykase Jezu eya: — Aorikyry se pyra jahtao joepyry ropa momohnõko mana. Oty katoh oturupõko ma ipohko? Eropa hkoty, tykase Jezu eya.

Epezu 2:1

Osemazuhme aporo Ritonõpo enetuputyry se pyra mexiatose, Ritonõpo omipona pyra oexirykõke, tyyrypyhpyke rokẽ oexirykõke.

Epezu 2:5

Ritonõpo enetuputyry se pyra ro kuahtao xine, aomipona pyra roropa kuahtao xine, kuosenetupuhtohkõ tyrisenã sã tyrise ropa Ritonõpo a, Kyrixtu maro kuehtohkõme. Kure orirykõ se Ritonõpo exiryke okurãkatone ropa.

Epezu 5:14

Ynara exiryke, emero tonepose ahtao saereme sã exĩko, jarao exĩko mana. Morara exiryke ynara tymerose imepyny a: “Nyhkety, apakako ty. Oẽsemãko ropa orihxĩpo, mame Kyrixtu saereh ãko mana opona,” me tymerose.

Koroxi 2:13

Osemazuhme toorihse sã mexiatose. Ritonõpo poko pyra mexiatose ipunaka tyyrypyhpyke oexirykõke, Ritonõpo nymeropohpyry omipona pyra oexirykõke roropa juteutõkarame oexirykõke. Yrome seromaroro õsenetupuhtohkõ tyrisenã sã tyrise ropa Ritonõpo a. Tyrisenã sã matose. Kyyrypyrykõ tykorokase ropa Ritonõpo a emero porehme.

1 Timoteu 5:6

Yrome imepỹ pytỹpo typenetatoh poko se rokẽ ahtao typoremãse sã Ritonõpo omiry poko mana.