Mateu 7:11 - Ritonõpo Omiry: A Bíblia Sagrada na língua Aparai do Brasil

¹¹ Iirypyryme matose repe, yrome kurãkõ ekarory waro matose opoenõkomo a. Kure kuhse mã Papa Kapuaono. Naeroro otyro kurã ekarõko oya xine mana ekaroporyhtao eya.

Mateu 7:11 ပူးပေါင်းရင်းမြစ်များ

Jenexi 6:5

Mame popyra ahno ehtoh eneryke tyya, popyra rokẽ aosenetupuhtohkõ eneryke roropa tyya,

Jenexi 8:21

Mame Ritonõpo zamaro Noe nyahkahpyry kynexine. Typoxine inekarohpyry kynexine eya. Ynara tõsenetupuhse Ritonõpo: taroino sero nono põkõ onenahkapozomopyra ase te, popyra ehtoh onenehpopyra ropa ase sero nono pona ahno pokoino. Zuaro ase, typoetõkõ ae ro tyyrypyrykõ poko rokẽ osenetupuhnõko ahno tõ mana.

2 Samueu 7:19

Yrome kure jyritopõpyry motye, seromaroro õmihpyry mekaro ya ypoenõ poko, ypakõ poko roropa tuaro yna ehtohme kure toto riry poko oya imeĩpo, Ritonõpo Imehxo Exikety.

Jo 15:16

Moro motye ahno popyra ehtoh nuriame, tuna ẽnõko sã tyyrypyrykõ poko mã toto.

Saumu 84:11

Ritonõpo Kuesẽkõ kuezurukõme mana, kuewomanekõme roropa. Zae ehtoh poko exiketõ pyno mana. Imehxo toto rĩko mana. Kurãkõ ekarõko roropa eya xine mana.

Saumu 85:12

Kyya xine kure ehtoh ekarõko Ritonõpo Kuesẽkõ mana. Mame kynonorykõ po tykyrysã ahtãko, itamurume exĩko mana.

Saumu 86:15

Yrome omoro mase Ritonõpo yna Esemy, yna pyno Exikety; penekehpyra mase, kure rokẽ mase. Õmihpyry anamonohpyra mase.

Saumu 86:5

Ritonõpo, kure mase, yna rypyry korokãko mase, yna pyno mase, emero oturuketõ oya pyno mase.

Izaja 49:15

Ynara ãko Ritonõpo, toto ezuhnõko: “Poeto ẽ tumũkuru poko wenikehnõko nah? Tumũkuru nymyry pyno exikehsaromepyra mana. Morarame tumũkuru poko tuenikehse nohpo ahtao ro, jũme wenikehpyra exĩko ase opoko.

Izaja 63:7

Kypyno xine Ritonõpo Kuesẽkõ ehtoh ourutorỹko ase: “Kure mase,” ãko ase eya inyrityã pokoino emero; Kure rokẽ kyriatose, kure toexiry poko typoetory tomo a tonepose eya, toto pyno toexiryke, kure toto riry se roropa.

Jeremia 17:9

“Kukurohtao xine iirypyryme sytatose ipunaka. Imehnõ enekunohnõko sytatose. Kuosenetupuhtohkõ waro pyra imehnõ mana. Onukurãkasaromepyra sytatose popyra exiryke ipunaka.

Jeremia 33:14

Ynara tykase Ritonõpo: — Imeĩpo moro kurã rĩko ase Juta tomo a Izyraeu tomo a roropa ynetapohpyry ae ro eya xine.

Ozeja 14:2

Osehtoko ropa Ritonõpo a, ynara kahtoko eya: “Yna rypyry ikorokako, yna otururu oya etako! Oeahmary yna a ekarõko ynanase oya ynanekaroryme.

Mikeja 7:18

Ritonõpo, imepỹ ritõ pyra mana asã exikety. Opoetory tõ akoĩpyry isene ro exiketõ rypyry tõ korokãko mase. Zehno exikehnõko mase, jũme yna pyno oehtoh enepõko mase yna a.

Marakia 1:6

Ritonõpo Jamihmehxo Exikety ynara ãko mana oturuketomo a: — Tumy omipona imũkuru mana, tosẽ omipona inamoto roropa mana. Omykõme jahtao oty katohme jomipona pyra hmatou? Oesẽkõme jahtao oty katohme juno pyra hmatou? Jyhtomãko matose, yrome moro sã awahtao xine ro ekaropõko matose: “Otara ahtao ohtomãko ynanexiahse?”

Mateu 23:9

Naeroro sero nono po imehnõ onyripyra omykõme ehtoko roropa. Toiro rokẽ omykõme nymyry mana, Papa Kapuaono.

Mateu 7:10

“Papa, omise ase,” karyhtao oya xine, okoi onekaropyra matose eya xine.

João 3:16

Ritonõpo sero nono põkõ pyno ipunaka. Morara exiryke Tumũkuru toirõ tonehpose eya, emero porehme enetupuhtohme tosẽkõme, orihpyra ehtohme, jũme imaro ehtohme.

Romanos 3:19

Ritonõpo nymeropohpyry omipona se exikety ahtao, mame toiro tyyrypyry poko toehse ropa ahtao, Ritonõpo omipona pyra toehse. Popyra mã ipunaka Ritonõpo a, imehnõ iirypyrymãkõ samo. Ritonõpo ezukuru waro pyra toehse ynororo, tyyrypyhpyke toehse toexiryke.

Romanos 3:9

Morarame otarame ynara ãko matose: “Juteume kuexirykõke kurehxo sytatose, juteutõkara kure hkopyra toh mana,” ãko otarame matose repe. Arypyra, pake kuuruatose moro poko. Juteu tõ sã juteutõkara mana. Tyyrypyhpyke sytatose oxisamo. Kyyrypyrykõ rumekary waro pyra sytatose.

Romanos 8:32

Tumũkuru onypynanohpyra Ritonõpo kynexine. Kypynanohtohkõme Tumũkuru tonehpose tarona aorihtohme, orihpyra kuehtohkõme. Kyya xine Tumũkuru tokarose Ritonõpo a, omomỹke pyra toexiryke. Morara Ritonõpo ahtao tynekarory kurã ekarõko roropa kyya xine mana, emero porehme.

Karaxia 3:22

Ynara tymerose sero poko Ritonõpo omiryme: “Tymyhse sã sero põkõ emero porehme iirypyrymãkomo a,” tykase. Naeroro Jezu Kyrixtu enetuputyryhtao kyya xine kymyhpokatorỹko ropa sã Ritonõpo mana. Emero tynekarory ekarõko roropa mã Ritonõpo kyya xine Jezu enetuputyryhtao kyya xine.

Tiaku 1:17

Emero kurãkõ Ritonõpo nekarohpyryme mana. Kure nymyry inekarohpyry kyya xine. Kapu ezuru Rihpõ mokyro. Inyrityã tyoro exĩko mana. Yrome etyorõmara mana. Kokoro rokẽ kurãkõ ekarõko mã kyya xine.

1 João 3:1

Ritonõpo kyse xine exiry menetupuhtou? Kypyno xine mã ipunaka. Morara exiryke ipoenõme toehse sytatose, typoenõme tyrise kuexirykõke eya. Yrome Ritonõpo waro pyra exiketõ nae sero nono po. Ritonõpo poenõme kuenetupuhpyra xine mokaro mana zuaro pyra toexirykõke.

1 João 4:10

Ynara sã Ritonõpo kypyno xine exiry, osemazuhme Ritonõpo pyno pyra sehtone. Yrome kypyno xine ro mana. Morara exiryke Tumũkuru tonehpose kukurãkanekõme, kyyrypyrykõ korokatohme eya.