Mateu 5:2 - Ritonõpo Omiry: A Bíblia Sagrada na língua Aparai do Brasil

² Mame tamorepase toto eya. Ynara tykase eya xine:

Mateu 5:2 ပူးပေါင်းရင်းမြစ်များ

Jo 3:1

Morarame okynahtao Jo tõturupitose. Popyra rokẽ tonurutopõpyry tyripose eya. Ynara tykase ynororo:

Porowepio 8:6

Etatoko pahne, jomiry zae mana; ynekarory oya emero zae mana.

Mateu 13:35

Morarame urutõ kõ omihpyry ae ro Jezu kynexine. Ynara kynexine urutõ kõ omihpyry pake: “Osenetupuhtoh ke toto amorepãko ase, tyorõ poko toto zurũko ase. Moro poko zuaro exipitopyra mã toto moino ro, sero nono ritopõpyry poe ro. Yrome morohne poko toto amorepãko ase,” tykase urutõ kõ pake Ritonõpo omiryme.

Mateu 5:1

Morarame imoihmãkõ eneryke tyya Jezu tõnuhse ypy pona. Mame typorohse ynororo ahtao ipoetory tõ toytose eya.

Atos 10:34

Morarame Peturu tõturuse eya xine. Ynara tykase: — Seromaroro zuaro ase. Emero kypyno xine Ritonõpo exiry waro ase, yna rokẽ kara pyno Ritonõpo mana.

Atos 18:14

Tõtururu se Pauru kynexine repe. Yrome Kario ynara tykase juteu tomo a: — Etatoko pahne juteu tomo, imepỹ totapase ahtao eya ẽmary ãpuruhpyry taka, õmipona xine exiry.

Atos 8:35

Mame Piripe tõturuse imaro Ritonõpo omiry poko, inysekeremahpyry poko. Kure turuse eya Jezu poko.

Epezu 6:19

Ypoko roropa oturutoko Ritonõpo a, tõmiry ekarotohme ya, imehnõ amorepatohme ya, orẽpyra jehtohme toto zururuhtao ya Kyrixtu omiry poko, toto kurãkary poko roropa Ritonõpo osenetupuhtopõpyry ae ro.