Mateu 4:11 - Ritonõpo Omiry: A Bíblia Sagrada na língua Aparai do Brasil

¹¹ Morara exiryke Jezu turumekase ropa joroko tamuru a. Mame Ritonõpo nenyohtyã toytose eya, akorehmase.

Mateu 4:11 ပူးပေါင်းရင်းမြစ်များ

1 Tuisa 19:6

Mame tõsenuhmase ynororo. Wyi tonese eya topu tõ po tuna maro ẽ ao, zupuhpyry pũto. Naeroro tõtuhse ynororo. Tuna tõse roropa eya. Mame tynyhse ropa ynororo.

Mateu 26:53

Tuaro pyra ro matohu? Jakorehmananõ se jahtao ekaropory Papa Kapuaono a. Mame tuhke kuhse tynenyohtyã enehpory ya jewomananõme.

Mateu 4:6

Mame ynara tykase ynororo Jezu a: — Ritonõpo mũkuru nymyryme awahtao epukako sero poe nono pona, ynara tymerose exiryke Ritonõpo omiryme: “Tynenyohtyã tyripõko Ritonõpo mana, oewomatohme emero rokẽ pona oytoryhtao, Tomary ke ãpoĩko mã toto, epuhtãmara opupuru ehtohme topu tõ pona,” me tymerose mana, tykase joroko tamuru Jezu a.

Maku 1:13

Moero tuhke tõmehse ynororo 40me. Mame joroko tamuru tooehse eya. Jezu riry se iirypyryme kynexine repe. Yrome kure rokẽ kynexine ynororo. Onokyro esao rokẽ kynexine moroto. Morarame Ritonõpo nenyohtyã tooehse kapu ae. Jezu takorehmase eya xine rahkene.

Ruka 22:43

Mame Ritonõpo nenyokyhpyry kapu ae tyhtose Jezu jamihtanohtohme.

Ruka 22:53

Kokoro rokẽ amaro xine exiase Ritonõpo Tapyĩ tao. Moro tao jahtao japoipyra mexiatose. Sero kohmamyry ae rokẽ japoĩko matose tykohmãse exiryke. Iirypyrymãkõ esẽ oesẽkõme mana, joroko tamuru. Oesẽkõme aexiryke aomipona matose, tykase Jezu eya xine.

Ruka 4:13

Mame tokurehse joroko tamuru Jezu kukuru poko. Iirypyryme onyripyra tokurehse ynororo. Mame toytose rokẽ aporo.

João 14:30

Okynã pyra oturukehnõko ase amaro xine, jenetupuhpynõ tuisary oepyryke. Yrome jesẽ kara mokyro. Ypoko pyra roropa mana tyyrypyhpyke pyra jexiryke.

1 Timoteu 3:16

Ajohpe pyra nase. Ynara enetupuhnõko sytatose, osemazuhme tuaro pyra Jezu poko sexiatose repe, yrome Ritonõpo kutuarõtanopyatose. Tumũkuru tonehpose ahnome. Iirypyryme pyra tonepose mokyro Ritonõpo Zuzenu a. Tonese roropa Ritonõpo nenyohtyamo a, kapuaõkomo a. Tokarose ahno tomo a, juteutõkara a roropa. Tonetupuhse roropa mokaro a. Moromeĩpo tarose ropa ynororo kapu aka.

Epereu 1:14

Naeroro oturuxi Ritonõpo nenyohtyã poko. Kapu ae inenyohtyã mokaro. Tupũke pyra rokẽ mã toto. Toto aropõko Ritonõpo mana tarõkõ akorehmatohme. Tynypynanohtyã akorehmase toto aropõko mana.

Epereu 1:6

Ynara roropa tykase Ritonõpo Tumũkuru tooehse ahtao sero nono pona: “Ynenyohtyã emero kure Umũkuru rĩko mana. ‘Kure mase, tuisa imehxo,’ ãko toh mana eya,” tykase Ritonõpo.