Mateu 3:16 - Ritonõpo Omiry: A Bíblia Sagrada na língua Aparai do Brasil

¹⁶ Jezu tõpurihkase eya. Mame towõse ropa ahtao nakuae, kapu toepiakase samo. Mame Ritonõpo Zuzenu tyhtose utukuimo panono Jezu pona. Moro tonese João a.

Mateu 3:16 ပူးပေါင်းရင်းမြစ်များ

Izaja 11:2

Imaro Ritonõpo Zuzenu exĩko mana, tuaro ehtoh ekarõko, enetupuhtoh roropa, emese kure ehtoh ekarõko, jamihmehxo ehtoh roropa. Ritonõpo omipona exĩko mana, ise Ritonõpo ehtoh waro exĩko roropa mana,

Izaja 42:1

Ynara ãko Ritonõpo Kuesẽkõ mana: “Ypoetory mose ro, tyjamihtanohse ynororo ya, ynymenekahpyryme mana, yzamaro Exikety! Juzenu ekaroase eya; zae ehtoh enehnõko mana imeimehnõ nonory põkomo a emero porehme.

Izaja 59:21

“Ynara jomiry etapõko ase oya xine,” ãko Ritonõpo mana: “Juzenu, amaro xine exikety te, jomiry roropa ynekarohpyry oya xine, jũme amaro xine exikehpyra exĩko. Morohne poko opoenõ amorepãko matose te, apakomotyã roropa jũme orumekara xine ehtohme,” ãko Ritonõpo mana.

Izaja 61:1

Ritonõpo Imehxo Exikety a Tuzenu tokarose ya, tymenekase jexiryke eya omi kurã arotohme tymõkomokãkara a. Tonyohse ywy eya typoremãkase aexityã ãkyematohme. Tonyohse ywy eya imehnõ namoto tõ myhpokatoh ropa ekarotohme, ãpuruhpyry taõkõ tũtatoh ekarotohme roropa.

Ezekieu 1:1

Ẽmepyry 5me ehtoh po, nuno 4mã po, 30me jeimamyry po ahtao tuna Kepaa po exiase imehnõ juteu tõ maro. Moroto exiase Papironia põkõ narotyã maro. Mame kapu tõsetapuruhmakase, Ritonõpo osenepotoh enease.

Maku 1:10

Towõse ropa ahtao tuna ehpikoxi, kapu tonese eya xine toepiakase. Mame Ritonõpo Zuzenu tyhtose utukuimo panono. Jezu zuhpokoxi typorohse.

João 1:51

Ynara tykase ropa Jezu eya xine: — Ajohpe pyra ase, ywy ase Kapu ae Ayhtohpyry. Imeĩpo kapu enẽko matose totapuruhmakase, Ritonõpo nenyokyry tõ enẽko roropa matose onuhnõko, yhtõko roropa Kapu ae Ayhtohpyry pona, tykase Jezu eya xine.

João 3:34

Ritonõpo nenyokyhpyry zae Ritonõpo omiry ekarõko mana, Ritonõpo Zuzenu nae toexiryke.

Atos 1:22

Jezu poko imehnõ amorepatohme kymaro xine. Jezu maro ytoytokety se sytatose ẽpurihkatopõpyry poe João a, kapu aka aunukuru ponãmero.

Atos 7:56

Morarame ynara tykase ynororo: — Enetoko ke! Kapu enẽko ase tãtapiakase. Jezu Kyrixtu enẽko ase. Ahnome aexihpyry enẽko xikihme, Ritonõpo maro, tykase ynororo eya xine.

1 João 5:6

Jezu Kyrixtu tooehse tarona. Orihse tooehse kukurikatohkõme tumunuru ke. Tõsẽpurihkapose roropa nakuaka. Nakuaka rokẽ pyra osẽpurihkapose tooehse, kukurikase xine roropa tooehse tumunuru ke. Moro poko zae Ritonõpo Zuzenu kuurutorỹko mana zae aexiryke.