Mateu 28:5 - Ritonõpo Omiry: A Bíblia Sagrada na língua Aparai do Brasil

⁵ Morarame ynara tykase Ritonõpo nenyokyhpyry nohpo tomo a: — Oserehpyra ehtoko. Jezu zupĩko hmatou wewe pokona exixihmahpyry? Zuaro ase.

Mateu 28:5 ပူးပေါင်းရင်းမြစ်များ

Izaja 35:4

Kaxiko typoremãse exiketomo a: “Enaromyra ehtoko; jamihme ehtoko, Ritonõpo Kuesẽkõ oehnõko mana. Kypynanohse xine oehnõko mana, kuepetõkara wãnohse oehnõko mana.”

Izaja 41:10

Enaromyra ehtoko amaro xine jexiryke; oserehpyra ehtoko, Oesẽkõme jexiryke. Ajamihtanohtorỹko ase, ãkorehmatorỹko roropa; oewomatorỹko ase, opynanohtorỹko ase japotunuru ke.

Izaja 41:14

Ynara ãko Ritonõpo mana typoetory tomo a: “Pisarara matose jamihme pyra roropa, yrome enaromyra ehtoko; ywy ase Ritonõpo, Izyraeu tõ Esẽ kurano, Opynanohnekõme ase, oewomatorỹko ase.

Tanieu 10:12

Mame ynara tykase ynororo ya: — Enaromyra exiko, Tanieu. Õtururu totase Ritonõpo a, ẽmepyry apitorymã poe, oesekumuru po tõturupitose awahtao eya, tuaro oehtohme. Tooehse ywy õmiry pokoino.

Tanieu 10:19

Ynara tykase ynororo ya: — Opyno Ritonõpo mana, naeroro enaromyra exiko. Oewomaneme mana, torẽtyke pyra exiko. Emynyhmara exiko! Orẽpyra exiko! Mame morara tykase ynororo ahtao kure pohto sã exiase ropa. Ynara ase eya: — Oturuko ya, jamihme pohto kyriropa exiryke.

Mateu 14:27

Yrome ynara tykase Jezu eya xine: — Juno pyra ehtoko. Ywy ase Jezu. Enaromyra ehtoko, tykase eya xine.

Mateu 28:10

— Enaromyra ehtoko, tykase Jezu eya xine. — Ytotoko jakorõ tõ zurutatoko. Enyohtatoko Karirea pona toto ytotohme. Moroto oseporỹko ropa sytatose toto maro, tykase Jezu eya xine.

Mateu 28:4

Mame soutatu tõ tõserehse itamurume. Tykytyky tykase toto. Mame aorihtyã sã toehse toto. Nono pona toepukase toto.

Maku 16:6

Mame tõserehse toto. Mokyro a turuse nohpo tomo, ynara tykase eya xine: — Oserehpyra ehtoko. Jezu zupĩko matou, Nazare pono, exixihmahpyry? Nẽsemãno ropa. Nowõno ropa. Taro arypyra mana, esahpyry rokẽ taro mana. Enetoko pahne.

Ruka 1:30

Ynara tykase Ritonõpo nenyokyhpyry eya: — Enaromyra exiko, Maria. Opynanohnõko Ritonõpo mana.

Ruka 24:5

Tõserehse toto mokaro eneryke tyya xine. Tupueh tykase toto nono pokoxi. Mame ynara tykase mokaro eya xine: — Oty katoh aẽsemamyhpyry ropa zupĩko matohu zonẽtopõpyry ao?

Atos 2:24

Mame tõsemãkapose ropa ynororo Ritonõpo a. Jũme orihpynỹpo sã toehse ropa ynororo typoremãkapory se pyra toexiryke toorihtopõpyry a.

Epereu 1:14

Naeroro oturuxi Ritonõpo nenyohtyã poko. Kapu ae inenyohtyã mokaro. Tupũke pyra rokẽ mã toto. Toto aropõko Ritonõpo mana tarõkõ akorehmatohme. Tynypynanohtyã akorehmase toto aropõko mana.