Mateu 27:46 - Ritonõpo Omiry: A Bíblia Sagrada na língua Aparai do Brasil

⁴⁶ Morarame 3 orame ahtao kui tykase Jezu opore. Ynara tykase ynororo: — Eri, Eri, rema sapahtani, tykase. Morara kary: “Ritonõpo Kapuaono, oty katoh kurumekano?” kary Tumy a.

Mateu 27:46 ပူးပေါင်းရင်းမြစ်များ

Saumu 22:1

Ritonõpo Jesemy, oty katohme kurumekase? Oty katoh ameke toehse mahno? Kykohmase repe jakorehmatohme yrome jomiry onetara mexiase.

Saumu 71:11

Ynara ãko mã toto: “Mokyro turumekase Ritonõpo a; sekahmatone apoitohme kyya xine, ipynanohne pyra exiryke.”

Izaja 53:10

Mame ynara tykase Ritonõpo: “Kure ya iiryhmary, sam tykamexipose ynororo ya. Tõsekarose ynororo toorihtohme iirypyrymãkõ rypyry epehpyryme, typakomotyã enẽko mana, jumanatome isene exĩko mana. Ipokoino Ritonõpo osenetupuhtoh zae exĩko mana.

Ramẽtasão 1:12

Ikuroko ytoketomo a Jerusarẽ põkõ ynara ãko: “Kuenetoko ke! Imehnõ etuarimapitopyra nexiase jetuarimary saaro. Zehno toehse toehtoh po tuãnohse ywy Ritonõpo a sero samo.

Mateu 27:47

Morarame morotõkõ Jezu kui kary etaryke tyya xine ynara tykase toto: — Metatou, Eria kohmãko mana, tykase toto.

Maku 15:34

Morarame opore Jezu tykohtase. Ynara tykase ynororo: — Eroi, Eroi, rema sapahtani, tykase. Tõmiry ae morara kary ynara katopo: “Ritonõpo, Ritonõpo oty katohme kurumekano?” katopo.

Ruka 23:46

Mame opore Jezu tõturuse Ritonõpo a. Ynara tykase ynororo: — Papa, kueneko. Orihnõko ase õmi poe. Oya juzenu ekarõko ase, tykase ynororo. Morara kaxĩpo sa rokẽ toorihse ynororo.

Epereu 5:7

Morarame Jezu sero nono po tahtao, tõtururuhtao sam tykase Ritonõpo neneryme. Tãtasamase roropa ynororo yronymyryme. Ipynanopyry waro Jumy, orihpyra aehtohme. Mame typoko epyrypara Jezu exiryke, Tumy omipona roropa exiryke, aomiry totase Ritonõpo a.