Mateu 27:43 - Ritonõpo Omiry: A Bíblia Sagrada na língua Aparai do Brasil

⁴³ Tosẽme Ritonõpo tonetupuhse eya. Ritonõpo mũkurume tõsekarose roropa ynororo. Naeroro seraximatone. Otarãme Ritonõpo ipynanopyry se exĩko mana, nary rokene, tykase toto.

Mateu 27:43 ပူးပေါင်းရင်းမြစ်များ

Saumu 14:6

Tymõkomoke pyra exiketõ ise ehtoh kararahnõko popyra exiketõ mana. Yrome mokaro ewomãko Ritonõpo mana.

Saumu 22:8

Ynara ãko mã toto: “Ritonõpo enetupuhnõko mase Oesẽme; oty katohme opynanohpyra hnae? Ose ynororo ahtao oty katohme ãkorehmara nae?” ãko mã toto ya.

Saumu 3:2

Oturũko mã toto ypoko, ynara ãko mã toto: “Mokyro anakorehmara Ritonõpo exĩko mana!”

Saumu 42:10

Yzehpyry jetunu, yyryhmatopo yzehnotokomo a. Onekaropokehpyra mã toto: “Otoko hnae Ritonõpo, oesemy?” ãko mã toto ya.

Saumu 71:11

Ynara ãko mã toto: “Mokyro turumekase Ritonõpo a; sekahmatone apoitohme kyya xine, ipynanohne pyra exiryke.”

Izaja 36:15

Aomiry onetara ehtoko: ‘Ritonõpo Oesẽkõ opynanohtorỹko mana,’ karyhtao. Tuaro ehtoko, opynanohpyra xine Ritonõpo mana, apatarykõ onewomara mana. Apatarykõ poremãkãko axirio tõ soutatu tõ mã rahkene.

Izaja 36:18

Osenekunohpopyra ehtoko Ezekia a: ‘Ritonõpo opynanohtorỹko mana,’ karyhtao oya xine. Imehnõ neponãmarykõ ahno tõ onypynanohpyra tokurehse. Axiria esemy a typoremãkase toto emero porehme.

Izaja 37:10

Ynara tykase: “Oesemy Ritonõpo oewomanekõme enetupuhnõko mase repe: ‘Oewomatorỹko ase, pata Jerusarẽ onyporemãkara ehtohme,’ ãko ynororo oya repe; yrome osenekunohpopyra exiko eya.

Mateu 27:40

— Ehẽ, otoko ahtao Ritonõpo maro Oturutoh kararahnõko mahno? Otoko ahtao imyakamãko ropa mah oseruao rokẽ tõmehse ahtao? Moro waro awahtao oenupunako roropa. Ritonõpo mũkurume awahtao osepynanohko roropa, wewe poe oyhtoko ropa, tykase toto.

Mateu 27:54

Morarame soutatu tõ esẽ moroto kynexine, typoetory tõ maro. Jezu enẽko toh kynexine aorikyry eraximãko. Nono kywyh kywyh kary tõkehko eneryke tyya tõserehse ynororo itamurume. Ynara tykase ynororo: — Ajohpe pyra ro rukuh nexiahse. Mose Ritonõpo mũkurume nymyry nexiahse, tykase ynororo.

Ruka 23:35

Mame tuhkãkõ totypohse tõsenuhmatohkõme. Mame Jezu tounohse eya xine, juteu tõ tuisary tomo a. Ynara tykase toto: — Imehnõ typynanohse eya. Seromaroro ah nosepynanohno roropa Kyrixtume tahtao, Ritonõpo nymenekahpyryme tahtao, tykase toto tounohse eya xine.

Ruka 23:37

Ynara tykase toto eya: — Juteu tuisaryme awahtao, osepynanohko, tykase soutatu tõ Jezu a.

João 10:30

Papa ime exiry ime jexiry samo. Oxisã ynanase.

João 10:36

Ywy ase, Papa Kapuaõ nymenekahpyry. Inenehpohpyry roropa ase sero nono pona. Morara exiryke: “Ritonõpo mũkurume ase,” karyhtao ya epyrypara ase Ritonõpo poko. Morara exiryke: “Ritonõpo poko epyrypãko mase,” kara ehtoko ya.

João 19:7

Ynara tykase juteu tomo: — Yna tamuru omihpyry poe aorikyry se ynanase. Ritonõpo mũkurume tõsekarose exiryke aorihmapory se ynanase.