Mateu 27:22 - Ritonõpo Omiry: A Bíblia Sagrada na língua Aparai do Brasil

²² — Morara ahtao oty rĩko ywy Jezu Kyrixtu poko? tykase ropa ynororo eya xine. — Wewe pokona exixihmapoko, tykase toto oximõme.

Mateu 27:22 ပူးပေါင်းရင်းမြစ်များ

Jo 31:31

“Ypoetory tõ zuaro mã toto imehnõ toahmase ya, kure tõtuhse toto tõsẽ kurano ynekarohpyry eya xine.

Izaja 49:7

Ritonõpo, Izyraeu tõ Esẽ Kurano, Ipynanohnekõ roropa, ynara ãko typoetory a, tyhtomase aexihpyry a, ise pyra aexihpyry ahno a, pata tõ esẽ namoto a: “Tuisa tõ ajamitunuru enẽko; xikihme owõnõko mã toto: ‘Tuisamehxo Mase,’ katohme. Tuisa tõ poenõ tosekumuru po porohnõko mã toto oẽpataka: ‘Imehxo Mase,’ katohme. Ywy, Ritonõpo, zae rokẽ ase, emero tyrĩko ase jomihpyry ae ro; ywy, Izyraeu tõ Esẽ Kurano, kymenekase ypoetoryme oehtohme.”

Zakaria 11:8

Typenekehse exiase imehnõ kaneru pyno exiketõ poko. Toiro nuno ae oseruao kaneru poko erohketõ aropoase, toto se pyra toehse jexiryke. Yse pyra toehse roropa toh nexiase.

Mateu 1:16

Jako mokyro Joze zumy. Joze mokyro Maria nio, Jezu ẽ nio. Jezu mokyro Kyrixtu, Kuesẽkomo.

Mateu 27:17

Morarame imoihmãkõ tooehse ahtao ynara tykase Pirato eya xine: — Onoky sehxo matou? Onoky tũtanohpõko ropa matou ya ãpuruhpyry tae? Parapa se matohu? Jezu Kyrixtu se hmatou? Onoky sehxo hmatou orihpyra aehtohme? tykase ynororo eya xine.

Mateu 27:21

Yrome ynara tykase kowenatu eya xine: — Onoky tũtanohpory se ropa hmatou orihpyra ehtohme? tykase ropa ynororo eya xine. — Parapa, tykase toto.

Mateu 27:23

Ynara tykase Pirato: — Oty pokoino? Oty iirypyryme nae? tykase tõturupose ynororo. Mame tykohtase rokẽ imoihmãkomo: — Wewe pokona exixihmapoko, tykase toto.

Maku 14:55

Mame tapyi tao Jezu hxironanõ zupĩko toh kynexine Ritonõpo maro oturuketõ tuisary tomo, Jezu orihmapory se toexirykõke. Yrome onenepyra tokurehse toto.

João 4:25

Ynara tykase nohpo eya: — Ritonõpo nymenekahpyry oehnõko mana, Kyrixtu oehnõko. Tooehse ynororo ahtao emero kuamorepatorỹko mana, tykase.

Atos 13:28

Kure Jezu exiry waro toh kynexine repe. Yrome tõturuse toto Pirato maro: “Jezu exixihmapoko ajohpãme samo,” tykase toto.

Atos 13:38

Wekyry tomo, etatoko ke jotururu. Jezu rokẽ oorypyrykõ korokapõko mã Tumy a, emero.