Mateu 27:20 - Ritonõpo Omiry: A Bíblia Sagrada na língua Aparai do Brasil

²⁰ Morarame imoihmãkõ tutuarõtanohse Ritonõpo maro oturuketõ tuisary tomo a, juteu tõ tuisary tomo a roropa. Morara exiryke Parapa tokaropose Pirato a orihpyra aehtohme, Jezu rokẽ orihmapotohme.

Mateu 27:20 ပူးပေါင်းရင်းမြစ်များ

Jeremia 26:8

Mame Ritonõpo nekarohpyry poko tõturukehse jahtao, tapoise exiase oturuketomo a, urutõ komo a, ahno a roropa, opore tykohtase toto: — Orihnõko mase moro pokoino!

Mateu 27:21

Yrome ynara tykase kowenatu eya xine: — Onoky tũtanohpory se ropa hmatou orihpyra ehtohme? tykase ropa ynororo eya xine. — Parapa, tykase toto.

Maku 15:11

Mame Ritonõpo maro oturuketõ tuisary omi poe Parapa tũtanohpory se toehse imoihmãkomo.

João 18:40

Yrome ise pyra toh kynexine ipunaka. — Arypyra, ise pyra ynanase. Parapa se rokẽ ynanase, tykase toto Pirato a. Mokyro Parapa kynexine karimotakehpyny.

Atos 18:4

Mame oserematoh ae rokẽ juteu tõ amorepase ytosene atamorepatoh taka, kyreku tõ maro, toto tuarõtanohpõko Jezu poko.