Mateu 27:11 - Ritonõpo Omiry: A Bíblia Sagrada na língua Aparai do Brasil

¹¹ Morarame Jezu kowenatu ẽpataka tooehse ahtao ynara tykase kowenatu eya: — Juteu tõ tuisary mahno? tykase tõturupose. — Ỹ, ywy ase, tykase Jezu.

Mateu 27:11 ပူးပေါင်းရင်းမြစ်များ

Mateu 10:18

Kowenatu a aarotorỹko mã toto, tuisa konõto a roropa, ypoetoryme oexirykõke. Mame Ritonõpo omiry kurã poko toto zurũko matose. Juteutõkara zurũko roropa matose.

Mateu 10:25

Morara exiryke ãmorepanekõ sã toehse awahtao xine tãkye ehtoko, oesẽkõ sã toehse oexirykõke. Yrome tapyi esẽ esehtoryhtao imehnomo a joroko esety ae morararo oesehtotorỹko toh mana jorokome. Popyra kuhse oesehtotorỹko toh mana, tykase Jezu typoetory tomo a.

Mateu 2:2

— Otoko hko enurusenã nae? juteu tõ tuisaryme aenuruhpyry nae? Ikyryry ynanenease xirikuato, tõnuhse ahtao xixi tũtatoh wino. Moro eneryke yna a aenururu waro toehse yna. Moro xirikuato tokahmase yna a. Morara exiryke mokyro enese ynanoehno xiaro kure tyritohme, tykase toto Jerusarẽ põkomo a.

Mateu 26:25

Mame ynara tykase Juta, Jezu ewokahpono: — Ypoko moturu pãna? tykase, tõturupose. — Ỹ, tykase Jezu eya.

Mateu 26:64

— Ywy ase, tykase Jezu. — Yrome etatoko pahne, moromeĩpo jenẽko ropa matose tuisamehxo jahtao, Papa Kapuaõ maro. Akuru htoko joepyry ropa enẽko matose, tykase ynororo.

Maku 14:62

Mame Jezu a tozuhse: — Ywy ase. Moromeĩpo jenẽko matose, typorohse jahtao tuisame Ritonõpo maro. Joepyry ropa enẽko roropa matose akuru htoko, tykase Jezu eya.

Ruka 22:70

— Morara ahtao Ritonõpo mũkurume mahno? tykase toto, tõturupose. — Zae matose jenetupuhnõko. Ywy ase, tykase Jezu.

1 Timoteu 6:13

Ritonõpo emero ritõme mana. Inetaryme Jezu Kyrixtu netaryme roropa ynara ãko ase oya, Timoteu,