Mateu 26:61 - Ritonõpo Omiry: A Bíblia Sagrada na língua Aparai do Brasil

⁶¹ Ynara tykase toto Jezu poko: — Ynara nase mose ynanetaryme: “Ritonõpo Tapyĩ kararapyry waro ase. Mame imyakã rĩko ropa ase oseruao rokẽ tõmehse ahtao,” nase mose ro, tykase toto Jezu poko.

Mateu 26:61 ပူးပေါင်းရင်းမြစ်များ

Jenexi 19:9

Yrome tozuhse ynororo eya xine: — Ytoko taroino, yna wapo pyra exiko! Oseya ynara tykase toto: — Imepỹ nono poe aepyhpyry mose ro. Tõmipona kyrirykõ se ynororo tuisame exikety samo! Oty katohme? Mame toeramase toto Ro a ynara katohme: — Seromaroro mokaro oepe tõ ryhmary se yna ehtopõpyry motye oryhmãko ynanase. Ro tupurohmase Sotoma põkomo a. Toeporehkase toto tapyi omõtoh pona tapyi etapuruhmakatohme repe, omõtohme repe.

1 Tuisa 22:27

Toto zuruta mose ẽmatohme ãpuruhpyry taka, wyi rokẽ ekarotohme eya tuna maro kure rokẽ joehtohto ropa, tykase.

2 Tuisa 9:11

Mokaro soutatu tõ esamo a tooehse ropa Jeu ahtao, tõturupose toto a: — Emero kure repe? Oty se kynako oya mokyro rowohpano? tykase toto. — Zuaro matose ise aexiry, tykase Jeu.

Izaja 49:7

Ritonõpo, Izyraeu tõ Esẽ Kurano, Ipynanohnekõ roropa, ynara ãko typoetory a, tyhtomase aexihpyry a, ise pyra aexihpyry ahno a, pata tõ esẽ namoto a: “Tuisa tõ ajamitunuru enẽko; xikihme owõnõko mã toto: ‘Tuisamehxo Mase,’ katohme. Tuisa tõ poenõ tosekumuru po porohnõko mã toto oẽpataka: ‘Imehxo Mase,’ katohme. Ywy, Ritonõpo, zae rokẽ ase, emero tyrĩko ase jomihpyry ae ro; ywy, Izyraeu tõ Esẽ Kurano, kymenekase ypoetoryme oehtohme.”

Izaja 53:3

‘Ahno kahpyry mokyro, surumekatone,’ tykase toto ipoko. ‘Toetuarimase ynororo, sam kakehpyra nexiase, yrome toanahtose eya toemynyhmaryme.’ Aytory tonese ahtao kyya xine toeramase rokẽ sexiatose enery se pyra kuexirykõke. ‘Ahno kahpyryme rokẽ mokyro,’ sekaroatose. ‘Kure mokyro mana,’ kara sexiatose.

Mateu 12:24

Mame morara kary totase tyya xine ahtao ynara tykase parixeu tomo: — Mokyro mã Peuzepu poe rokẽ jamihme mana. Naeroro joroko tõ tũtanohpõko ropa mana ahno ae, tykase toto ajohpe. Peuzepu joroko tamuru esety akorony.

Mateu 26:62

Mame mokaro omiry etaryke tyya ynara tykase Ritonõpo maro oturuketõ tuisary Jezu a: — Moxiã ohxirõko nase. Otara ãko hmah moxiã ezuhnõko? tykase ynororo.

Mateu 26:71

Mame toytose ropa Peturu jarakapyhpyry eutary aka ropa. Moroto tonese ropa ynororo imepỹ nohpo a. Ynara tykase ynororo orutua kõ netaryme: — Mose roropa Jezu maro nexiase, Nazare põ maro, tykase ynororo.

Mateu 27:40

— Ehẽ, otoko ahtao Ritonõpo maro Oturutoh kararahnõko mahno? Otoko ahtao imyakamãko ropa mah oseruao rokẽ tõmehse ahtao? Moro waro awahtao oenupunako roropa. Ritonõpo mũkurume awahtao osepynanohko roropa, wewe poe oyhtoko ropa, tykase toto.

Mateu 27:5

Mame moro tineru typahpose rokẽ Juta a moro taka, Ritonõpo maro Oturutoh taka. Mame toytose ynororo toiroro osesenãse.

Maku 14:58

— Ynara nase mose ynanetaryme: “Ritonõpo Tapyĩ seny, ahno nyrihpyry. Ikararahnõko ase. Mame oseruao rokẽ tõmehse ahtao imyakã rĩko ase, ahno nyriry sã pyra, ynyriryme ro,” nase mose ynanetaryme, tykase toto.

Maku 15:29

Morarame tõsenuhnuhmase osema ae ytoketomo. Jezu tounohse eya xine. Ynara tykase toto: — Ehẽ! Otara ahtao Ritonõpo Tapyĩ kararahnõko mah? Otara ahtao imyakamãko ropa mah oseruao tõmehse ahtao?

Ruka 23:2

Mame Jezu tyhxirose eya xine. Ynara tykase toto: — Mose yna ekyry enekunohnõko mana. Azahkuru toto amorepãko mana. Ynara nase: “Tineru onekaropyra ehtoko sero pata tamuru esemy a, Ĩperatu a,” nase mose ro, tykase toto ajohpe rokene. “Ritonõpo nymenekahpyryme ase, oesẽkõme ase,” nase roropa ynororo, tykase toto Pirato a.

João 9:29

Ritonõpo tõturuse Moeze a. Moro waro sytatose. Yrome mokyro otokoino tooehse? Zuaro pyra ynanase, tykase toto.

Atos 17:18

Mame toitoine Pauru a tooehse toto, tãtamorepary sato komo. Mokaro Epikureu tomo, Zeno tõ roropa. Ynara tykase toto: — Otara ãkohxo ke mose nae oturuno warõkara? tykase toto Pauru poko. Imehnõ ynara tykase roropa ipoko: — Otarãme tyorõ ritõ poko urutõ mose ro, tykase toto, Jezu ẽsemamyry ropa poko aotururu etaryke tyya xine.

Atos 18:13

Ynara tykase toto: — Mose Ritonõpo poko tyoro sã amorepato, kuesẽkõ omipona pyra kuehtohkõme, tykase toh repe.

Atos 22:22

Morara kary etaryke tyya xine Pauru zehno toehse ropa toto: “Juteutõkara a aaropõko ase,” kary etaryke tyya xine. — Mose etapatoko! Popyra nase, tykase juteu tomo soutatu tomo a.