Mateu 26:40 - Ritonõpo Omiry: A Bíblia Sagrada na língua Aparai do Brasil

⁴⁰ Mame toytose ropa Jezu typoetory tõ oseruaõkomo a. Nyhnõko toh kynexine. Mame ynara tykase ynororo Peturu a: — Owetũkõ oneanahtopyra matokene?

Mateu 26:40 ပူးပေါင်းရင်းမြစ်များ

1 Tuisa 20:11

Mame tozuhse toto tuisa Akape a: — Kaxiko tuisa Pẽ-Hatate a: “Soutatu nymyry tãtatapoikehse ahtao rokẽ epyrypãko mana. Osetapara ahtao ro epyrypara mana,” tykase.

Kãtiku 5:2

Nyhnõko exiase, yrome ukurohtao typakase exiase. Mame ypyno exikety omiry etase ykohmãko omõtoh po. Omõxi, kuku, ypytyme exikety, opyno ase utuku pitiko, atapuropyra exikety. Jupuhpyry tahxikure nase konopo ke, jũsety roropa tahxikure mana konopo ke.

Mateu 25:5

Mame mokyro pytakety okynã sã mana oehpopyra. Morarame okynã toehse ahtao wetukene nohpo tõ exĩko mana. Nyhnõko mã toto.

Mateu 26:35

Ynara tykase ropa Peturu Jezu a: — “Awaro pyra ase,” kara ase jũme. Amaro ro jetapary se imehnõ ahtao morara kara ase. “Jezu waro pyra ase,” kara ase, tykase Peturu. Morararo tykase ipoetory tõ emero repe.

Mateu 26:38

Ynara tykase ynororo typoetory tomo a: — Emuhtapãnõko ase yronymyryme. Morara exiryke taro rokẽ ehtoko aporo, eneneme ymaro, tykase Jezu eya xine.

Mateu 26:41

Nyhpyra ehtoko. Oturutoko Ritonõpo maro oenekunohpyra xine joroko tamuru ehtohme. Onykyrykõ se pyra matose repe. Yrome jamihme pyra matose, tykase Jezu eya xine.

Mateu 26:43

Mame toeramase ropa ynororo typoetory tomo a. Nyhnõko rokẽ toh kynexine tuetũkõ oneanahtopyra toexirykõke.

Maku 14:37

Morarame toytose ropa Jezu typoetory tõ tynyhse ahtao. Mame ynara tykase ynororo Ximão Peturu a: — Ximão, nyhnõko mah? Toiro pixo eraximary se pyra hma ymahro?

Ruka 22:45

Mame tõturukehxĩpo, towõse ropa ynororo xikihme. Typoetory tomo a toytose ynororo. Nyhnõko toh kynexine toemynyhmarykõke.

Ruka 9:32

Yrome Peturu tõ tynyhse kynexine tyrõnaka xine. Mame typakase ropa toto ahtao, Jezu saereme exiry tonese eya xine. Asakorõkõ roropa tonese eya xine, Jezu maro.

Juize 9:33

Kokoro tõmehse ahtao owõtoko etonatohme tokare pyra pata apoitohme. Mame Kaau tõ tutũtase ahtao pata poe, osetapatoko imaro xine iporemãkatohme jũme rokene.