Mateu 26:31 - Ritonõpo Omiry: A Bíblia Sagrada na língua Aparai do Brasil

³¹ Morarame ynara tykase Jezu typoetory tomo a: — Sero kohmamyry ae ro epãko matose. Jurumekãko matose. Ynara tymerose exiryke Ritonõpo omiryme sero poko: “Kaneru tõ esẽ etapapõko Ritonõpo mana, ekỹpyã atahpahnõko mana. Sapararahme exĩko mã toto,” me tymerose Ritonõpo omiryme.

Mateu 26:31 ပူးပေါင်းရင်းမြစ်များ

Saumu 38:11

Muretano hpe jexiryke jepe tõ oehpyra mã toto upũtokoxi; wekyry tõ roropa ameke rokẽ exĩko mã toto ywinoino.

Saumu 69:20

Jyhxirotoh pokoino sam ãko ase ukurohtao, tapotũkehse ywy jakorehmane oehpyra exiryke! Ypyno exikety toraximase ya repe, yrome arypyra, ypyno exikety pyra nexiase; jemuhkehkane oepyry toraximase ya repe, yrome oehpyra tokurehse.

Saumu 88:18

Oya turumekapose ywy jepe tomo a, ypyno exiketomo a, seromaroro ikohmamyry rokẽ tynamase jepeme.

Izaja 53:10

Mame ynara tykase Ritonõpo: “Kure ya iiryhmary, sam tykamexipose ynororo ya. Tõsekarose ynororo toorihtohme iirypyrymãkõ rypyry epehpyryme, typakomotyã enẽko mana, jumanatome isene exĩko mana. Ipokoino Ritonõpo osenetupuhtoh zae exĩko mana.

Ramẽtasão 1:19

“Jepe tõ tykohmase ya, yrome towokase exiase eya xine. Ritonõpo maro oturuketõ toorihse osema tõ ae, kowenu maro erohketõ maro, tonahsẽ zupiryhtao eya xine isene ro toto ehtohme.

Zakaria 13:7

Ritonõpo Jamihmehxo Exikety ynara tykase: “Tapema, owõko ty, jeky tõ pyno exikety etapatohme, erohkety jakorehmaneme! Jeky tõ pyno exikety etapako, mame kaneru tõ typahsẽme exĩko mã toto, sapararahme. Mame etonãko ase ypoetory tõ maro.

Mateu 11:6

Morara exiryke tãkye kuhse matose exĩko jenetupuhkehpyra awahtao xine, tykase Jezu eya xine.

Mateu 26:24

Etatoko pahne, Ritonõpo nymeropohpyry ae ro orihnõko ase, Ritonõpo omi poe ro. Yrome jetuhxo exĩko mã jewokahpono a. Etuarimãkohxo mana jewokatamitume. Kurehxo eya exiry enurupyra tokurehse ynororo ahtao. Morara ahtao etuarimara exiry, tykase Jezu typoetory tomo a.

Mateu 26:56

Yrome serohne exĩko mana urutõ kõ omihpyry ae ro, tykase Jezu eya xine. Morarame ipoetory tõ toepase toto. Jezu turumekase eya xine.

João 16:32

Yrome okynã pyra matose epãko oesaka xine. Urumekãko matose oenaroxirykõke. Toiroro exĩko ase. Yrome toiroro nymyry pyra ase. Papa maro ase.