Mateu 26:22 - Ritonõpo Omiry: A Bíblia Sagrada na língua Aparai do Brasil

²² Morara kary etaryke tyya xine toemynyhmase ipoetory tomo. Mame tõturupose toto, atatakomino. — Onoky? Ywy? tykase toto tõturupose.

Mateu 26:22 ပူးပေါင်းရင်းမြစ်များ

Mateu 26:21

Mame tõtukurukohtao ro ynara tykase Jezu eya xine: — Etatoko pahne, taro toiro ohtaõkõ jewokãko mana, tykase ynororo typoetory tomo a.

Mateu 26:23

Ynara tykase Jezu eya xine: — Mose jewokãko nase, ymaro morohno paratu aka otuhkety.

Ruka 22:23

Morara kary etaryke tyya xine tõturuse toto oseya rokene: — Onokyh koh Kuesẽkõ ewokãko nae? tykase toto oseya rokene.

João 21:17

Morarame Jezu tõturupose ropa oseruao: — Ximão ypyno mahno? tykase ropa Jezu eya. Morarame toemynyhmase Peturu: “Ypyno mahno?” katopõpyry oseruao Jezu a exiryke. Ynara tykase ynororo: — Jesẽ mase Jezu. Zuaro mase emero porehme. Opyno jexiry waro mase, tykase Peturu eya. — Morara ahtao ypoetory tõ pyno exiko. Kaneru esẽ toky tõ pyno ehtoh sã ypoetory tõ pyno exiko, tykase ynororo Peturu a.

1 Korĩtiu 11:28

Morara exiryke ynara osenetupuhtoko aporo: “Zae rokẽ ytoytõko hano Ritonõpo neneryme?” kahtoko aporo okurohtao xine. Morarame zae awahtao xine rokẽ Kuesẽkõ exixihmatopõpyry poko wenikehpyra ehtoh enahtoko, eukuru ẽtoko, enara. Iirypyryme awahtao xine oorypyrykõ ekarotoko Ritonõpo a ikorokatohme. Moromeĩpo enahtoko, ẽtoko, enara.