Mateu 23:22 - Ritonõpo Omiry: A Bíblia Sagrada na língua Aparai do Brasil

²² Morararo kapu poko õtururukohtao Ritonõpo porohtoh poko oturũko matose Ritonõpo esaryme kapu exiryke. Ritonõpo poko roropa oturũko matose, moroto Ritonõpo exiryke.

Mateu 23:22 ပူးပေါင်းရင်းမြစ်များ

Saumu 11:4

Ritonõpo Kuesẽkõ Tytapyĩ Kurã tao mana; tuisa imehxo mana, tapõ po kapu ao. Sero nono põkõ emero enẽko mana, toto nyriry waro mana.

Izaja 66:1

Ynara ãko Ritonõpo mana: “Kapu jesaryme mana, japõme mana; sero nono upupuru apõme mana. Oty amõko matou ytapyĩme? Otãto ytapyĩ rĩko matou moro tao jehtohme?

Mateu 5:34

Yrome ywy ynara ãko ase oya xine, Ritonõpo onesehtopyra ehtoko oenenekõme. Kapu onykohmara ehtoko roropa oenenekõme Ritonõpo esaryme exiryke.

Atos 7:49

“Kapu jesaryme mana, sero nono upupuru apõme mana. Oty amõko matou ytapyĩme? Otãto ytapyĩ rĩko matou moro tao jehtohme?