Mateu 22:4 - Ritonõpo Omiry: A Bíblia Sagrada na língua Aparai do Brasil

⁴ Morara exiryke imehnõ typoetory tõ taropose ropa eya toto eahmatohme ropa: “Ynara kaxitatoko eya xine: ‘Otuhtoh konõto esẽ oeraximatorỹko rokẽ mana. Pui konõto totapase eya, pui poenõ maro. Tõsẽ itamurume nae mana. Morara exiryke ehmaropa. Imũkuru erẽnary enetokose,’ kaxitoko,” tykase typoetory tomo a ynororo. Mame toytose toh rahkene toto eahmase ropa repe.

Mateu 22:4 ပူးပေါင်းရင်းမြစ်များ

Neemia 9:17

‘Arypyra, Õmiry omipona pyra ynanase,’ tykase toto. Tuenikehse toto onyrihpyry poko emero; tuenikehse toh kynexine ajamitunuru enepotopõpyry poko. Toepyryparykõme, imepỹ tymenekase eya xine tutuisarykõme, Ejitu pona toto arotohme ropa, topehke pyra imehnõ namotome toehtohkõme ropa. Yrome omoro, Ritonõpo, yna rypyry korokaneme mase. Kurãme mase, yna pyno exiketyme. Okynã sã yna zehno pyra mase, opoetory tõ pynanopyry enahpyra mana. Morara exiryke toto onurumekara mexiase.

Saumu 86:5

Ritonõpo, kure mase, yna rypyry korokãko mase, yna pyno mase, emero oturuketõ oya pyno mase.

Porowepio 15:17

Tonahsẽ enapyryhtao imehnõ opyno exiketõ maro kurehxo mana, popyra mana tõse kurã onyry ozehno exiketõ maro.

Kãtiku 5:1

Ytoase utupi pona, kuku, ypytyme exikety. Mira apoĩko ase imehnõ otyro typoxine exiketõ maro; ano zeni ẽnõko ase, jokuru, uwa eukuru jehnahpyry roropa, suhsu maro. Otuhtokose osepyno exiketomo. Eukuru ẽtokose, oetỹtoh pona osepyno ehtoh ke.

Mateu 21:36

Mame typoetory imehnõ taropose ropa eya tuhkehxo. Yrome mokaro tyyryhmase roropa tupito erase tomo a.

Mateu 22:5

— Yrome mokaro eahmatyã tuenikaroro rokẽ toh kynexine. Toerohtoh poko rokẽ torẽtyke toh kynexine. Toiro tutupi pona toytose. Imepỹ osepekahtoh taka toytose.

Mateu 22:8

Morarame typoetory tykohmase ropa tyya: “Emero tõtyhkase tõsẽ tõkehko. Yrome mokaro yneahmatyã popyra rokẽ mã toto.

Ruka 14:17

Morarame otuhtoh konõto tõtyhkase ahtao emero, typoetory tonyohse tyneahmatyã kohmatohme repe. Ynara tykase toto: “Ehmaropa rahkene otuhse. Otuhtoh notyhkano,” tykase toh repe.

Atos 1:8

Yrome tyjamitunuru ekarõko mã Papa oya xine, Tuzenu ekarõko. Morarame ypoko imehnõ tuarõtanohnõko matose Jerusarẽ po te, Jutea po te, Samaria po te, emero pata tõ punero, tykase Jezu eya xine.

Atos 13:46

Mame Pauru orẽpyra toehse Panape maro. Ynara tykase ynororo juteu tomo a: — Osemazuhme Ritonõpo omiry ynanekaroase oya xine repe. Yrome aomiry se pyra matose, esaka oytorykõ se pyra oexirykõke. Morara exiryke juteutõkara a aomiry ekarõko ynanase, tykase Pauru eya xine.

Romanos 8:32

Tumũkuru onypynanohpyra Ritonõpo kynexine. Kypynanohtohkõme Tumũkuru tonehpose tarona aorihtohme, orihpyra kuehtohkõme. Kyya xine Tumũkuru tokarose Ritonõpo a, omomỹke pyra toexiryke. Morara Ritonõpo ahtao tynekarory kurã ekarõko roropa kyya xine mana, emero porehme.