Mateu 21:11 - Ritonõpo Omiry: A Bíblia Sagrada na língua Aparai do Brasil

¹¹ — Mokyro urutono, Jezu Nazare pono, Karirea rãnaono, tykase imehnomo, imoihmãkomo.

Mateu 21:11 ပူးပေါင်းရင်းမြစ်များ

Mateu 2:23

Mame Nazare pona toytose roropa toto, Karirea rãnaõ pona. Moroto ke ehse toh rahkene, Ritonõpo omihpyry ae ro. Pake ynara tykase urutõ kõ Ritonõpo poe inymenekahpyry poko: “Nazare põme exĩko mana,” tykase.

Mateu 21:10

Mame Jerusarẽ pona toeporehkase Jezu ahtao panaikato rokẽ toh kynexine, osetato pyra omi. — Onoky keh mokyro? tykase imehnomo.

Mateu 21:26

Yrome: “Ahno omi poe rokene,” karyhtao kyya xine, imoihmãkõ kyzehno xine exĩko mã toto. Urutõme Ritonõpo poe João tonetupuhse eya xine exiryke, tykase toto oxime rokene.

Mateu 21:46

Morara exiryke Jezu apoipory se toh kynexine soutatu tomo a. Yrome imoihmãkõ zuno toexirykõke anapoipyra tokurehse toto urutõme Jezu ekaroryke imoihmãkomo a.

Maku 6:15

Mame imehnõ ynara tykase: — Mokyro Eria, tykase toto. Imehnõ roropa ynara tykase: — Mokyro Ritonõpo poe urutono, pake ahtao Ritonõpo poe urutonõpo panõ mokyro, tykase toh repe ipoko.

Ruka 13:33

— Mame jytojytory se ro ase sero osema ae Jerusarẽ pona, seroae, kokoro, mokokoro, enara. Oesao xine orihpyra ase. Jerusarẽ po rokẽ orihnõko ase, tykase Jezu eya xine.

Ruka 24:19

— Otara? tykase ynororo. Mame ynara tykase toto eya: — Jezu Nazare põ poko oturũko ynanase. Ritonõpo poe urutõme nexiase. Orẽpyra aomiry nexiase Ritonõpo a, ahno a, enara. Orẽpyra inyrityã roropa nexiase.

Ruka 7:16

Moro eneryke tyya xine tõsenuruhkase toto. Kure Ritonõpo tyrise eya xine. Ynara tykase toto: — Kure kuhse mase, Ritonõpo. Ritonõpo omiry poko urutõ imehxo exikety kymaro xine mana. Kypynanohse xine Ritonõpo tooehse, tykase toto.

Ruka 7:39

Moro eneryke tyya, ynara tykase Jezu kohmahpono, parixeu tukurohtao: — Mose Ritonõpo poe urutõme nymyry ahtao, nohpo tupupuru poko exikety enetuputyry. Iirypyryme mose nohpo ehtoh waro exiry, tykase ynororo tukurohtao rokene.

João 1:21

— Ynorome pyra awahtao onoky keh ma roropa? Eria mahno? Moepyase ropa tokoh ro kapu ae? tykase toh eya. — Arypyra, ynoro kara ase, tykase João eya xine. — Pakato roh mahno, urutono? Moepyase ropa tokoh ro kapu ae? tykase toto eya. — Arypyra, tykase ynororo eya xine.

João 1:25

— Kyrixtume pyra awahtao oty katohme imehnõ ẽpurihkãko mah? Eriame pyra awahtao, pake ro urutõme pyra roropa awahtao? tykase toto eya.

João 4:19

— To! Urutõme mase Ritonõpo poe, tykase nohpo eya morara kary etaryke tyya.

João 6:14

Morarame Jezu jamitunuru eneryke tyya xine ynara tykase imoihmãkomo: — Ajohpe pyra, urutõ nymyry mose ro, Ritonõpo nenyokyhpyry sero nono pona. Kyneraximahpyrykõ mose ro, tykase toto.

João 7:40

Morara kary etaryke imoihmãkomo a ynara tykase toto: — Urutõ nymyry mose ro Ritonõpo poe, tykase toto.

João 9:17

Morara exiryke tõturupose ropa parixeu tomo. Ynara tykase toto tonuremỹpokara a: — Oenuru tukurãkase ropa na eya? Morara exiryke oty ãko ipoko mah? tykase toto tõturupose. — Urutõ mokyro Ritonõpo poe, tykase ynororo eya xine.

Atos 7:37

Mame Moeze ynara tykase Izyraeu tomo a: “Urutõ enehpõko Ritonõpo mana, kuekyrykomo, ysã exikety,” tykase Moeze pake tyekyry tomo a.