Mateu 20:31 - Ritonõpo Omiry: A Bíblia Sagrada na língua Aparai do Brasil

³¹ Yrome turuse toto imoihmãkomo a: — Mynyhme ehtoko, tykase toto eya xine. Yrome itamurumehxo tykohmase toto a: — Tamuxi! Tawi parỹpyry, yna pyno exiko, tykase toto.

Mateu 20:31 ပူးပေါင်းရင်းမြစ်များ

Mateu 15:23

Yrome onetapỹ sã toehse Jezu aporo. Mame Jezu poetory toytose eya. — Mose xihpyry aropoko ropa. Kuekahmatorỹko kahpyry mana. Panaikato roropa mana, tykase Jezu a toto.

Mateu 19:13

Morarame imehnomo a typoenõkõ tonehse Jezu a, zupuhpyrykõ apotohme eya. Typoenõkõ poko Jezu otururu etary se roropa toh kynexine Ritonõpo a. Mame toto eneryke tyya xine Jezu poetory tomo a turuse toto Jezu onerekohmara toto ehtohme.

Mateu 20:30

Morarame osema ehpio tonurãkara kynexine asakoro. Typorohse rokẽ toto osema ehpio. Mame Jezu ytory totase tyya xine ahtao, tykohmase toto a: — Tamuxi! Tawi parỹpyry, yna pyno exiko, tykase toto.

Mateu 20:32

Morarame totypohse Jezu toto zurutohme. Ynara tykase ynororo eya xine: — Oty se hmatou ya, tykase tõturupose eya xine.

Mateu 9:27

Morotoino Jezu kỹtone ropa. Aytoryhtao tokahmase tonurãkara a. Asakoro kynexine tonurãkara. Mokaro a Jezu tokahmase. Ynara tykase toto: — Tawi parỹpyry mase. Yna pyno exiko Tawi parỹpyry, tykase toto opore.

Ruka 18:39

Osemazuhme imynyhpãkapory se ytoketõ kynexine repe: — Ajoajohpe pyra exiko. Mynyhme exiko, tykase toto eya. Yrome jamihmehxo tykohtase ynororo: — Tawi pary, ypyno exiko! tykase ynororo.

Koroxi 4:2

Oturukehpyra ehtoko Ritonõpo a. Tuaro ehtoko õtururukohtao, “Kure mase,” kakehpyra ehtoko Ritonõpo a.

1 Tesaronika 5:17

Oturukehpyra ehtoko Ritonõpo netaryme.