Mateu 2:16 - Ritonõpo Omiry: A Bíblia Sagrada na língua Aparai do Brasil

¹⁶ Morarame mokaro a tonekunohtopõpyry poko tutuarõtase tahtao, tyekĩtapãse Erote. Xirikuato ekahmahpõkõ zehno toehse. Mame soutatu tõ taropose eya Perẽ pona poeto pisarara enurusenã kõ etapatohme. Emero porehme totapapose toto orutua komo, inenyohtyamo a. Tyse suhsuru poko ro exiketõ tonahkapose eya Jezu enurutopõpyry poko tutuarõtase toexiryke xixi tũtatoh wino aehtyamo a turuse toexiryke. Morara exiryke emero totapapose toh eya, Perẽ põkõ poenomo, Perẽ zomyẽkõ poenomo roropa. Enara totapapose toh Erote a.

Mateu 2:16 ပူးပေါင်းရင်းမြစ်များ

Jenexi 39:14

typoetory tõ tykohmase tyya, ynara tykase ynororo eya xine: “Enetoko ke! Mokyro epereu, ynio nenepyhpyry tapyi taka, yna osanumary se mana. Jynyhtoh taka nomõno ypoko toehtohme repe, yrome kui tykase ywy opore.

Jenexi 39:17

Mame tooehse ropa inio ahtao turuse ynororo morararo ajohpe rokene. Joze tyhxirose eya, ynara tykase: “Mokyro opoetory epereu, onenepyhpyry tapyi taka, nomõno jynyhtoh taka ypoko ehtohme.

Jenexi 49:7

Zehno toto ehtoh popyra tyriposẽme exĩko yronymyrymehxo exiryke! Tohne toto ehtoh popyra tyriposẽme exĩko iirypyryme exiryke. Tãtapiakasẽme exĩko mã toto Izyraeu nonory po, sapararahme toto ripõko ase jekyry tõ maro.

2 Tuisa 8:12

Hazaeu tõturupose eya: — Oty katohme mah xitãko? tykase. — Tuaro jexiryke onyriry tõ xihpyry poko Izyraeu tõ ryhmaryke, tykase Eriseu. Izyraeu tõ soutatu tõ tapyĩ jamihme exiketõ zahkãko mase. Toto poenõ etapãko mase, ipoenõ pitiko roropa, nohpo tõ ryhmãko mase poetoẽme exiketomo, tykase.

Jo 12:4

Jeunohnõko jepe tõ mana, ywy, ajohpe pyra exikety, zae exikety. Oturuase Ritonõpo a, mame tozuhse ywy eya.

Porowepio 28:15

Kowenu popyra ahtao zehno exiketyme sã mana reão samo, uuso sa roropa tymõkomokãkara tuisaryme.

Porowepio 28:17

Imepỹ etapahpono nono ahkãko taryporyke samo tokepyry zonẽtohme; ah nahkano.

Izaja 26:21

Tosary poe kapu ao Ritonõpo Kuesẽkõ oehnõko mana sero nono põkõ wãnohse iirypyrykõ epehpyryme. Tokare pyra ahno etapatyã ononẽpyra exĩko sero nono po mana, imehnõ etapahpõkõ sero nono po emero osenepõko mana.

Izaja 59:7

Osenetupuhkehpyra matose popyra ehtoh riry poko, atarypõko matose ahno kurã etapatohme oya xine; imehnõ ryhmary poko osenetupuhnõko matose, oytorykohtao tykararahsẽme exĩko te, tonahkasẽme, enara.

Tanieu 3:13

Morara kary etaryke tyya tyekĩtapãse Napukotonozo. Satarake tõ tonehpose tyya, Mesake maro te, Apete-Neko maro.

Ozeja 10:14

Morara exiryke etonatoh oehnõko oya xine, atapyĩkõ jamihmãkõ tonahkasẽme exĩko. Ynara exĩko oya xine mana: tuisa Saumã nyrihpyry samo, tõsetapase ynororo ahtao Pete-Arapeu maro: tapyi tõ typahse eya nono pona, nohpo tõ tysahkase eya ipoenõ maro.

Numeru 22:29

Tozuhse ynororo eya, ynara tykase: — Ajoajohpe toehse oexiryke, jomiry omipona pyra mase. Tytapemake jahtao, kueatãkary seromaroro!, tykase Paraão.

Numeru 24:10

Mame Parake tyekĩtapãse Paraão poko. Tomary totapase eya zakorõ ke zehno toexiryke, ynara tykase ynororo: — Kykohmase ooehtohme popyra jepetõkara ripotohme. Yrome kure rokẽ toto tyripose oya oseruao.

Mateu 2:1

Mame Jezu tonuruse Perẽ po, Jutea rãnaõ pata po, Erote Jutea tuisaryme ahtao. Mame te rokẽme orutua kõ toytose Jerusarẽ pona. Xixi tũtatoh wino esarykõ kynexine. Xirikuato poko atamorepaketõ kynexine, ynara tykase toto Jerusarẽ põkomo a:

Mateu 2:17

Zae morara tykase Jeremia pake Ritonõpo poe:

Mateu 2:7

Morarame Erote a xirikuato ekahmahpõkõ tykohmase tyya toto maro tõturutohme tokare pyra. Mame tõturupose eya xine xirikuato onuhtopõpyry poko: — Otara ahtao xirikuato menepitoatohse? tykase ynororo.

Apokaripxi 12:4

Xirikuato tarose eya kapu ae tarokyry ke. (Oseruao xirikuato ahtao toiro tarose eya.) Mame xirikuato tõ tynarotyã tomase eya nono pona. Nohpo enurukety ẽpataka toexikihmase ynororo, aenururu eraximatohme tyya, poeto enahtohme tonuruse ahtao.

Apokaripxi 17:6

Morarame mokyro eneryhtao ya, toetỹse exikety sã tãkye nexiase Ritonõpo poetory orihtopõpyry poko, toto etapatopõpyry poko tyya, enara. Jezu onurumekara toto exiryke totapase toto eya. Mame mokyro eneryke ya osenuruhkase ipunaka.

Juize 16:10

Mame ynara tykase Tarira eya: — Etako ke, tuarõ karame jekarõko mase, ajohpe mase. Ajohpãme sã zae osekaroko ya, otãto omyhnõko ha?