Mateu 2:10 - Ritonõpo Omiry: A Bíblia Sagrada na língua Aparai do Brasil

¹⁰ Tãkye toehse toto yronymyryme xirikuato eneryke tyya xine.

Mateu 2:10 ပူးပေါင်းရင်းမြစ်များ

Saumu 105:3

Tãkye ehtoko ipoetoryme kuexirykõ poko. Kuesẽkõ poko oseahmaketõ emero, atãkyematoko.

Saumu 67:4

Imehnõ ahno tãkye exiry se ase, eremiatohme atãkyemaryme zae ahno apiakaryke oya, zae sero nono põkõ aroneme roropa oexiryke.

Mateu 2:11

Mame tapyi taka toytose toto. Moro tao enurusenã tonese eya xine tyse enao, Maria enao. Mame tosekumurukõ po typorohse toto Jezu ẽpataka, “Kure mase imehxo” katohme tyya xine eya. Mame typakarãkõ ae tynekarorykõ touse eya xine ekarotohme eya. Uuru te, ixtaratu te, imepỹ ixtaratu mira roropa, enara touse kehko eya xine tynekarorykõme eya.

Mateu 2:9

Mame morara kary etaryke tyya xine toytose toto. Toytorykohtao xirikuato tonese ropa eya xine, mororo inenehpyrykõ ro xixi tũtatoh wino, aosenepohpyry ro. Mame toto esemazupurume xirikuato toytose poeto pitiko esary pona. Mame totypohse epozakoxi.

Ruka 2:10

Yrome ynara tykase Ritonõpo nenyokyhpyry eya xine: — Oserehpyra ke ehtoko. Omi kurã ekarose oehno oya xine, tãkye oehtohkõme. Imehnõ roropa tãkye exĩko mana porehme.

Ruka 2:20

Morarame toytose ropa kaneru erase tomo. Toytorykõ ropa ahtao toremiase toto. Ynara tykase toto Ritonõpo a: — Kure kuhse mase, Ritonõpo. Imehxo mase, tykase toto, toremiarykohtao. Tãkye toehse toto tynenehpyrykõ poko, tynetahpyrykõ poko roropa, Ritonõpo nenyokyhpyry omiry zae toehse exiryke.

Teuteronomiu 32:13

Ypy tõ esẽme typoetory tõ tyrise Ritonõpo a, otyro epery tupito tõ po tonahse eya xine. Ano zeni tokarose eya xine topu tõ rãnao. Oriwera tõ urome toperytase nono po, topu tohpe exikety po.