Mateu 17:9 - Ritonõpo Omiry: A Bíblia Sagrada na língua Aparai do Brasil

⁹ Mame toto yhtory ropa ahtao ypy poe ynara tykase Jezu typoetory tomo a: — Imehnõ onurupyra ehtoko aporo onenehpyrykõ poko. Tõsemãse ropa jahtao rokẽ imehnõ zurutoko, tykase Jezu eya xine.

Mateu 17:9 ပူးပေါင်းရင်းမြစ်များ

Mateu 12:16

Mame ynara tykase Jezu eya xine: — Jekãtopyra ke ehtoko, tykase Jezu eya xine.

Mateu 17:12

— Yrome ynara ãko ase oya xine, Eria tooehse mana pake. Yrome onenetupuhpyra sero põkõ nexiase. Tyyryhmase ynororo eya xine. Mokyro ryhmatopõpyry sã Kapu ae Ayhtohpyry roropa ryhmãko mã toto, tykase Jezu typoetory tomo a.

Mateu 17:20

Ynara tykase Jezu eya xine: — Pitiko rokẽ jenetuputyryke oya xine tũtara joroko kynako, õmipona xine pyra kynako. Etatoko pahne, jenetuputyryhtao oya xine pitiko repe, moxitatu puhturu samo, ynara ãko matose sero somohmã netaryme: “Ytoko esyryhmako mõtona,” ãko matose. Mame õmi poe xine esyryhmãko mana. Emero tyriry waro exĩko matose.

Mateu 17:22

Morarame Karirea po tõximõse ropa toto, Jezu maro ipoetory tomo. Mame ynara tykase Jezu typoetory tomo a: — Kapu ae Ayhtohpyry ekarõko mã toto imehnomo a.

Mateu 17:23

Jetapãko mã toto. Yrome oseruao tõmehse ahtao jẽsemãkapõko ropa Ritonõpo mana, tykase. Mame toemynyhmase toto, ipoetory tomo, yronymyryme.

Mateu 17:8

Morara exiryke tõsenuhmase ropa toh repe. Yrome mokaro onenepyra ropa toh kynexine. Jezu rokẽ tonese eya xine.

Mateu 8:20

Yrome ynara tykase Jezu eya: — Oetuarimary zuno pyra hma ymahro? Onokyro tõ tosake mana. Torõ tõ roropa, tosake toh mana. Yrome Kapu ae Ayhtohpyry tytapyike pyra mana, tosake pyra taro, tykase Jezu eya.

Mateu 8:4

Mame ynara tykase Jezu eya: — Etako ke, topoh rokẽ ytoko aporo Ritonõpo maro oturukety a. Osekãtopyra exiko aporo. Eya rokẽ osenepota. Moromeĩpo Moeze omihpyry omi poe onekarory ekarota eya jahkatohme, okurãkatopõpyry ropa waro imehnõ ehtohme, tykase Jezu eya.

Maku 8:30

— Jekaropyra ke ehtoko! tykase Jezu typoetory tomo a.

Ruka 8:56

Mame tõsenuruhkase jumy jẽ maro. Mame ynara tykase Jezu jẽ tomo a: — Mose oẽxirykõ ẽsemãkatopõpyry ropa onekãtopyra ehtoko, tykase Jezu eya xine. Enara.

Ruka 9:36

Morarame omi tymynyhpãse ahtao, Jezu rokẽ tonese eya xine. Mynyhme rokẽ toh toehse. Tynenehpyrykõ poko oturupyra toh toehse roropa imehnomo a.