Mateu 16:14 - Ritonõpo Omiry: A Bíblia Sagrada na língua Aparai do Brasil

¹⁴ — Joãome oekarõko mã toto ahno ẽpurihkaneme, tykase toto. — Imehnõ Eriame oekarõko roropa mã toto. Imehnõ roropa Jeremiame oekarõko roropa mã toto. Imehnõ otarame urutõme Ritonõpo poe oekarõko mã toto, tykase Jezu poetory tõ eya.

Mateu 16:14 ပူးပေါင်းရင်းမြစ်များ

Jeremia 1:1

Sero pape Jeremia omihpyryme mana, inyrihpyry poko roropa ekarõko mana. Oturukety Hiukia mũkurume kynexine ynororo. Moroto imehnõ oturuketõ kynexine pata Anatote po, Pẽjamĩ nonory po.

Marakia 4:5

— Yrome moro ẽmepyry ae, popyra ehtoh oehpyra ro ahtao ywy, Ritonõpo, ypoetory urutõ Eria enehpõko ase.

Mateu 14:2

Ynara tykase Erote Jezu poko: — João ahno ẽpurihkane mokyro. Tõsemãse ropa mana, tykase typoetory tomo a. — Morara exiryke jamihme toehse ynororo. Kurãkõkara kurãkãko ropa mana, tykase.

Mateu 16:15

— Amarokõ ke, onokyme roropa jekarõko matou? tykase Jezu eya xine, typoetory tomo a.

Mateu 17:10

Mame ynara tykase toto Jezu a: — Oty katoh ynara ãko Moeze omihpyry poko amorepatõkõ nae: “Eria oehnõko mana osemazuhme,” ãko? tykase toto, tõturupose Jezu a. Mame ynara tykase Jezu eya xine:

Mateu 3:1

Morarame Nazare po Jezu ahtao ro João ahno ẽpurihkane toytose. Imehnõ tamorepapitose eya Ritonõpo omiry poko moroto, ahno esao pyra, Jutea po.

Maku 6:15

Mame imehnõ ynara tykase: — Mokyro Eria, tykase toto. Imehnõ roropa ynara tykase: — Mokyro Ritonõpo poe urutono, pake ahtao Ritonõpo poe urutonõpo panõ mokyro, tykase toh repe ipoko.

Maku 8:28

Ipoetory tomo a tozuhse: — Ahno ẽpurihkane Joãome oekarõko mã toto. Imehnomo: “Eria,” ãko. Imehnomo: “Ritonõpo omi poe urutono,” ãko, tykase ipoetory tomo.

Ruka 9:8

— Arypyra, tykase imehnomo. — Eria ekepyry mokyro tõsemãse ropa mana, tykase toto. Jezu poko imehnõ roropa ynara tykase: — Arypyra, pake Ritonõpo poko urutonõpo ekepyry mokyro, tõsemãse ropa mana, tykase toto Jezu poko.

João 1:21

— Ynorome pyra awahtao onoky keh ma roropa? Eria mahno? Moepyase ropa tokoh ro kapu ae? tykase toh eya. — Arypyra, ynoro kara ase, tykase João eya xine. — Pakato roh mahno, urutono? Moepyase ropa tokoh ro kapu ae? tykase toto eya. — Arypyra, tykase ynororo eya xine.

João 7:12

Putiputime tõturuse toto itamurume Jezu poko imoihmãkõ rãtao. — Kurã mokyro, tykase toto, emero pyra. — Arypyra, tykase imehnomo. — Onekunohto rokẽ mokyro, tykase toto.

João 9:17

Morara exiryke tõturupose ropa parixeu tomo. Ynara tykase toto tonuremỹpokara a: — Oenuru tukurãkase ropa na eya? Morara exiryke oty ãko ipoko mah? tykase toto tõturupose. — Urutõ mokyro Ritonõpo poe, tykase ynororo eya xine.