Mateu 15:15 - Ritonõpo Omiry: A Bíblia Sagrada na língua Aparai do Brasil

¹⁵ Ynara tykase Peturu: — Yna amorepako ropa moro poko, anamorepatopõpyry poko, tykase.

Mateu 15:15 ပူးပေါင်းရင်းမြစ်များ

Mateu 13:18

— Etatoko pahne, ãmorepatorỹko ase ynekarohpyry poko, otyro puhturu arykatopõpyry poko.

Mateu 13:36

Morarame imoihmãkõ turumekase Jezu a. Tomõse tapyi taka. Mame ipoetory tõ toytose eya, oturupose. — Otara katoh koh moro ãtaryka poko moturuno? Moro tupito poko yna amorepako ropa, tykase toto Jezu a.

Mateu 15:16

Ynara tykase Jezu eya xine: — Tuaro pyra ro matohu? Mokaro saaro matose.

Maku 4:34

Imoihmãkõ maro tahtao enetupuhtoh rokẽ tokarose eya. Mame typoetory maro tahtao enetupuhtoh poko tutuarõmase ropa toto.

Maku 7:17

Mame ahno turumekase ropa eya. Mame tapyi taka tomõse ahtao, ipoetory tõ tõturupose Jezu a tamorepatopõpyrykõ poko.

João 16:29

Ynara tykase ipoetory tõ eya: — Seromaroro zae rokẽ yna zurũko mase. Tupimã ke pyra yna muruno.