Mateu 14:8 - Ritonõpo Omiry: A Bíblia Sagrada na língua Aparai do Brasil

⁸ Mame tyse maro tõturuxĩpo ynara tykase ynororo: — Seromaroro toiro se rokẽ ase oya. João, ahno ẽpurihkane zupuhpyry se ase, paratu ao, tykase ynororo eya.

Mateu 14:8 ပူးပေါင်းရင်းမြစ်များ

1 Tuisa 18:13

Tuaro pyra make, Ritonõpo poe urutõ kõ etaparyhtao Jezapeu a 100mãkõ tonẽse ya toto ewomatohme oramãka, asakoro 50mãkomo? Tonahsẽ ekaroase eya xine tuna roropa.

1 Tuisa 18:4

Urutõ kõ etaetaparyhtao tuisa pyty Jezapeu a, Opatia a 100me urutõ kõ tonẽse, toto ewomatohme, asakoro oramao ypy myhtokoxi, 50me toiro oramao, imepỹ oramao 50me roropa. Tonahsẽ tokarose eya xine tuna maro.)

1 Tuisa 19:2

Mame omi taropose nohpo a Eria a. Ynara tykase ynororo: — Jetapapory se hano ritõ komo a, kokoro serara ahtao oetapara jahtao, urutõ kõ etapatopõpyry sã oya, tykase.

2 Tuisa 11:1

Morarame tuisa Akazia eny, Ataria tuaro toehse ahtao tumũkuru etapatopõpyry poko, tyekyry tõ tonahkapose eya toiroro toehtohme tuisa myakãme.

Extara 1:9

Ynara tymerose eya: tijera uuru risemy 30me, tijera parata risemy 1.000me, tijera imehnomo 29me, tasa uuru risemy 30me, tasa parata risemy 410me, imehnõ oripo tõkehko 1.000me tokarose, enara.

Porowepio 1:16

Atarypoketõ sã mã toto popyra toehtohkõ ritohme, imehnõ etapary se roropa mã toto.

Porowepio 29:10

Imehnõ etapananõ zae exiketõ se pyra mã toto ipunaka, yrome zae ehtoh poko exiketõ toto ewomãko mã toto isene toto ehtohme.

Mateu 14:11

Mame paratu ao zupuhpyry tonehse eya xine ekarotohme nohpo a. Mame mokyro a zupuhpyry tokarose tyse a.

Mateu 14:7

Morara exiryke ynara tykase eya ynororo: — Oty se nymyry hma ya? Õpenery ekarõko ase oya emero porehme, tykase Erote nohpo a, Erotia ẽxiry a.

Mateu 14:9

Morara kary etaryke tyya Erote toemynyhmase yronymyryme. Yrome: “Õpenery ekarõko ase oya,” tykase toexiryke imoihmãkõ netaryme, soutatu tõ taropose eya, João zupuhpyry kohtohme eya xine.

Maku 6:24

Mame morara kary etaxĩpo tyya toytose nohpo oturupose tyse a: — Oty se ãkohxo ke ha aja Erote a, tykase ynororo tõturupose tyse a. Mame ynara tykase jeny eya: — “Ahno ẽpurihkane zupuhpyry se rokẽ ase,” kaxiko eya, tykase jeny tõxiry a.

Maku 6:25

Mame toytose ropa Erote a ynororo. — Ahno ẽpurihkane zupuhpyry se rokẽ ase paratu ao, tykase ynororo eya.

Maku 6:28

Zupuhpyry tonehse toto a paratu ao ekarotohme nohpo a. Mokyro a tarose tyse a rahkene.