Mateu 14:27 - Ritonõpo Omiry: A Bíblia Sagrada na língua Aparai do Brasil

²⁷ Yrome ynara tykase Jezu eya xine: — Juno pyra ehtoko. Ywy ase Jezu. Enaromyra ehtoko, tykase eya xine.

Mateu 14:27 ပူးပေါင်းရင်းမြစ်များ

Izaja 41:10

Enaromyra ehtoko amaro xine jexiryke; oserehpyra ehtoko, Oesẽkõme jexiryke. Ajamihtanohtorỹko ase, ãkorehmatorỹko roropa; oewomatorỹko ase, opynanohtorỹko ase japotunuru ke.

Izaja 41:14

Ynara ãko Ritonõpo mana typoetory tomo a: “Pisarara matose jamihme pyra roropa, yrome enaromyra ehtoko; ywy ase Ritonõpo, Izyraeu tõ Esẽ kurano, Opynanohnekõme ase, oewomatorỹko ase.

Izaja 41:4

Onoky morohne poko tõsenetupuhse emero tyripotohme? Onoky moino ro apitorymã poe morohne poko tõsenetupuhse morara ehtohme seromaroro? Ywy, Ritonõpo, moroto exine apitoryme, morarame ywy, Ritonõpo, moroto exĩko ase sero etyhpyry po.

Izaja 51:12

Ynara ãko Ritonõpo mana: “Ywy ase ajamihtanohneme. Naeroro ahno zuno pyra ehtoko, axĩtao rokẽ mã toto, onahpoty samo.

Mateu 14:28

Morara kary etaryke tyya xine ynara tykase Peturu: — Jezume awahtao amaro kuaroko jytotohme tuna poro, tykase Peturu.

Mateu 17:7

Mame typoetory tomo a toytose Jezu. Tapose toto eya. — Owõtoko ropa ty. Oserehpyra ehtoko, tykase Jezu eya xine.

Mateu 28:10

— Enaromyra ehtoko, tykase Jezu eya xine. — Ytotoko jakorõ tõ zurutatoko. Enyohtatoko Karirea pona toto ytotohme. Moroto oseporỹko ropa sytatose toto maro, tykase Jezu eya xine.

Mateu 28:5

Morarame ynara tykase Ritonõpo nenyokyhpyry nohpo tomo a: — Oserehpyra ehtoko. Jezu zupĩko hmatou wewe pokona exixihmahpyry? Zuaro ase.

Mateu 9:2

Mame pakaihkapỹ tonehse imehnomo a etueh tapoe. Jezu jamitunuru waro toexirykõke, Ritonõpo mũkurume Jezu tonetupuhse tyya xine exiryke kurãkara tarose eya xine. Mame toto a tonetuputyry eneryke tyya, ynara tykase Jezu ytoytopyny a: — Enaromyra exiko aimo. Oorypyry korokãko ropa ase, tykase Jezu eya.

Maku 6:50

Eya xine Jezu tonese. Tõserehse toto emero. Yrome eya xine ynara tykase Jezu: — Juno pyra ehtoko. Ywy ase. Enaromyra ehtoko, tykase eya xine ynororo.

Ruka 1:13

Yrome ynara tykase Ritonõpo nenyokyhpyry eya: — Enaromyra exiko, Zakaria. Õturutopõpyry totase Ritonõpo a mana, poeto poko. Morara exiryke opyty poetoẽme exĩko mana. Enurũko mana, orutuame. Morara exiryke Joãome esehpako.

Ruka 1:30

Ynara tykase Ritonõpo nenyokyhpyry eya: — Enaromyra exiko, Maria. Opynanohnõko Ritonõpo mana.

Ruka 12:32

— Enaromyra ehtoko ypoenomo. Tuhke pyra matose Ritonõpo enetupuhnanomo. Yrome imeĩpo ahno esẽme oehtohkõ ekarõko mã oya xine Omykõ kapuaono.

Ruka 2:10

Yrome ynara tykase Ritonõpo nenyokyhpyry eya xine: — Oserehpyra ke ehtoko. Omi kurã ekarose oehno oya xine, tãkye oehtohkõme. Imehnõ roropa tãkye exĩko mana porehme.

Ruka 5:10

Morararo Ximão marõkomo, Tiaku tomo João maro, atakorõmãkomo, Zepeteu poenomo. Mokaro tõsenuruhkase roropa. Mame ynara tykase Jezu Ximão a: — Enaromyra exiko. Seromaroro kana poko oerohtoh rumekãko mase. Taroino jomiry ekarory poko rokẽ erohnõko mase. Imehnõ ahno akorehmãko mase Ritonõpo poko toto osenetupuhtohme, tykase Jezu eya. — Ỹ, tykase Ximão.

João 16:33

Morara exiryke kuurutou moro poko, torẽtyke pyra oehtohkõme, ypoetoryme oexirykõke. Jenetupuhpynõ õsanumatorỹko repe. Orẽpyra ehtoko. Jenetupuhpynõ esẽ poremãkapõko ase.

João 6:20

— Oserehpyra ehtoko. Ywy ase Jezu, tykase ynororo eya xine kanawa aõkomo a.

Atos 23:11

Morarame koko Jezu tõturuse Pauru maro. Ynara tykase ynororo eya: — Tãkye exiko Pauru. Jerusarẽ põkõ mutuarõtanopyase toh ypoko. Moro saaro Roma põkõ roropa tuarõtanohnõko mase ypoko, tykase Jezu eya.