Mateu 10:36 - Ritonõpo Omiry: A Bíblia Sagrada na língua Aparai do Brasil

³⁶ orutua kõ roropa, tyekyry tõ maro oxiehno toto ehtohme roropa yronymyryme.

Mateu 10:36 ပူးပေါင်းရင်းမြစ်များ

Jenexi 3:15

Oxiehno nohpo maro orĩko ase. Ipoenõ oxiehno rĩko roropa ase opoenõ maro, jũme. Mame opuhpyry akurihmõko mana. Omoro ihtainy esekãko mase.

2 Samueu 16:11

Mame ynara tykase Tawi Apisai a typoetory esamo a roropa: — Mãkara umũkuru ro nymyry, jetapary se toehse. Ahtao oty katoh osenuruhkãko hano mose ro Pẽjamĩ pary jetapary se ahtao isaaro? Naeroro mose ro onerekohmara ehtoko. Ah ykerekeremano Ritonõpo omi poe exiryke morara tyrĩko mana.

Saumu 41:9

Jepe kurã roropa, zae exiketyme ekaroase, ymaro otuhkety, mokyro jewokaneme toehse.

Saumu 55:13

Yrome omoro mase, ymaro ytoytokety, ymaro atamorepakety jepemehxo repe!

Izaja 19:2

Ynara ãko Ritonõpo mana: “Osetapatoh tyripõko ase Ejitu põkõ etonatohme imehnõ Ejitu põkõ maro; atakorõ tõ oxiehno exĩko mã toto, tykatonomory tõ oxiehno exĩko roropa mã toto, pata põkõ imepỹ pata põkõ zehno exĩko, tuisa tõ oxiehno exĩko roropa mã toto.

Jeremia 12:6

Oekyry tõ ro, atapyĩ taõkõ oewokaneme toehse mã toto. Oepetõkara maro okerekeremãko mã toto. Osenekunohpopyra exiko eya xine, kure rokẽ aotururukohtao ro amaro osepeme sã repe.

Jeremia 20:10

Imoihmãkõ omiry etãko ase puti puti ãko: “Emero rokẽ po erehtoh nae, enahkatopo! Eropa, Jeremia sekarotone tuisa tomo a!” ãko. Jepe tõ roropa josetapary eraximãko. Ynara ãko: “Otarame ahno apoitoh taka omõnõko mana; mame apoĩko sytatose, emỹpõko sytatose,” ãko.

Mikeja 7:6

Tumy htomãko imũkuru mana, tyse omipona pyra ẽxiry tõ mana. Tymerenoty maro atatapoĩko ipary ẽ mana. Osepeme pyra exĩko oxiekyry tõ mana; oxiehno exĩko mã toto yronymyryme.

Mateu 10:21

— Morarame orutua kõ takorõ tõ ewokãko toh mana ekarotohme terekatu tomo a, aorihmapotohme. Turuikõ ekarõko roropa mã toto terekatu tomo a, aorihmapotohme. Jũkõ typoenõ ewokãko roropa mã toto. Imehnõ roropa tumykõ zehno exĩko. Toto orihmapõko mã toto.

João 13:8

— Upupuru kurikary se pyra ase oya, yna esẽme oexiryke, tykase Peturu eya. — Yrome opupuru onukurikara jahtao, ypoetoryme pyra mase, tykase Jezu eya.

1 Samueu 17:28

Mame takorõ omiry etaryke tyya tyekĩtapãse irui Eriape: — Oty kasehxo koh moehno xiaro? Onoky maro oeky tõ mynomono ona po? tykase. — Awaro ase. Epyrypãko rokẽ mase okurohtao, ajoajohpe rokene. Osetapatoh enese rokẽ moehno, tykase irui Tawi a.