Marakia 3:2 - Ritonõpo Omiry: A Bíblia Sagrada na língua Aparai do Brasil

² Yrome onoky oseanahtõko nahe moro ẽmepyry toehse ahtao mokyro oepyryhtao? Onoky orẽpyra exĩko nae tooehse mokyro ahtao? Apoto sã exĩko mana uuru kurãkatoh samo, kymarokõ kurãkatohme. Sahpau sã exĩko roropa mana kukurikatohkõme.

Marakia 3:2 ပူးပေါင်းရင်းမြစ်များ

Jenexi 19:28

Tõsenuhmase ynororo Sotoma wino te, Komora wino roropa jakanahmã pona roropa. Orexĩto konõto tonese eya onuhnõko nono poe, apoto konõto erexĩtory samo.

Jo 28:1

Nono ahkatoh nae parata outohme, osa tõ nae roropa uuru zahkatoh tonõ ikurãkatohme.

Saumu 130:3

Yna rypyry tymerose ahtao oya yna wãnopyry emero, tyyrypyhpyke yna exiryke porehme.

Saumu 2:7

“Jarao omi ekarõko ase,” ãko tuisa mana. “Ritonõpo omiry ekarõko ase. Ynara nase ya: ‘Umũkurume mase; seroae omyme toehse ywy.

Saumu 76:7

Ahno emero ouno mã toto. Oẽpataka xikihme ehsaromepyra mã toto, zehno awahtao.

Porowepio 25:4

Parata tukurãkase ahtao apoto po joia kurã rĩko ipoko erohkety mana.

Izaja 1:18

Ynara ãko Ritonõpo Kuesẽkõ mana: “Osehtoko xiaro, soturutone sero poko. Oorypyrykõ ke tonohse sã matose tahpireme, xinukutumehme sã xikuxikumã samo. Yrome okurikatorỹko ase, karimutume exĩko ropa matose mauru samo, karimutume kaneru hpoty samo.

Izaja 33:14

Pata Xião po, iirypyrymãkõ tykytyky ãko mã toto. Ynara ãko mã toto enaromỹke toexirykõke: “Otãto orihpyra exĩko sytatou moro apoto enahkatoh pũto kuahtao xine, jũme ezehpyra exikety pũto kuahtao xine? Onoky osewomãko nae zahpyra toehtohme?”

Izaja 4:4

Tyjamitunuru ke Jerusarẽ põkõ apiakãko mana, toto wãnohnõko mana; iirypyrykõ kurikãko mana, nuriame toto ehtopõpyry, imehnõ etapatopõpyry roropa eya xine.

Jeremia 2:22

Upo xikuromã sã matose ya. Toekurikase awahtao xine sahpau ke itamurume, sahpau jamihme exikety ke, ãtapurohpyrykõ enẽko ro ase; iirypyryme oehtohkõ osenẽko ro mana. Ywy, Ritonõpo, oturuno.

Ezekieu 22:14

Osenetupuhtoko: orẽpyra osekarõko ro matou, oemarykõ anỹnõko ro matou tõtyhkase jahtao awãnopyry poko? Ywy, Ritonõpo, oturuno. Jomihpyry ae tyrĩko ase.

Tanieu 11:35

Toitoine mokaro imehnõ amorepananõ, tuaro exiketõ, totapasẽme exĩko mã toto, yrome morara exĩko Ritonõpo poetory tõ kurãkatohme, Ritonõpo kure ehtoh sahxo toto ehtohme. Morara exĩko ro sero etyhpyry pona ro, sero etuarimatoh otyhkãko Ritonõpo a imenekatoh pona.

Joeu 2:11

Konomeru sã soutatu tõ tyripõko Ritonõpo mana; ipoetory tõ osetapaketõ ikuhpỹme mã toto, orẽpyra aomiry omipona exiketõ mana. Ritonõpo ẽmepyry enaroximatoh imehxo mana, orekohmato konõto. Onoky moro eanahtõko nae?

Naum 1:6

Zehno Ritonõpo ahtao xikihme ẽpataka ehsaromepyra mã toto, isene ro ehsaromepyra sytatose emero. Zehno aexiry kuãnõko mana iporiry sã apotoimo, ẽpataka topu tõ ehmõko rokene.

Zakaria 13:9

Mame mokaro aoxinamatyã aropõko ase apoto kuroko. Toto kurãkãko ase parata kurãkary samo. Toto kuhnõko ase, uuru kukuru samo. Mame oturũko mã toto ya, ywy roropa toto ezuhnõko ase. Ynara ãko ase eya xine: ‘Ypoenõme matose.’ Mame jezuhnõko mã toto: ‘Yna Esẽme mase, Ritonõpo.’ ”

Marakia 4:1

Ynara ãko Ritonõpo Jamihmehxo Exikety: — Moro ẽmepyry oehnõko mana: epyrypaketõ emero tyahkasẽme exĩko mana, popyra exiketõ maro, onahpoty samo tonore ahtao. Tonahkasẽme exĩko mã toto ipunaka.

Mateu 25:10

— Morara kary etaryke tyya xine ytõko mã toto 5mãkomo, tuaro pyra exiketomo, oriu epekahse repe. Mame erẽnakety oehnõko sã koko toto esahpyo mana. Morarame imaro ytõko toh mã tuaro exiketõ rokene, 5mãkõ rokene. Tapyi taka omõnõko mã toto erẽnatoh taka, otuhtoh konõto pona. Mame tapyi apurũko sã erẽnatoh aporesemyry mana.

Maku 9:3

Zupõ saereme toehse, karimutume konõto toehse, emero ikurikasenã motye toehse, karimutume kuhse.

Ruka 2:34

Morarame ynara tykase Ximeão: — Papa Kapuaono, kure rokẽ moxiã tyriko, tykase ynororo. Mame ynara tykase ynororo Maria a: — Pake mose poeto tymenekase Ritonõpo a. Yrome tuhkãkõ Izyraeu tõ ise pyra exĩko toh mana ipunaka. Naeroro toto enahkapõko Ritonõpo mana. Imeĩpo omoro roropa atasamãko mase. Okurohtao jetũ exĩko mase tapema ke tuohpyry samo. Yrome tuhkãkõ ise exĩko mã toto. Tãkye exĩko mã toto ipoko. Mose pokoino toemynyhmatohke toh exĩko mana, tykase Ximeão Maria a.

Ruka 21:36

Naeroro joepyry ropa eraximatoko. Kokoro rokẽ oturutoko Ritonõpo maro, poremãpyra oehtohkõme serara tooehse ahtao. Mame ehxiropyra matose Kapu ae Ayhtohpyry ẽpataka oytorykohtao, tykase Jezu eya xine.

Ruka 3:17

Arexi tõkehko apiakane sã Ritonõpo mana. Arexi kurã kurãkãko esẽ mana tytapyĩ taka. Ipihpyrỹpyry pahnõko mana apoto htaka. Moro saaro kuapiakatorỹko Ritonõpo mana. Tõmipona exiketõ menekãko mana tõmipona pyra exiketõ htae, tõmipona exiketõ jũme tymaro ehtohme. Yrome tõmipona pyra exiketõ pahnõko mana, apoto htaka, ezehpy htaka, tykase João eya xine.

Ruka 3:9

— Wewe sã matose toperẽ samo. Tomeseke ehtoko. Imepỹ oehnõko mana, wywy ke wewe mity poro akohtohme, eperytara ahtao, apoto htaka ipahtohme. Moro saaro tõmipona pyra awahtao xine awãnohtorỹko Ritonõpo mana, seromaroro, wewe toperẽkara sã awahtao xine, tykase João eya xine.

Ruka 7:23

Mame tãkye kuhse matose exĩko jenetupuhkehpyra awahtao xine, poremãpyra awahtao xine, kahtoko João a, tykase Jezu eya xine.

João 8:55

Yrome mokyro waro pyra matose, onenetupuhpitopyra oexirykõke. Yrome zuaro ase. “Ritonõpo waro pyra ase,” karyhtao ya, ajohpe rokẽ jexiry mana, asã xine. Yrome ywy zuaro. Aomipona roropa ase.

Epereu 12:25

Naeroro tomeseke ehtoko. Aomiry onetara exiketõ sã pyra ehtoko. Mokaro, Ritonõpo omihpyry ekarone onetara aehtyã sero nono po, osepynanohpyra tokurehse toto. Morara exiryke kymarokõ roropa mokaro saaro omõnõko sytatose apotoimo htaka, kapu ae ayhtohpyry omiry rumekaryhtao kyya xine.

Apokaripxi 19:8

Tupõ kurã amurũko nohpo mana, upo karimutume kuhse exikety. Mokyro sã Ritonõpo poe ipoetory tõ kure exĩko mana, nase ynororo. (Toto zupõme sã kure toto ehtoh mana.)

Apokaripxi 2:23

Ipoenõ etapãko roropa ase, ypoetory tõ emero zuaro ehtohme, imehnõ osenetupuhtoh waro jehtoh waro toto ehtohme, imehnõ penetatoh waro jehtoh waro roropa toto ehtohme. Oepehmatorỹko ase emero porehme onyrihpyrykõ epehpyryme.

Apokaripxi 6:17

Yna zehno toto ehtoh toehse exiryke poremãnõko rokẽ ynanase, ãko toh kynexine.

Apokaripxi 7:14

— Kũ, omorohko, zuaro mase, tykase ywy eya. Mame ynara tykase ynororo ya: — Moxiã poremãpyra exiketomo. Toanahtose toto a etuarimatoh konõto toehse ahtao. Kaneru mũkuru etapary sã toorihse Ritonõpo mũkuru. Moro enetuputyryke moxiamo a tukurikase toto Ritonõpo a upo kurikary sã kyya xine.

1 Samueu 6:20

Mame tõturupose Pete-Seme põkomo: — Onokyhxo owõnõko nae Ritonõpo ẽpataka? Zaehxo exiketyme Ritonõpo mã ipunaka. Aza rokẽ aomihpyry ẽ aropõko sytatou myahxo taroino?