Marakia 2:2 - Ritonõpo Omiry: A Bíblia Sagrada na língua Aparai do Brasil

² Oesẽkõme imehxo jyripyra awahtao xine, ynyripohpyry omipona pyra roropa awahtao xine, popyra ehtoh enehpõko ase opona xine. Kure ehtoh riporyhtao oya xine moro myakamãko ase popyra ehtoh ke. Moro tyripose ya pake, imehxo jyripyra toehse oexirykõke.

Marakia 2:2 ပူးပေါင်းရင်းမြစ်များ

Saumu 69:22

Naeroro otuhtoh riryhtao eya xine, ah nyporemãno, mokaro ryhmapotohme! Otuhtoh konõto riryhtao eya xine, ah tyyryhmasẽme nexĩ toto, toto wãnohtohme.

Porowepio 3:33

Zae pyra exiketõ tapyĩ ripõko popyra Ritonõpo mana, yrome zae ehtoh poko exiketõ tapyĩ kure rokẽ tyripõko mana.

Izaja 42:25

Naeroro kyzehno xine toehtoh ke tuãnohse sexiatose, toetuarimase roropa sexiatose etonatoh tao. Kyzehno xine aexiry apoto sã nexiase zahnõko Izyraeu tõ rãnao. Yrome zuaro pyra sexiatose. “Otara exĩko nae?” tykase, onenetupuhpyra sexiatose ipunaka.

Izaja 47:7

Jũme tuisame oexiry poko tõsenetupuhse mexiase repe, ynyriry poko osenetupuhpyra mexiase, sero etyhpyry poko osenetupuhpyra roropa mexiase.

Izaja 57:11

“Oneponãmarykõ zuno matose! Onokãkõ mokaro, ajohpe õturutohkõme ya? Mame ypoko tuenikehse matose ipunaka. Otarame mynyhme toehse jexiryke moino ro juno pyra matose, jomipona pyra.

Jeremia 34:17

Naeroro ywy Ritonõpo ynara ãko ase: jomiry omipona pyra mexiatose, opoetory tõ epereu tõ onymyhpokara tokurehse mexiatose, toto ytotohme. Kure! Etatoko ke omyhpokatorỹko ase: oorihtohkõme etonatoh tao te, oorihtohkõme tyrohsẽ ke te, oorihtohkõme omise konõto ehtoh ke, enara. Aaropotorỹko ase imeimehnõ nonory pona oetuarimatohkõme. Mame ynyrihpyry oya xine eneryke tyya xine oserehnõko imeimehnõ nono põkõ mã toto yronymyryme.

Ezekieu 3:7

Yrome Izyraeu tõ õmiry etary se pyra mã toto, jomiry etary se pyra toexirykõke. Omi onymoipyra rokẽ mã toto; jomiry omipona se pyra roropa mã toto.

Ajeu 1:6

Õkyryrykõ puhturu arykãko matose tuhke repe, yrome pitiko apoĩko matose. Tonahsẽ nae matose repe, yrome tuesapare exipyra matose. Uwa eukuru nae matose repe, yrome ipune pyra mana etỹtohme. Upo nae matose yrome õseworitoh pune pyra mana kuenime toehse ahtao. Erohketõ epehpyry ipune pyra mana ise toehtoh epekahtohme.

Ajeu 1:9

— Õkyryrykõ itamurume apoiry se mexiatose repe, pitiko rokẽ tapoise oya xine. Mame moro pitiko aroryhtao tapyi taka “puu” karyke ya, anapyrykõ tonahkase ya emero exisasaka. Oty katohme moro tyrise ya? Atapyĩkõ kurãkary poko rokẽ matose, yrome Ytapyĩ poko, “Oty kara,” matose, onukurãkara matose, tykararahse ahtao.

Marakia 2:1

Ritonõpo Jamihmehxo Exikety ynara tykase: — Oturuketomo, oturũko ase oya xine.

Marakia 3:9

Ykyryry tõ ematonanohnõko matose emero porehme. Naeroro popyra ehtoh enehpoase opona xine, emero porehme.

Ruka 17:18

— Mose rokẽ, juteu kara rokẽ noehno ropa: “Kure mase, Ritonõpo,” kase, tykase Jezu.

Jozue 7:19

Ynara tykase Jozue Akã a: — Zae osekaroko, aimo, seromaroro, Ritonõpo Izyraeu tõ Esẽ netaryme. Kuruko emero onyrihpyry poko. Ajohpe pyra exiko.

1 Peturu 4:11

Imehnõ zururu waro awahtao xine, Ritonõpo omiry poko zurutoko toto. Imehnõ akorehmary waro awahtao xine, Ritonõpo jamitunuru ke toto akorehmatoko. Morara awahtao xine: “Kure mase Ritonõpo, emero motye kuhse,” ãko oenenanõkõ mana. “Kure Jezu Kyrixtu mana. Ipoetory tõ roropa kure,” ãko mã toto. “Emero motye kure mase Jezu. Emero motye tuisamehxo mase,” sykatone Jezu Kyrixtu a kokoro rokene.

Apokaripxi 14:7

Ynara nase opore: — Ritonõpo zuno ehtoko, kure rokẽ tyritoko roropa. “Kure mase imehxo,” kahtoko eya, sero põkõ apiakatoh toehse exiryke porehme. Naeroro oesekumurukõ po oporohtoko Ritonõpo ẽpataka, “Kure mase,” katohme eya. Kapu rihpõme ynororo, nono tõkehko rihpõme, tuna konõto roropa iporiry tõkehko emero rihpõme mana.

Apokaripxi 16:9

Tyahse toto xixi ke piukah karyke. Mame Ritonõpo tykerekeremase eya xine, morohne wãnohtoh esẽme Ritonõpo exiryke. Yrome tyyrypyrykõ onurumekara toh nexiase. “Kure mase, Ritonõpo,” kara toh nexiase roropa.