Marakia 1:2 - Ritonõpo Omiry: A Bíblia Sagrada na língua Aparai do Brasil

² Ritonõpo ynara ãko typoetory tomo a: — Moino ro opyno xine ase, ãko. Yrome ekaropõko mã toto: — Otara enetupuhnõko ynanah, yna pyno oexiry poko? Ynara ãko Ritonõpo mana: — Atakorõme Ezau tõ nexiase Jako maro. Yrome Jako pyno exiase ipoenõ maro, ipakomotyã roropa,

Marakia 1:2 ပူးပေါင်းရင်းမြစ်များ

Jenexi 25:23

mame ynara tykase Ritonõpo eya: “Awakuru ao opoenõ kamaramãkõ ahno tamurume exĩko mã toto. Emũkuãko mase kamarame, oxise pyra exĩko mã toto. Toiro omũkuru orẽpyra exĩko mana. Osemazupuru poremãkapõko akomihpyry mana,” tykase Ritonõpo eya.

Jenexi 25:25

Osemazupu tonuruse kamirarame samo, ipihpyry tuhpose, upo samo, okyno pihpyry risẽ samo. Naeroro tosehpase ynororo Ezaume.

Jenexi 25:26

Zakorõ tonuruse ahtao turui ihtaĩ tapoise eya tomary ke. Naeroro Jakome tosehpase ynororo eya xine. 60me jeimamyry nae Izake kynexine toemũkuase Repeka ahtao.

Jenexi 27:33

Aomiry etaryke tõserehse Izake. Tykytyky tykapitose itamurume, ynara tykase ynororo: — Onoky koh, joh enehno osemazuhme? Otuhno seromaroro oehpyra ro awahtao. Mokyro kure rokẽ yripono Ritonõpo a. Kure mokyro rĩko Ritonõpo mana.

Jenexi 48:4

Ynara tykase ynororo ya: “Tuhke opoenõ rĩko ase; apakomotyã roropa. Sero nono ekarõko ase apakomotyamo a toto esaryme ehtohme jũme.”

1 Tuisa 10:9

Kure kuhse Ritonõpo mana, Oesemy. Tãkye opoko toexiryke oriase Izyraeu tõ esẽme. Jũme Izyraeu tõ pyno aexiry exikehpyra mana. Morara exiryke Izyraeu tõ tuisaryme oriase, toto akorehmatohme zae ehtoh poko toto ehtohme.

2 Tuisa 3:8

Oty osema ae ytõko sytatou etonatoh taka? tykase. — Ehmaropa moe, ona rãnakuroko, Etõ nonory poro, tykase Jorão.

Izaja 43:4

Imehnõ nonory põkõ, ahno tytororo ekarory opynanohtohme, typynehxo oexiryke ya, opyno jexiryke, imehxo oriry se roropa jexiryke.

Izaja 63:1

“Onoky mose oehnõko Etõ nonory poe, pata Posora poe? Onoky mose ro tupoke kurã ke, kamiraramã ke, tuisamehxo exikety sã ytõko, jamihme, orẽpyra exiketyme?” “Ywy ase,” ãko Ritonõpo mana “Orẽpyra ase, yjamitunuru ke Opynanohnekõme ase.”

Jeremia 2:31

Amarokomo emero etatoko pahne: Ynara ãko ase, Izyraeu tomo a: Oty sã jekarõko matou? Ona tonorẽ sã jekarõko matou? Nono sã etonatohme saereme pyra ahtao, ewomane pyra ahtao. Naeroro, oty katohme ynara ãko matou: “Yna penetatoh rĩko ynanase. Ritonõpo a ytopyra ropa ynanase,” ãko?

Jeremia 2:5

Ynara ãko mana: “Oty popyra jehtoh tonese atamuru tomo a jurumekatohme eya xine? Tyneponãmarykõ typahsẽme, isene exiketõ kara toahmase eya xine, mame isaaro toehse roropa toh nexiase typahsẽme sã rokene.

Jeremia 31:3

moino tooehse ywy, osenepose eya xine. Moino ro opyno xine exiase, naeroro opyno xine jehtoh enepõko ro ase oya xine, jũme opyno xine jehtoh exikehpyra mana.

Amoxi 1:11

Ynara tykase Ritonõpo: — Etõ põkõ iirypyryme toehse itamurume, naeroro toto wãnohnõko ase. Tõsetapase toto takorõ tõ maro, Izyraeu tõ maro, toto pyno pyra, onypynanohpyra roropa toh nexiase. Mokaro zehno Etõ tõ exikehpyra mana, jũme sã toto se pyra toh mana.

Marakia 2:17

Typenekehse mã Ritonõpo õmirykõ etaryke tyya. Yrome ekaropõko matose. Ynara ãko: “Oty tyrise yna a, Ritonõpo typenekehse ehtohme?” ãko matose. Ynara karyke oya xine: “Ritonõpo Kuesẽkõ popyra exiketõ kurãkõme ekarõko mana, popyra ehtoh poko exiketõ se mana,” ãko matose. Ekaropõko roropa matose: “Otoko nah Ritonõpo, Zae Exikety?” ãko matose.

Ruka 10:29

Mame mokyro, Moeze nymerohpyry poko amorepatõ, imehnõ pyno ehtoh poko ekaropory se toehse. Ynara tykase ynororo Jezu a: — Onokãkõ mokaro ipyno jehtopo? tykase ynororo Jezu a.

João 15:12

Ynara ãko ase oya xine, imehnõ pyno ehtoko, opyno xine jehtoh samo.

Teuteronomiu 10:15

Yrome atamurukõ pyno nexiase ipunaka. Amarokõ tymenekase eya typoetoryme oehtohkõme emero ahno tõ poe, sero nono põkõ poe. Seroae ro inymenekahpyryme matose.

Teuteronomiu 23:5

Yrome Paraão omiry onetara Ritonõpo Kuesẽkõ nexiase; popyra ehtoh inenehpohpyry tymyakãmase Ritonõpo a kure ehtohme opyno xine Ritonõpo exiryke.

Teuteronomiu 33:3

Typoetory tõ pyno Ritonõpo mana, toto ewomãko mana. Porohnõko mã toto Ritonõpo ẽpataka atamorepatohme inyripohpyry tõ poko.

Teuteronomiu 4:37

Kytamuru tõ pyno Ritonõpo nexiase, morara exiryke amarokõ tymenekase eya; tyjamitunuru ke tysyryhmapose mexiatose eya Ejitu poe.