Marakia 1:11 - Ritonõpo Omiry: A Bíblia Sagrada na língua Aparai do Brasil

¹¹ Imeimehnõ nonory po emero, jeahmãko mã toto. Emero rokẽ po ixtaratu zahkãko imehxo jehtoh ekaroryme, tokykõ kurã ekarõko mã toto tynekarorykõme ya. Emero Tuisamehxo jekarõko mã toto.

Marakia 1:11 ပူးပေါင်းရင်းမြစ်များ

1 Koronika 16:25

Tuisame Ritonõpo mana eahmatohme kyya xine; imehnõ motye emero, tuisamehxo mana.

Saumu 111:9

Typoetory tõ tymyhpokase Ritonõpo a, tõmiry totapose roropa eya xine jũme onytyoromara ehtohme. Kure mana jamihme roropa!

Saumu 113:3

Ẽmepyry poe ikohmamyry pona ah Ritonõpo toahmasẽme nexino!

Saumu 138:5

Eremiãko mã toto onyrityã poko, saerehkatoh sã imehxo oehtoh exiryke.

Saumu 141:2

Joturutoh apoiko ixtaratu samo ynekaroryme oya, jemary anymyry roropa ynekaroryme kokonie pukuro.

Saumu 45:17

Sero jeremiatoh ke jũme wenikehpyra exĩko mã toto imehxo oehtoh poko, jũme oeahmãko mã toto myarotokoromero.

Saumu 48:10

Ritonõpo, oeahmãko ahno tõ mana emero nono po, oesety waro onyrityã roropa imeimehnõ nonory po porehme. Zae rokẽ tuisame mase;

Saumu 48:11

atãkyematoko Jerusarẽ põkomo! Ritonõpo, zae rokẽ apiakãko mase! Naeroro atãkyematoko Juta patary tõ põkomo!

Saumu 50:1

Ritonõpo, Jamihmehxo Exikety, Kuesẽkomo, oturũko mana; sero nono põkõ kohmãko xixi tũtatoh wino aomõtoh pona.

Saumu 65:9

Sero nono pyno oehtoh enepõko mase, konopo enehpõko mase nono ehxikatohme kure ehtohme. Konopo oepyryke iporiry kumanohnõko mana, morararo otyro zamaro nono exĩko, eperytãko kure, morara tyripose oya exiryke.

Saumu 67:2

tyriry se oehtoh waro sero nono põkõ ehtohme, emero; typynanopyrykõ se oexiry waro imeimehnõ nono põkõ ehtohme porehme.

Saumu 86:9

Emero ahno onyrityã oehnõko, tosekumuru po porohnõko mã toto oẽpataka; imehxo oehtoh eahmãko mã toto

Saumu 96:8

Kuesẽkõ kure exiketyme aexiryke eahmatoko; onekarorykõ enehtoko õmõtohkõme Itapyĩ zarã taka.

Izaja 12:4

Morarame moro ẽmepyryme toehse ahtao ynara ãko matose, eremiãko: “Ritonõpo eahmatoko! Ikohmatoko, ãkorehmapotohkõme eya. Imehnõ nonory põkõ emero zurutoko inyrityã kurã poko; imehxo aexiry poko toto zurutoko.

Izaja 12:5

Eremiatoko Ritonõpo eahmaryme inyrityã kurã pokoino, morohne waro emero nonory põkõ ehtohme!

Izaja 19:21

Osenepõko Ritonõpo mana Ejitu põkomo a, enetupuhnõko mã toto. Ritonõpo eahmãko mã toto, mame tynekarorykõ enehnõko mã toto eya, tiriiku tõkehko. Tõmirykõ etapõko mã toto eya, mame tõmirykõ omipona tyrĩko mã toto.

Izaja 30:27

Enetoko ke! Ritonõpo Kuesẽkõ moino oehnõko mana. Zehno exiketyme oehnõko mana akurũ ao, orexĩtome. Oturũko mana, aomiry apoto sã mana, jahkatohme.

Izaja 45:6

Morara tyrĩko ase, nono etyhpyry poe xixi tũtatoh wino mya etyhpyry pona xixi omõtoh wino sero nono põkõ porehme zuaro ehtohme ywy ase Ritonõpo, imepỹ ritõ pyra mana.

Izaja 54:5

Orihpono, Ritonõpo Jamihmehxo Exikety oniome exĩko mana; Izyraeu tõ Esẽ kurã, sero nono põkõ emero Esemy, opynanohnõko mana.

Izaja 59:19

Ahno emero, xixi tũtatoh wino xixi omõtoh pona Kuesẽkõ zuno exĩko mã toto, ijamitunuru roropa. Ynara exiryke: tuna zueme exikety sã oehnõko mana tyryrykane jamihme exikety a taropose ahtao.

Izaja 66:18

inyrirykõ waro jexiryke aosenetupuhtohkõ roropa. — Oehnõko ase imeimehnõ nonory põkõ emero oximõme enehpotohme. Tõximõse toto ahtao saereme jehtoh enẽko mã toto.

Jeremia 10:6

Ritonõpo, yna Esemy, imepỹ asã exikety pyra mana. Imehxo mase, jamihme mase, oesety jamihme mana.

Jeremia 10:7

Onoky ouno pyra hnae, emero nono põkõ Esẽme mase? Kure kuhse mase yna a, imehxo oexiryke. Imepỹ pyra mana asã exikety, tuaro exiketõ rãnao, ahno tuisary tõ rãnao.

Jeremia 4:2

Mame ajohpe pyra õmirykõ etaporyhtao oya xine, zae rokẽ awahtao xine: “Ritonõpo netaryme te, Ritonõpo neneryme,” ãko matose. Mame imehnõ nonory põkõ emero kure toto ripõko mã toto ya, jeahmãko roropa mã toto.

Tanieu 2:45

Morara ãko moro onenehpyry topu tapiakase ahtao ypy poe tamoreme, onypurohmara ahtao ahno a. Mame moro topu a orutua panõ totapase kurimene risemy te, metau te, parata te, orino te, uuru risemy, enara. Ritonõpo Imehxo Exikety imeĩpo ehtoh enepõko oya mana. Moro sã nexiase õsenehtopõpyry. Moro sã mã enetupuhtoh kehko, tykase Tanieu eya.

Amoxi 9:12

Mame Etõ nonory akoĩpyry poremãkãko ypoetory tõ mana, imehnõ nonory tõ roropa emero ykyryrỹpyryme aexityamo. Moro emero tyripõko ase. Ywy Ritonõpo oturuno.

Mikeja 5:4

Mokyro tuisa oehnõko mana typoetory tõ pynanohtohme, kaneru pynanohne samo, Ritonõpo jamitunuru ke. Imehxo exĩko mana Ritonõpo Izyraeu tõ Esẽ omi poe. Ipoetory tõ towomasẽme exĩko mana, tuisa jamihme exiryke mya nono etyhpyry pona.

Sowonia 2:11

Mokaro maro osetapãko Ritonõpo mana orẽpyra samo. Ineponãmarykõ emero sero nono po enahkapõko mana. Mame imeimehnõ nono põkõ emero Ritonõpo eahmãko mã toto tosarykõ po.

Sowonia 3:9

— Morarame ahno tõ kurãkãko ropa ase tyneponãmarykõ eahmakehtohme eya xine. Ywy rokẽ jeahmãko mã toto Tosẽkõme. Jomiry omipona toto ripõko ase, jomiry omipona toto ehtohme emero porehme yronymyryme.

Zakaria 8:7

Ypoetory tõ pynanohnõko ase. Toto enehnõko ase nono tõ xixi tũtatoh wino exiketomo te, nono tõ xixi omõtoh wino exiketõ roropa, moro nono tõ pona tarose toto exiryke imeimehnõ namoto tõme.

Marakia 1:14

Popyra ehtoh enehpõko ase ajohpe exikety a, tõmiry onymoipyny a: “Okyno kurã ekarõko ase jeky tõ poe,” kahpono a repe, yrome tapurose exikety rokẽ enehnõko mana tynekaroryme ya! Ywy ase Tuisamehxo Exikety, imeimehnõ nono põkõ emero Tuisame Imehxo Exiketyme jekarõko mã toto. Ywy, Ritonõpo Jamihmehxo Exikety, oturuno.

Marakia 3:3

Porohnõko mokyro mana oturuketõ kurãkatohme, Rewi pakomotyamo, parata kurãkane samo, uuru kurãkane sã roropa apoto ke. Moromeĩpo tynekarorykõ enehnõko mã toto Ritonõpo a zae rokẽ rahkene tukurãkase toexirykõke.

Mateu 28:19

Morara exiryke ytotoko emero pata tõ pona. Emero pata põkõ amorepatatoko jomipona toto ehtohme, ypoetoryme toto ehtohme. Mame ẽpurihkatoko toto Papa Kapuaõ omi poe, Imũkuru omi poe, Zuzenu omi poe, enara.

Mateu 8:11

Etatoko pahne, tuhkãkõ mã oehnõko xixi tũtatoh wino, xixi omõtoh wino roropa Ritonõpo esaka. Aparão tõ maro otuhnõko mã toto, Izake maro, Jako maro, enara.

Ruka 1:10

Moro myhto oximõmãkõ oturũko roropa toh kynexine Ritonõpo a ixtaratu panõ zatyryhtao.

Romanos 12:1

Wekyry tomo, kypyno xine Ritonõpo mã ipunaka. Naeroro osekarotoko onekarorykõ kurãme eya. “Taro ase Ritonõpo, õmipona rokẽ jehtohme,” kahtoko eya tãkye aehtohme. Morara awahtao xine zae matose exĩko Ritonõpo poko.

Romanos 15:16

Jezu Kyrixtu poetoryme tymenekase ywy juteutõkara amorepatohme. Ritonõpo maro oturukety sã ase erohnõko, juteutõkara amorepary poko Jezu Kyrixtu enetupuhtohme eya xine. Juteutõkara Jezu enetuputyryhtao, Ritonõpo omipona exĩko mã toto. “Imehxo mase, yna esẽ mase,” ãko mã toto Ritonõpo a. Mame morara kary etaryke tyya tãkye Ritonõpo exĩko mana. Mame kure exĩko roropa mã toto Ritonõpo neneryme, aosenetupuhtohkõ tyrise exiryke Ritonõpo Zuzenu a.

Piripo 4:18

Seromaroro onenehpohpyrykõ Epaporotitu a apoi rahkene, porehme. Epo mana. Imotye roropa mana. Onekarohpyrykõ ya onekarohpyryme Ritonõpo a mana. Typoxine sã eya mana. Kure Ritonõpo a mana. Jamaro mana.

2 Tesaronika 1:12

Morara awahtao xine imehnõ ynara ãko: “Kure imehxo Kuesẽkõ mana,” ãko toto oenerykõke. Jezu roropa ynara ãko kyya xine: “Kure matose,” ãko. Toipe Jezu Kyrixtu kure rokẽ typoetory tõ rĩko mana. Isaaro roropa Ritonõpo mana.

1 Timoteu 2:8

Ahno otururu se ase Ritonõpo maro, emero pata põkomo, tyyrypyhpyrykõ poko pyra exiketomo, zehno pyra exiketomo, oseosezuhpyra exiketomo, enara.

Apokaripxi 11:15

Mame imepỹ Ritonõpo nenyokyhpyry rue etone, etyhpyrymano. Mame omi opore exiketõ etase kapu ao. Ynara nase toto: — Seromaroro Kuesẽkõ sero nono esẽme toehse rahkene tynymenekahpyry maro. Tuisame exikehpyra mana jũme, nase toto.

Apokaripxi 15:4

Onoky ouno pyra exikety nae nah? Arypyra, ouno emero mã toto, yna esẽme oexiryke. Imehxo oehtoh poko ekãtõko mã toto emero porehme. Omoro rokẽ kurãme nymyry mase. Pata tamuru põkõ emero oehnõko mã toto, ‘Kure mase,’ katohme oya. Kure rokẽ orĩko mã toto. Tosekumuru po porohnõko mã toto oẽpataka, kure oexiry eneryke tyya xine, emero pata põkõ punero,” tykase toto toremiarykõme.

Apokaripxi 5:8

Moro pape apoiry eneryke tyya xine mokaro asakoropane isene exiketõ tosekumurukõ po typorohse toto nono pona kaneru mũkuru ẽpataka, tamuximãkõ maro. Toare exikety nae toh nexiase etotohme, kasana panõ roropa nae toh nexiase, uuru risemy, pehme ixtaratu ke. Ritonõpo poetory tõ otururu moro ixtaratume mana.